Aiyeya 35:9 - The Keyagana NT and 25 OT books

⁹ Mago Laiyoni anagaʼmo ani kateʼmo oʼmaigae. Vayaʼmo nehapaya afela afumo ani kateʼmo oʼugae. Vayaʼmogimo ani agufa afu anagaʼmo ani kotegamo oʼapakegae. Oʼmaigayaʼmonanafa miya faino hatu maeno apateʼniya vayaʼmogimo ani kateʼmo umenitata hugae.

Aiyeya 35:9 ပူးပေါင်းရင်းမြစ်များ

Samu 107:2

Ala kava neʼmoʼa kame vayaʼapimogi apayapatiʼmo hatu maeno apateʼniya vayaʼmogimo, Ala kava neʼmoʼa hatu maeno lateʼniye, huʼa hisaya gemo haneʼniye.

Hatu maeno apate'niya gemae 15:13

Kagaemo miya faika hatu maeka apateʼnana vayakaeʼmo kahau huka apateteka apavalelika uʼnane. Himamu lokiyakaletiʼmo kaʼmo alika ho huka apavalelika uka kaote maiʼnana koteʼmo apateʼnane.

Aiyeya 1:27

Ala kava neʼmoʼa Saiyoni vayaʼmo agoti huno apateteno fatago kavaʼaletiʼmo miya faino hatu maeno apategaiye. Apaipamo aliʼa afe lesaya vayaʼmo fatago kavaʼaletiʼmo miya faino hatu maeno apategaiye.

Aiyeya 43:19

Afiyo, huʼna, Nagaemo saufa kavaʼmo huguve. Hemenimo afole aigiye. Lapakaemo oʼagesafiye. Nagaemo kaʼme kotegamo kaʼmo valiguve. Nagaemo hau huʼniya kotegamo meti aniʼmo afole aiteno uno lamisiya kavaʼmo huguve.

Aiyeya 5:29

Laiyonimogimo kaekae nehaya kava huʼa ani ati vayaʼmogimo kaekae hugae. Apakaemo aikeli afumogi kaekae huteʼa hapaeʼa haniliʼa neʼvaya kava huʼa hapaeʼa aliniʼa visagenoʼaeʼmo mago vekamoʼmo apayapatiʼmo hapa ofalegaiye.

Aiyeya 51:10

Kagaikageʼmo solovala aniʼmo alika laneʼnanageno miya faika hatu maeka apateʼnana vayaʼmo aniʼmo lakaeʼa visaya kaʼmo afole aiʼniye.

Aiyeya 62:10

Aiyeyaʼa Goti geʼamo hapa painoʼaeʼmo, Kegiʼyamo kipatetiʼmo uta lamiyo, uta lamiyo. Vayaʼmo taonifi eʼa haisaya kaʼmo kafiyo. Kaʼmo valita apateyo. Kapiʼmo haneʼniya yafaʼmo alita ataleyo. Lapakaemo kalahuʼmeʼmo alita asai malegeʼapao vayaʼmo eʼa aliʼa anupa huʼa maiyo.

Aiyeya 62:12

Apakaemo ani vayaʼaifeʼmo ina ge huʼa apaki aegae. Apakaemo apaote vayane, huʼa huge Ala kava neʼmoʼa miya faino hatu maeno apateʼniya vayane, huʼa huge hugae. Apakaemo kagaefeʼmo kagimo aeʼapaeʼmo, Ala kava neʼmoʼa hauʼniya taonimo haneʼniye. Ataleno oʼuʼniya taonie, huʼa hugae.

Aiyeya 63:4

Hosu kavaʼmo anonaʼapilefeʼmo kayoʼmo apamisuva afinafeʼmo nagesamo neʼafuve. Nagaemo vayaʼnimo miya faiʼna hatu maeʼna apatesuva afinaʼeʼmo ago afole aiʼniye.

Aiyeya 65:25

Lokiya afela kala anagaʼmogimo aikeli sipisipi anagaʼeʼmo magokepiʼmo lokaeʼa maiʼneʼa neʼyaʼmo negae. Lokiya afela pusi anagaʼmogimo aikeli meme anagaʼeʼmo lokaeʼa havaegae. Afayaʼe aikeli pulumaka anagaʼmogi kahaumo neʼnaya kava huʼa Aikeli laiyoni anagaʼmogimo negae. Aise mafaʼnemoʼmo yagaino apategaiye. Pulumakamogi kahaumo neʼnaya kava huʼa laiyoni anagaʼmogi kahaumo negae. Nehapaya nakaloʼyavemogimo mumusopamo negae. Vayaʼmogi aote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae, huno ani gemo Ala kava neʼmoʼa huʼniye.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

1 Pita 1:18

Lapakinago vayaʼai kavaʼmoʼa alagepa huno lapa oʼmaesiya agufa kavakeʼmo hogotetapa akame huʼnae. Ani agufa kavategatiʼmo ago miya faino hatu maeno lapateʼniya kavafeʼmo ava gemo ago afiʼnae. Kalaisiʼa hano hisiya yaʼmo siluva yafatetiʼmofi goli yafatetiʼmofi huno miya faino olapateʼnifa

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.