Aiyeya 40:5 - The Keyagana NT and 25 OT books

⁵ Ala kava neʼmo hale konali yaʼamo afole yateʼmo afole aisigeʼa muki ma mopafi vayaʼmogimo agegae. Ala kava neʼmo avayafatikeʼmo mani gemo eʼniyaʼmofeʼmae.

Aiyeya 40:5 ပူးပေါင်းရင်းမြစ်များ

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Samu 96:6

Ha le konali yaʼamo haneʼnigeno kini vekamo maiʼniye. Lokiya vekamo maiʼnigeʼa hapaʼye huʼnigeʼapaeʼmo neʼagaya vekamo maiʼniye.

Samu 97:6

Kokuʼnate yaʼmogi fatago kavaʼamo aliʼa lave neliye. Muki ma mopafi vayaʼmogimo ha le konali yaʼamo neʼagae.

Hatu maeno apate'niya gemae 16:7

Lapakaemo Ala kava nefeʼmo hagalu hagalu hutapa ge hauʼnaya gemo afiʼniyaʼmofeʼmo netepiʼmo ha le konali kavaʼamo agegae. Laʼagaemo ina lagitaʼamo maiʼnoʼagetapaeʼmo laʼagaefeʼmo hagalu hagalu hutapa ge laʼahaunae, huʼana hapa paiʼnaʼae.

Aiyeya 1:20

Negayaʼmonanafa lapakaemo olapauʼnigetapa geʼnimo amagita atalesayaʼmoʼmo inagi kame vayatapimogimo eʼa kamitimo lapaesagetapa faligae. Nagaemo Ala Kava neʼmoʼnamo ani gemo ago huʼnovaʼmofeʼmae.

Aiyeya 11:9

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.

Aiyeya 26:15

O Ala kava nene, huʼna, Kagaemo kagaika nofi vayaʼmo magoʼe huka alika apateʼnane. He, magoʼe huka alika apateʼnanageʼa magoʼe huʼa vayakamo afole aiʼnae. Ala kagikamo aliʼnane. Kagaemo lagae mopamo hakuʼmo alime alime uteka maleʼnane.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

Aiyeya 40:4

Muki otufiʼmo aetapa havaitege muki aveʼamo kafitapa naku paetalegeno uno lamige hino. Kayagi kayaga huʼniya kaʼmo kafitapa alita api aita ateyo. Muki kanale osuʼniya kaʼmo aliʼa kanale huʼa ategae.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Aiyeya 60:1

Saiyoni taoniyo, huʼna, he tika yegegana huka aeka ha lo. Ha le yatapimo alino lapamiʼniyanagi Ala kava neʼmo ha le konali yaʼamo eno afole aiteno lapakaeteʼmo aeno ha leʼniye.

Aiyeya 66:16

Ala kava neʼmoʼa ataletiʼe naipeʼaletiʼeʼmo agoti huno apateteno apamagigiye. Asole vayaʼmo kamitimo apamagisigeʼa faligae.

Aiyeya 66:18

Nagaemo ani vayaʼmogi kavaʼapiʼe apakesa neʼafiya kavaʼeʼmo ageʼnovaʼmofeʼmo aliʼna hano huʼna apatalegauvaʼmonanafa muki nofi vayaʼe muki apakemo neʼaiya vayaʼeʼmo apavaleʼna aliʼna anupa huʼna apatesugeʼa eʼa ha le konali yaʼnimo agegae.

Aiyeya 66:23

Muki alopa hopa afinanagi saufa kailenagi muki Sapati afinanagi huʼa muki ma mopafi vayaʼmo eʼa naulagaleʼmo mono hisayafeʼmo maigae.

Maika 4:4

Osugayaʼmonanafa muki vayaʼmogimo apaote apaote huʼa nofi hoyaʼapifiʼe fiki hoyaʼapifiʼeʼmo alagepa huʼa fai maisageʼa mago vayaʼmogi koli yaʼmo aliʼa oʼapamigae.

Hamakaki 2:14

Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.

Luki 2:32

Agaemo ha le yakana huno maiʼneno mago alu nofi vayaʼaitegamo aeno ha lesigeʼapaeʼmo ageʼa aeto hugae. Ani kava huno Isaleli vayakamo ala apakiʼapimo apamigiye, huno huʼniye.

Luki 3:6

Inagi muki ma mopafi vayaʼmogi agesayana Gotiʼa vayaʼamogi apakufamo alino katino apatesigeʼa agegae, huno avoʼmo kae maleʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 12:41

Aiyeyaʼa Yesu ha le konali yaʼamo ageʼniyaʼmofeʼmo ani agufa gemo huno ava gemo huʼniye.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Apa 2:17

Gotiʼa hunoʼaeʼmo, Hano hisiya afinaʼmo Nauneʼnameʼmo aniʼmo lakigekana huʼna muki ve aʼnemo apamiguve. Mafaʼnetapimogiʼe aʼmafaʼnetapimogiʼeʼmo nagae gemo aeʼa hakalo hugae. Neya vayatapimogimo alagamuna agegegana huʼa agegae. Kosu vayatapimogimo alagamuna agegae.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Leveleseni 21:23

Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.