Aiyeya 35:1 - The Keyagana NT and 25 OT books

¹ Kaʼme koʼmoʼa amogaga aigiye. Hau huʼniya koʼmoʼa amogaga aisigeno kahaumoʼmo ausemo hegaiye.

Aiyeya 35:1 ပူးပေါင်းရင်းမြစ်များ

Samu 48:11

Kagaemo alagepa huka alika fako nehanaʼmofeʼmo Saiyoni aveleʼmo maiʼnaya vayanagi Yuta nofi vayaʼai aʼmafaʼne anagaʼapigi huʼa apamogaga aigae.

Samu 96:12

Hoyamogaʼe hoyafiʼmo haneʼnaya neʼyaʼmogiʼeʼmo lapamogaga aiyo. Yahaofilaga yosamoʼa alopa gefatiʼmo huteno amogaga aigiye.

Salomoni Yokemae 2:1

Nagaemo Saloni kotega yahaofatiʼmo kahaumoʼmo haesa ausemo neheya ausegana huʼna maige ave aiyamo folagapiʼmo haneʼniya yaveyave kahaumo ausegana huʼna maige huʼnove.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 35:6

He, ani afinaʼmo apaiyamo hosuʼniya vayaʼmo afela afugana huʼa aeʼa hailo hailo huge apake noʼaiya vayaʼmogimo yokemo huge hugae. Mopamo aeno apalo tisigeno aniʼmo kaʼme kotegamo lusi kava huno aino atagu faegaiye. Aniʼmo ohaneʼnisiya kotegamo alopa aniʼmo uno lamigiye.

Aiyeya 4:2

Ani afinaʼmo Ala kava neʼmo ve mafaʼneʼamoʼmo saufa ausasaʼmo haineno afole aisigeʼa vayaʼamogimo ala apakimo alige ha le konali yaʼapimo alige hisayafeʼmo maigiye. Isaleli vayaʼmo kalavusifatiʼmo ataleʼa uʼnaya vayaʼmogi ani yosamo aepafatiʼmo alagepa neʼyaʼmo afole aisigeʼa ageteʼa hapaʼye hisigeʼapaeʼmo, Alagepa neʼyane, huʼa hugae.

Aiyeya 40:3

Mago vekamo eno kaʼme kotega maiʼneno aeno hakalo hunoʼaeʼmo, Ala kava neʼmo kaʼme kotegamo esiya kaʼmo valitapa ateyo. Esiya kaʼmo Gotitimotefeʼmo alopa alagepa api kaʼmo valita ateyo.

Aiyeya 42:11

Hau huʼniya kaʼme kotegatiʼe ani kotega muki haneʼniya taonifiʼmo maiʼnaya vayaʼmogitapaʼeʼmo ala agiʼamo amiyo. Kiʼna nofi vayaʼmogitapamo ala agiʼamo amiyo. Sila taonifiʼmo maiʼnaya vayaʼmogitapamo yokemo hiyo. Apakaemo avefatiʼmo he tiʼa alopa gefatiʼmo hiyo.

Aiyeya 43:19

Afiyo, huʼna, Nagaemo saufa kavaʼmo huguve. Hemenimo afole aigiye. Lapakaemo oʼagesafiye. Nagaemo kaʼme kotegamo kaʼmo valiguve. Nagaemo hau huʼniya kotegamo meti aniʼmo afole aiteno uno lamisiya kavaʼmo huguve.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.

Aiyeya 6:11

Inagi nagaemo ge huʼna afiʼnaeʼmo, Ala kava nene, huʼna, Nagaemo ani aliʼyaʼmo alime uʼna hainu afinaʼmo atalegauve, huʼna ge huʼna afi geʼnogenoʼaeʼmo geʼnileʼmo ina ge huno aeno atagaina hunoʼaeʼmo, Kagaemo aliʼyakamo alime alime neʼugeʼao muki taoniʼamo heʼa halagape vaisageno noʼageʼmo afaʼa hanesigeʼa vayaʼmo oʼmaige muki mopaʼamo hosuge huno hanegaiye.