Aiyeya 33:23 - The Keyagana NT and 25 OT books

²³ Kame vayaʼmogimo Saiyoni taonimo alisayafeʼmo eʼnayaʼmonanafa sipiʼapimo nofiʼamo afaʼa haneʼnigeno sipileʼmo atafauno haneʼniya seliʼmo yosaʼamoʼmo he tino lokiya vaino ohaneʼniyanageno sipimo afaʼa oʼugiye. Kame vayaʼmogi asole yaʼapimo ataleʼa apaune hesageʼa Saiyoni vayaʼmogimo aligae. Apaiyamo hosuʼnisiya vayaʼmogiʼeʼmo uʼa aligae.

Aiyeya 33:23 ပူးပေါင်းရင်းမြစ်များ

2 Kini 7:16

Taonifiʼmo maiʼnaya vayaʼmogimo ani gemo afiteʼapaeʼmo Siliya vayaʼmogi seli noʼapimo haneʼniya yategamo uʼa muki ataleʼa uʼnaya yaʼmo aliʼnae. Apakaemo asole falaovaʼmo alige malimo alige huʼnayaʼmofeʼmo Ala kava neʼmoʼa huʼniya agufa kavaʼmo huʼa kanale falaovamo tali kiloleʼmofi malimo sigisi kiloleʼmofi huʼa vani kinaleʼmo maketi huʼnae.

2 Kini 7:8

Ani lepolosi vayaʼmo eʼa seli noʼmo haneʼniya yateʼmo avaʼyi huteʼapaeʼmo mago seli nopiʼmo uʼa haiʼa neʼyaʼmo nege aniʼmo nege huʼnae. Apakaemo siluvagi goligi kukena yanagi huʼa aliteʼa alini uʼa mago haopalegamo fala ki maleʼnae. Halate eʼa alu seli nopiʼmo haneʼniya yaʼeʼmo alini uʼa fala ki maleʼnae.

Samu 68:12

Apakaemo huʼapaeʼmo, kini vayaʼe ami vayaʼapiʼeʼmo apaune heʼnae, huʼa hapa paiʼnae. Noʼapilegamo maiʼnaya aʼne anagaʼmogimo kamefatiʼmo aliʼnaya yaʼmo fako huʼnae.

Samu 68:13

Hemenimo lapakaemo samo haneʼniya haopalegamo nehavaeyaʼmonanafa alagepa namamogi apakufaletiʼmo siluvagana huno aeno halege hapakumoʼmo goligana huno aeno ha lege nehiya namagana hutapa maigae.

Aiyeya 33:1

Vayaʼmogi lapakaetegamo kame huʼa lapateteʼa kagemi yatapimo oʼaliʼnayaʼmonanafa lapakaemo kame huta apatetetapa kagemi yaʼapimo aliʼnaya vayane, huʼna, lapakaemo lusi kava huta kage kage hisaya kavaʼmo lapakaetegamo afole aigiye. Vayaʼmogi humi olapateʼnayaʼmonanafa lapakaemo humi neʼapatae. Lapakaemo kame huta apatetetapa kagemi yaʼapimo kumaya oʼalitapa atalesaya afinaʼmo lapakaetegamo kame huʼa lapateteʼa kagemi yatapimo aligae. Magoʼe huta humi apatesaya afinaʼmo humi lapategae.

Aiyeya 33:21

Ani taonifiʼmo Ala kava neʼmoʼa laha maesiyafeʼmo lokiya kavaʼmo hugiye. Lagaemo asole alopa aniʼe aise aniʼeʼmo haneʼniya koteʼmo maigunaʼmonanafa kame nehaya sipiʼe alopa sipiʼeʼmo afaʼa oʼmegae.

Aiyeya 33:4

Apaune heʼapaeʼmo muki kagemi yaʼapimo atalesageʼa malage huʼa asole akenu anagaʼmo haleliʼeʼa aliʼa anupa huteʼa hoyafiʼmo haneʼniya neʼyaʼmo neʼa hano nehaya agufa kavaʼmo huʼa vayaʼmogimo aligae.

Aiyeya 35:6

He, ani afinaʼmo apaiyamo hosuʼniya vayaʼmo afela afugana huʼa aeʼa hailo hailo huge apake noʼaiya vayaʼmogimo yokemo huge hugae. Mopamo aeno apalo tisigeno aniʼmo kaʼme kotegamo lusi kava huno aino atagu faegaiye. Aniʼmo ohaneʼnisiya kotegamo alopa aniʼmo uno lamigiye.

Apa 27:19

Olagaʼamo muki sipifi haneʼniya yakoʼamo seli nofiʼe yosaʼeʼmo aliʼa anipiʼmo yaga auʼa ataleʼnageno asagauno aiʼniye.

1 Kolitiyani 1:27

Gotiʼa afiteʼa ageʼnaya vayaʼmo apavagage yaʼmo alino apamisiyafeʼmo ma mopafi vayapatiʼmo oʼafiʼnaya vayaʼmo lekana paino apateʼniye. Gotiʼa lusi kava huʼa apayamufa neʼvalaya vayaʼmo apavagage hisiya yaʼmo alino apamisiyafeʼmo apayamufa noʼvalaya vayaʼmo lekana paino apateʼniye.

1 Samiyo 30:10

Neviniʼe fo hataletiʼa vayaʼaʼeʼmo alagaʼmo hapaeʼniya vayaʼmo apataleʼneʼa apavegala aeʼnae.