Aiyeya 35:8 - The Keyagana NT and 25 OT books

⁸ Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Aiyeya 35:8 ပူးပေါင်းရင်းမြစ်များ

Samu 118:20

Ala kava neʼmo kipaʼamo haneʼnigeʼa alagepa vayaʼageʼmo uʼa nehaiye.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 4:18

Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

Mai'naya kavane 9:4

Apakaemo huʼapaeʼmo, lapakesamo ohaneʼnigetapa gemo noʼafiya vayaʼmogitapae, huʼa, afiteʼa neʼagaya nopiʼmo etapa uta haiyo. Ani a kanomoʼa afiʼa aeto nosaya vayaʼaifeʼmo hapa painoʼaeʼmo,

Aiyeya 11:16

Isaleli vayaʼmo Isipi kotegatiʼmo eʼnaya afinaʼmo kale kakana agufa kateʼmo eʼnaya kava huʼa Goti vayaʼamo Isaleli vayapatiʼmo logufaʼamo Asiliya kotegatiʼmo hau huʼnisiya kateʼmo egae.

Aiyeya 33:8

Alopa kaʼmo hosuʼnigeʼa vayaʼmo magoʼe huʼa uʼeʼa nosae. Kame vayaʼaiteʼmo yagaiʼniya vekamoʼmo kotalake gemo amagino ataleʼniye. Agaemo muki taonifi maiʼnaya kame vayaʼaeʼmo, ina agufa vayane, huno agesamo neʼafiye. Muki vayaʼaifeʼmo koli nosiye.

Aiyeya 4:3

Logufaʼa vayaʼe atupa vayaʼeʼmo Saiyoni taonifiʼe Yulusalemu taonifiʼeʼmo maiʼnaya vayaʼaifeʼmo huʼapaeʼmo, Alagepa apaote vayane, huʼa hugae. Ala kava neʼmoʼa ani afaʼa maiʼnaya vayaʼmogi apakimo mukuʼafiʼmo avoʼmo kae maleʼniye.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Aiyeya 43:19

Afiyo, huʼna, Nagaemo saufa kavaʼmo huguve. Hemenimo afole aigiye. Lapakaemo oʼagesafiye. Nagaemo kaʼme kotegamo kaʼmo valiguve. Nagaemo hau huʼniya kotegamo meti aniʼmo afole aiteno uno lamisiya kavaʼmo huguve.

Aiyeya 51:10

Kagaikageʼmo solovala aniʼmo alika laneʼnanageno miya faika hatu maeka apateʼnana vayaʼmo aniʼmo lakaeʼa visaya kaʼmo afole aiʼniye.

Aiyeya 52:1

Agaemo Yulusalemu vayaʼaifeʼmo hunoʼaeʼmo, O Saiyoniyo, huno, Aupatiʼmo hauneyo, aupatiʼmo hauneyo, Kagaemo he tika lokiya vaiyo. O Yulusalemu kaote taoniyo, huno, Kagaemo kanale kanale konali kukenakamo alika vaiyo. Apakufaleʼmo Goti alagena yaʼamo oʼaliʼnisaya vayaʼe oʼaniʼya faiʼniya vayaʼeʼmo kagaetegamo magoʼe huʼa oʼmegae.

Aiyeya 52:11

Ataleta viyo. Ataleta viyo. Oʼaniʼya faiʼniya yateʼmo ame oʼalitapa ani taonimo folagapatiʼmo ataletapa viyo. Ala kava neʼmo aliʼyaʼamo neʼaliya vayaʼmogitapae, huʼna, yaveyave vayaʼmo maiyo.

Aiyeya 57:14

Ala kava neʼmoʼa ina gemo hunoʼaeʼmo, Mago vekamoʼmo ina gemo hunoʼaeʼmo, Kaʼmo valiyo, kaʼmo valiyo. Kaʼmo valita apateyo. Lapakaemo muki haneʼniya yateʼmo vayaʼnimo apaiyafiʼmo hapaegaiyanagi alita ataleyo, huno hapa paigiye.

Aiyeya 60:21

Muki vayatapimo fatago vayaʼageʼmo maigae. Apakaemo mopa hetamaʼapimo aliteʼa ani mopaleʼmo maige maige huʼa maigae. Nagaemo ala nagiʼnimo alisuvafeʼmo vayatapimo saufamo fai maleʼnogeno muki nehageya yosagana huʼa maigae. Apakaemo nayatetiʼmo alo huʼnova vayaʼmo maigae.

Aiyeya 62:10

Aiyeyaʼa Goti geʼamo hapa painoʼaeʼmo, Kegiʼyamo kipatetiʼmo uta lamiyo, uta lamiyo. Vayaʼmo taonifi eʼa haisaya kaʼmo kafiyo. Kaʼmo valita apateyo. Kapiʼmo haneʼniya yafaʼmo alita ataleyo. Lapakaemo kalahuʼmeʼmo alita asai malegeʼapao vayaʼmo eʼa aliʼa anupa huʼa maiyo.

Aiyeya 62:12

Apakaemo ani vayaʼaifeʼmo ina ge huʼa apaki aegae. Apakaemo apaote vayane, huʼa huge Ala kava neʼmoʼa miya faino hatu maeno apateʼniya vayane, huʼa huge hugae. Apakaemo kagaefeʼmo kagimo aeʼapaeʼmo, Ala kava neʼmoʼa hauʼniya taonimo haneʼniye. Ataleno oʼuʼniya taonie, huʼa hugae.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

1 Tesaloniyani 4:7

Ani kavatefeʼmo Gotiʼa kumai heʼa ugekana agufa kavaʼmo hisunafeʼmo keya aeno ge osuʼnifa laote alagepa kavaʼmo hisunafekeʼmo keya aeno ge huʼniye.

2 Timoti 1:9

Gotiʼa alagepa kavatilefeʼmo lagaefeʼmo keya aeno ge osuʼnifa hisiya kavafeʼmo agesamo afiteno fikumo laha maeno lamiʼniya kavaʼaletiʼmo lagufamo alino katino lateʼniyanageta laote vayaʼamo maisunafeʼmo keya aeno ge huʼniye. Akeyaʼvilagamo ma mopamo alo osuʼniya afinaʼmo hogoteno Gotiʼa Kalaisi Yesupiʼmo maiʼnonagenoʼaeʼmo fikumo laha maeno lamiʼniye.

Himulu 12:14

Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.

1 Pita 1:16

Na agufa gemo huʼniyaʼmofeʼmae. Goti mukufiʼmo avoʼmo kae maleʼniya gemoʼmo hunoʼaeʼmo, Alagepa naote vekamo maiʼnovaʼmofeʼmo alagepa lapaote vayaʼmo maiyo, huno huʼniye.

2 Pita 3:13

Hano hugiyaʼmonanafa Gotiʼa afole aigiye, huno hu maleʼniya gemo afole aisigenoʼaeʼmo fatago kavaʼagekeʼmo hanesiya saufa kokuʼnaʼe mopaʼeʼmo afole aisiyafeʼmo agava neʼmaune.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

Leveleseni 21:27

Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.