Aiyeya 33:22 - The Keyagana NT and 25 OT books

²² Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Aiyeya 33:22 ပူးပေါင်းရင်းမြစ်များ

Aepa Gemae 18:25

Kagaemo fatago vayaʼe hosu vayaʼeʼmo magokepiʼmo alika lokaeka kamitimo apamagisanafeʼmo nehana kavaʼmo kagaemo alagi nosana agufa kavaʼmo hugane. Kagaemo fatago vayaʼaitegaʼe hosu vayaʼaitegaʼeʼmo magoke aiyaya kavaʼmo nosane. Kagaemo ma mopafi vayaʼmo alika fako nehana yasi vekamogamo fatago kavaʼmo alagi osugapiye, huno huʼniye.

Samu 50:6

Kokuʼnapiʼmo maiʼnaya vayaʼmogimo huʼapaeʼmo, alagi fatago vekamo maiʼniye. Agaiʼageʼmo alino fako huno apategaiye, huʼa hugae.

Samu 75:7

Afole noʼaiyaʼmonanafa Gotiʼa muki vayaʼmo alino fako huno apateteno mago vekamo alino afepiʼmo atege mago vekamo alino asaga huno atege nehiye.

Samu 89:18

Ala kava neʼmo halegutigana huno maiʼniye. Isaleliʼa aote vekamo kini vekatimo maiʼniye.

Aiyeya 1:10

Yulusalemu koteʼmo yagaiʼnaya vayaʼmogitapae, huʼna, Satomi koteʼmo yagaiʼnaya vayakana hutapa maiʼnayanagi Ala kava neʼmo geʼamo afiyo. Yulusalemu taonifiʼmo maiʼnaya vayaʼmogitapae, huʼna, Gomola taonifiʼmo maiʼnaya vayakana hutapa maiʼnayanagi Gotitimo keʼaepa geʼaeʼmo alagepa hutapa lapaketafo hiyo.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 2:4

Agaemo alu nofi vayaʼe alu nofi vayaʼeʼmo alino fako huno apateteno maiʼnaya asole vayakoʼmo ge hapaugiye. Inagi apakaemo naipeʼapileʼmo neʼamagisagenoʼaeʼmo aiʼyumo neʼaiya aenimo alino hamalege hayoʼapileʼmo neʼamagisagenoʼaeʼmo nofiʼmo nehatagaya haginamo alino hamalege hugiye. Muki nofi vayaʼmogimo magoʼe huʼa kame osuge kame hisaya kavaʼmo magoʼe huʼa aliʼa apaya oʼmalege hugae.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 33:17

Lapakaemo alagepa apaulagamo neʼagaya kini vekamo agegae. Lapakaemo alagi afagitegamo haneʼniya koʼmo agegae.

Aiyeya 35:4

Lapakaemo apaipafiʼmo koli nehaya vayaʼaifeʼmo hutapaeʼmo, Koli osuta lokiya vaitapa maiyo. Afiyo, hutapa, Gotitapimoʼmo emineno hosu kavaʼmo anonaʼapilefeʼmo apamigiyaʼmonanafa lapakufamo alino katino lapategaiye.

Aiyeya 49:25

Apafi geʼnayaʼmonanafa Ala kava neʼmoʼa hunoʼaeʼmo, Nagaemo lokiya vayaʼmogi kalavusi huʼa apateʼnaya vayaʼmogi apayapatiʼmo apavalegauve. Nagaemo lapakaeʼeʼmo kamemo huʼnaya vayaʼeʼmo kamemo huguvaʼmofeʼmo lokiya apaipa vayaʼmogi apayapatiʼmo mafaʼne anagakamo apavaleʼna apakufamo aliʼna katiʼna apategauve.

Aiyeya 49:26

Nagaemo kana yaʼmo nelapamiya vayaʼmo vayaʼapimogimo apakufamo nesayafeʼmo apavaleʼna apamiguve. Apakaemo apakaiʼapi vayaʼapiʼeʼmo kamemo huteʼa apakaiʼapi kolaʼmo neteʼa negi nagi huʼa maigae. Muki ma mopafi vayaʼmogimo ani nagaemo hisuva kavaʼmo ageteʼapaeʼmo Ala kava neʼmoʼa apakufamo alino katino neʼapateya vekamoʼmo miya faino hatu maeno apateʼniya vekamo maiʼniye. Agaemo Yekopu alagi lokiya vekaʼamo maiʼniye, huʼa hugae.

Aiyeya 51:4

Vayaʼnimogitapae, huʼna, Geʼnimo afiyo. Yagaiʼna lapateʼnova vayaʼmo magoke nofi vayaʼnimogitapae, huʼna, geʼnimo lapaketafo hutapa afiyo. Nagaemo navayafatiʼmo keʼaepa gemo hapa paiteʼna fatago kavatetiʼmo yagaiʼna apatesuva kavaʼnimoʼmo muki nofi vayaʼmogi ha le yaʼapigana huno hanesiyafeʼmo hu malegauve.

Aiyeya 51:5

Fatago kavaʼnilefeʼmo ava gemo muki nofi vayaʼmogi hapaopaleʼmo aino atagu faegaiye. Nagaetegatiʼmo lokiyaʼnimo uʼniyanageʼna vayaʼmogi apakufamo aliʼna katiʼna apategauve. Nagaemo ani lokiyaʼniletiʼmo muki vayaʼamo agoti huʼna apategauve. Afagi kotega maiʼnaya vayaʼmogimo nagava maiʼneʼa lokiya kavaʼnilefeʼmo aliʼa amufa amigae.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Aiyeya 60:16

Itaʼapimogimo nute mafaʼneʼapimo nuʼmo neʼapamiya kava huʼa alu nofi vaya alu nofi vayaʼe kini vayaʼmogiʼeʼmo alagepa huʼa yagaiʼa lapategae. Lapakaemo Ala kava neʼmo nagegayana lagufamo alino katino nelateya vekamo maiʼniye. Isaleli nofi vayaʼmogita lokiya vekatimoʼmo miya faino hatu maeno lateʼniya vekamo maiʼniye.

Matiyu 21:5

Mani gemoʼa hunoʼaeʼmo, Saiyoni taonifiʼmo maiʼnaya vayaʼaifeʼmo hunoʼaeʼmo, Ageyo, huno, alatapimo kini vekamo lapakaetegamo neʼe. Yagu yaga kavaʼmo nehiya vekamo maiʼneno aikeli noki afuleʼmo fai maiteno neʼe, huno huʼniye.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Luki 2:11

Ani afinaʼmo Nevini taonifiʼmo mago a kanomoʼmo apakufamo alino katino apatesiya mafaʼnemo alino ateʼniye. Ani mafaʼnemo Kalaisi vekamo Ala kava neʼmo maiʼniye.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

Yemisi 4:12

Keʼaepa gemo apamiʼniya vekamo magoke vekamo maiʼniye. Agaemo apakufamo afaʼa alino katino apatege alino apagoʼya lagauno apatalege hugiye. Lapakaemo alita fako hutapa apatesayafeʼmo nehisayana lapakaemo ina lagitapamo maiʼnae.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.

1 Samiyo 12:12

Muki ani afinaʼmo Ala kava neʼmo Gotitapimoʼmo kini vekatapimo maiʼniyaʼmonanafa lapakaemo ageʼnayana Nehasiʼmo Amoni kini vekamoʼmo eno lapakaeʼeʼmo kamemo huʼnigetapaeʼmo nagaefeʼmo hutapaeʼmo, Haʼao, mago kini vekamoʼmo yagaino lategaiye, hutapa naha paiʼnae.