Aiyeya 40:27 - The Keyagana NT and 25 OT books

²⁷ O Yekopu vayane, huʼna, Isaleli vayane, huʼna, Na kava higetapaeʼmo ina gemo hutapaeʼmo, Ala kava neʼmoʼa lagae kana yaʼmo noʼage. Fatago kavaʼmo nehunaʼmonanafa laha noʼmae, hutapa nehae.

Aiyeya 40:27 ပူးပေါင်းရင်းမြစ်များ

Aiyeya 25:1

O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.

Aiyeya 49:14

Ala kava neʼmoʼa hapa maeʼniyaʼmonanafa Saiyoni a kanomoʼmo ina gemo hunoʼaeʼmo, Ala kava neʼmo nataleno uʼniye. Ala kava nenimoʼa nagaefeʼmo ago agekaniʼniye, huno huʼniye.

Aiyeya 49:4

Huno naha paiʼnigeʼnaeʼmo ina gemo huʼnaeʼmo, Aliyaʼmo aliʼnovaʼmonanafa nahaise vose huʼna aliʼnova kavaʼnimo afaʼa lageso huʼnigenoʼaeʼmo neʼyaʼamo afole oʼaiʼniye. Oʼaiʼniyaʼmonanafa Ala kava neʼmoʼa aliʼnova aliʼyaʼnimo ageʼniyanageno ani aliʼyatetiʼmo alagepa miyaʼnimo namigiye, huʼna huʼnove.

1 Samiyo 27:1

Neviniʼmo aipafiʼmo agesamo afinoʼaeʼmo, Soloʼmo mago afinaʼmo kamitimo nahaesigeʼna faliguve. Faliguvaʼmofeʼmo nagaemo naune heʼna uʼna Filisatini kotegamo maiʼnisugeno Soloʼmo alagaʼmo haesigeno magoʼe huno nagaefeʼmo kahauya osugiye. Nagaemo ani kavatetiʼmo faiʼna kasalo paegauve, huno agesamo afiʼniye.