Aiyeya 33:6 - The Keyagana NT and 25 OT books

⁶ Ala kava neʼmoʼa afiteno agege muki kavafeʼmo afige nehiya kavatetiʼmo vayaʼmogi apakufamo alino katino apatesigeʼa lokiya vaiʼa alagepa huʼa maigae. Vayaʼmogimo Ala kava nefeʼmo koli hisaya kavatetiʼmo muki ani agufa hogote alagepa kavaʼmo afole aigiye.

Aiyeya 33:6 ပူးပေါင်းရင်းမြစ်များ

Samu 140:7

O Gotiyo, Ala kava neʼnimogae, huʼna, Kagaemo lokiya vekaʼnimogeka nagufamo alika katika neʼnatane. Nagaeʼeʼmo kamemo nehagekaeʼmo nagenopaleʼmo aika nati nekane.

Samu 28:8

Ala kava neʼmoʼa lokiyaʼapimo maiʼneno uveli lakino ateʼniya Kalaisi vekamo agufamo alino katino ateʼnigenoʼaeʼmo afaʼa maiʼniye.

Samu 45:4

Kagaemo ala kagikamo alika apavelitekaeʼmo lama gekamogi yagu yaga kavakamogi fatago kavakamogi huka ha maeka alika afole aika ato. Alika afole aika atesanafeʼmo hosileʼmo fai maiʼneka uka kamemo huka aeka apakaso. Lokiyakaletiʼmo kame huteka hapau aisaya agufa kavaʼmo hugane.

Mai'naya kavane 14:24

Afiteʼa ageʼnaya vayaʼmogi kagemi yaʼapimo kini vayaʼmogi kakolitagana huno haneʼniyaʼmonanafa negi vayaʼmogi kavaʼapimoʼmo negi kavaʼageʼmo haneʼniye.

Mai'naya kavane 14:26

Ala kava nefeʼmo koli nehiya vekamoʼmo alagi naha maegaiye, huno magoke agesamo afigiye. Mafaʼne anagaʼaʼeʼmo alagepa huʼa fala kiʼa maisaya yaʼapimo hanegaiye.

Mai'naya kavane 14:27

Ala kava nefeʼmo koli nehaya kavaʼapimoʼmo afaʼa neʼmaiya yaʼmo neʼapamiya meti anikana huno haneʼniye. Ani kavatetiʼmo falisaya aneʼaifatiʼmo faiʼa kasalo paegae.

Mai'naya kavane 15:16

Ala kava nefeʼmo koli nehiya vekamoʼmo aiseʼamo aliʼniya yaʼmoʼa alopa kagemi yanagi hanageke yanagi huno ago aeno agaseʼniye.

Mai'naya kavane 19:23

Ala kava nefeʼmo koli nehaya kavaʼmoʼa afaʼa maisaya yaʼmo neʼapamiye. Ala kava nefeʼmo koli nehaya vayaʼmogi hapaʼye nehiya kavaʼmo apaipamoʼmo falu hugiye. Hosu kavaʼmo apakaeteʼmo afole oʼaigiye.

Mai'naya kavane 2:5

Ani agufa kavaʼmo nehisanana Ala kava nefeʼmo koli nehaya kavaʼmo aepaʼamo agegane. Kagaemo Gotiʼmo alagepa huka agegane.

Mai'naya kavane 28:2

Mago kotega maiʼnaya vayaʼmogimo gamani vayaʼai geʼapimo oʼafiʼa kamemo hisayaʼmoʼmo yagaiʼa apatesaya vayaʼmo asole vayaʼmo afole aite aite nehayaʼmonanafa afino aeto huteno ageʼniya vekamoʼmo alagepa huno yagaino apatesiyaʼmoʼmo koʼapimo alagepa huno hanege hanege huno hanegaiye.

Mai'naya kavane 29:4

Kini vekamoʼmo vayaʼaleʼmo fatago kavaʼaletiʼmo yagaino apatesiyaʼmoʼmo lokiya vaiʼa maigayaʼmonanafa hapa maesiya monimo neʼalisiya kini vekamoʼmo apatalesigeʼa asagauʼa aigae.

Aiyeya 11:9

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.

Aiyeya 26:1

Alopa alagepa afinaʼmo afole aisigeʼapaeʼmo Yuta mopaleʼmo maiʼnaya vayaʼmogimo mani yokemo hugae. Hugayana lagae taonimo lokiya taonimae. Gotiʼa alagepa huno laha maesigeno Gotikeʼmo lagae lokiya yafa kegiʼyatimo maigiye.

Aiyeya 32:17

Goti fatago kavaʼamoʼmo aliʼyaʼmo alisigeʼa vayaʼamo alagepa huʼa maisageno apaipamoʼmo falu hugiye. Fatago kavaʼmo nehaya vayaʼmogi muki afinaʼmo apaipamoʼmo falu huge muki afinaʼmo Gotiʼe vayaʼeʼmo alagepa huʼa magokepi lokaeʼa maige huteʼapaeʼmo, alagepa huta maigune, huʼa apakesamo afigae.

Aiyeya 32:18

Ala kava neʼmoʼa ina gemo hunoʼaeʼmo, Vayaʼnimo alagepa huʼa maiteʼa koʼapileʼmo maiʼa hagalegae. Alagi alagepa huʼa maisageʼa kame vayaʼapimogi eʼa aeʼa apaka osegae.

Aiyeya 33:20

Oʼapakegayaʼmonanafa Saiyoni taonimo ageyo. Alopa taonimogeta alopa hopa afinaʼmo alita anupa huta mono kavaʼmo huta neʼyaʼmo neʼnone. Lapakaemo agesayana maiʼa haga nelaya taonimo hanege seli noʼmo kayoʼamo alagi aliʼa oʼakaige nofiʼamo aliʼa kapalu aeteʼa aliniʼa oʼuge hugayaʼmonanafa alagepa huʼa maige maige huʼa maigae.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Aiyeya 51:14

Kalavusi huʼa apateteʼa apavaleliʼa uʼnaya vayaʼmo malage huʼa hatu maeʼa apatesageʼa kalavusifiʼmo ofaliʼa maiʼnaya vayaʼmo hatu maeʼa apatesayafeʼmo koli huʼa apakava maiʼnayaʼmonanafa kalavusifiʼmo ofaligae. Neʼyaʼapimo hano osugiyaʼmofeʼmo afaʼa maigae.

Aiyeya 51:6

Kokuʼnaʼmo halinagana huno alagi hano hisigeʼa oʼagegayaʼmofeʼmo lapakaemo anaga kokuʼnategamo alita maku hutapa ageyo. Ma mopamo kukena yakana huno atafa hegaiyaʼmofeʼmo lapakaemo afelaga mopafiʼmo aulu heyo. Muki ma mopafi vayaʼmo ani kava huʼa faligayaʼmonanafa nagaemo hanege hanege huno hanesiya fatago kavaʼniletiʼmo vayaʼnimo alagi apakufamo aliʼna katiʼna apatesugeʼa muki afinaʼmo maige maige huʼa maigae. Maisageʼa vayaʼmogi fatago kavaʼnimo aliʼa hano huʼa oʼatalegae.

Hamakaki 2:14

Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.

1 Timoti 6:6

Apakesamo neʼafiyaʼmonanafa mono kavaʼmo huteʼa magoʼe huʼa kagemi yaʼmo alisayafeʼmo hapaʼye osuʼnigeno apaipamoʼmo falu nehisiya vayaʼmogi akamelegaʼamo magoʼe huʼa alopa yaʼmo aligae.