Aiyeya 33:24 - The Keyagana NT and 25 OT books

²⁴ Saiyoni taonifi maiʼnaya vayaʼmogimo huʼapaeʼmo, kaitaʼmo nahauʼniye, huʼa osugae. Ala kava neʼmoʼa taonifiʼmo maiʼnaya vayaʼai hosu kavaʼapimo alino atalegaiye.

Aiyeya 33:24 ပူးပေါင်းရင်းမြစ်များ

Hatu maeno apate'niya gemae 15:26

Apamitenoʼaeʼmo, Lapakaemo Ala kava neʼmo Gotitapimoʼnamo geʼnimo afitetapa naulagaleʼmo alagepa kavaʼmo huge ani kavaʼmo hiyo, huʼna lapa paiʼnova kavaʼmo huge muki keʼaepa geʼnimo akame huge hisayaʼmoʼmo nagaemo Isipi vayaʼmo apamiʼnova agufa kaita kayoʼmo olapamiguve. Ala kava neʼmoʼnageʼmo kaitatapimo aliʼna lahapageʼna nelapatove, huno hapa paiʼniye.

Aiyeya 1:5

Haiya kava hinageʼnaeʼmo nagaemo magoʼe huʼna lapamagiguve. Yagaiʼna neʼapatova vekamoʼna geʼnimo magoʼe magoʼe hutapa amagita atalegae. Isaleli vayaʼmogitapae, huʼna, lapakenopafiʼmo kaitamo havaiteʼniye. Muki apaipamoʼmo lokiyaʼamo alagi ohaneʼniye.

Aiyeya 40:2

Lapakaemo Yulusalemu vayaʼmogi apaipamoʼmo falu hisiya gemo hapa paiyo. Ina gemo hutapa hapa paitapaeʼmo, Atafa kavatefeʼmo kana yaʼmo aliʼnaya afinatapimo ago hano huʼniye. Ala kava neʼmoʼa muki hosu kavaʼmo anonatapilefeʼmo alopa kayoʼmo lapamiteno hosu kavatapimo alino ataleʼniye, hutapa hapa paiyo.

Aiyeya 58:8

Lapakaemo ani kavaʼmo hisagenoʼaeʼmo netepiʼmo yegemoʼmo malage huno neleya kava huno ha le yatapimo malage huno afole aisigetapa alagepa huta maigae. Hagesigetapa malage hutapa he tita maigae. Ani afinaʼmo fatago kavatapimoʼmo hogotesigetapa akame hugae. Ala kava neʼmo hale konali yaʼamoʼmo lapakame huno eno yagaino lapategaiye.

Yemisi 5:14

Lapakaepatiʼmo mago vekamo kaitaʼmo nehaisiyana siosi vayaʼaiteʼmo yagaiʼa neʼapataya vayatama vayaʼaifeʼmo ge hino. Ge hisageʼa eʼa Ala kava neʼmo agiʼaletiʼmo uvelimo agenopaleʼmo lakiʼa ateteʼa nunumuʼmo huʼa ategae.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.