Aiyeya 42:21 - The Keyagana NT and 25 OT books

²¹ Ala kava neʼmoʼa fatago kavaʼamoʼmo alagepa huno afole aigiyaʼmofeʼmo amuse nehiye. Agaemo Goti keʼaepa geʼamo magoʼe huno alino alopa huno ateteno ala agimo amigiye.

Aiyeya 42:21 ပူးပေါင်းရင်းမြစ်များ

Samu 138:2

Kagaemo nagaefeʼmo muki afinaʼaeʼmo alagi kahauʼnigeka lama geʼageʼmo nehanaʼmofeʼmo nagaemo kagaemo kaote mono noʼmo aulagamo mono huʼna kagikaleʼmo aliʼna asaga huguve. Kagaemo kagikaleʼmo alika asaga huteka gekaleʼmo magoʼe huka alika asaga huʼnane.

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Aiyeya 42:4

Agaemo aliʼyaʼalefeʼmo aipamoʼmo kana hisigeno haino me otalegaiye. Haino me otalegaifa aliʼyaʼamo alime alime neʼvisigeno muki ma mopafiʼmo fatago kavaʼmo afole aigiye. Afagi kotega vayaʼmogimo keʼaepa geʼamo alino apaya malesiyafeʼmo agava maigae.

Aiyeya 51:4

Vayaʼnimogitapae, huʼna, Geʼnimo afiyo. Yagaiʼna lapateʼnova vayaʼmo magoke nofi vayaʼnimogitapae, huʼna, geʼnimo lapaketafo hutapa afiyo. Nagaemo navayafatiʼmo keʼaepa gemo hapa paiteʼna fatago kavatetiʼmo yagaiʼna apatesuva kavaʼnimoʼmo muki nofi vayaʼmogi ha le yaʼapigana huno hanesiyafeʼmo hu malegauve.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 3:15

Yesuʼa hunoʼaeʼmo, he, ani kavaʼmo haneʼniyaʼmonanafa hemenimo kagaemo geʼnimo afa akame hugetaʼao. Muki Goti fatago kavaʼamo alitaʼa afole aitaʼa ategauʼae, huno ha paiʼnigenoʼaeʼmo Yoniʼa hunoʼaeʼmo, he kanalene, huno huʼniye.

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Yoni 8:29

Nagaemo muki afinaʼmo alino nateʼnigeʼna emiʼneʼnova vekamoʼa hauʼniya agufa kavaʼageʼmo nehuvaʼmofeʼmo nataleno noʼvifa nagaeʼeʼmo magokepi lokaeno neʼmaiye, huno hapa paiʼniye.

Lomu 10:4

Kalaisiʼa muki apakesamo afiʼa fatago nehaya vayaʼmogi fatago kavaʼmo alisayafeʼmo apakae apaimuʼyaleʼmo Goti keʼaepa geʼamo ago akame huno hano huʼniye.

Lomu 3:31

Inagi lagaemo apakesamo afiʼa fatago hisaya kavafeʼmo ava gemo nehutaeʼmo keʼaepa geʼamo aeta ati nekaopiye. Alagi atalegeno hano hino. Lagaemo keʼaepa geʼamo ha maeta alita he tita neʼatone.

Lomu 7:12

Inagi muki keʼaepa gemo aote gemo haneʼnigeno magoke magoke keʼaepa gemoʼa ma kavaʼmo hiyo ina kavaʼmo osiyo, huno huʼniya gemoʼa aote gemo hanege fatago gemo hanege alagepa gemo hanege huʼniye.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

Galesiya 3:21

Keʼaepa gemoʼa polomasi geeʼmo kamemo huno neʼatefiye. Ani gemo alagi atalegeno hano hino. Keʼaepa gemoʼa afaʼa maisaya yaʼmo alino apamiʼniyesinana ani keʼaepa gemo akame nehaya kavatetiʼmo naulagaleʼmo fatago vayaʼmo maiʼnae, huno huʼniyesine.

Filipai 3:9

Nagaemo keʼaepa gemo akame huteʼna nagaiʼni fatago kavaʼnimo aliʼnovanageno atupa afinaʼmo Gotiʼa nagesiyafeʼmo oʼnahauʼniye. Kalaisifekeʼmo nagesamo afiʼna fatago huʼnova kavatetiʼmo Gotitegatiʼmo fatago kavaʼamo aliʼnovanageno Gotiʼa Kalaisipiʼmo nagesiyafeʼmo nahauʼniye.

Himulu 8:10

Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.