Aiyeya 33:15 - The Keyagana NT and 25 OT books

¹⁵ Haiya vayaʼmogi anaga avefiʼmo lokiya yafapiʼmo alagepa huʼa maigae. Vaiʼmo oʼaliʼa fatago kavaʼmo huge fatago gemo huge hosu kavatetiʼmo afole neʼaiya monimo alisayafeʼmo ohapauge kutulu monieʼmo alagi ohapauge vayaʼmo apamagisaya gemo oʼafige hosu kavaʼmo oʼagesayafeʼmo apaulagamo ali huge hunigeʼa neʼmaiya vayane.

Aiyeya 33:15 ပူးပေါင်းရင်းမြစ်များ

Samu 106:3

Geʼamo afiteʼa muki afinaʼmo akame huʼa alagepa kavaʼmo nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:37

Alu yaʼmo aulu haeʼna neʼagesugekaeʼmo alika aika afe leka nato. Kagae kateʼmo neʼvisugekaeʼmo alika he tika nato.

Samu 15:5

akamelegatiʼmo magoʼe monimo oʼalige vaiʼmo oʼapamiʼnaya vayaʼaitegamo hosu kavaʼmo hisayafeʼmo kutulu monimo ohagege huʼa neʼmaiya vayaʼmogimo uʼa haiʼa maigae. Aliʼa hapa ofaisageʼa ani agufa kavaʼmo nehisaya vayaʼmogimo muki afinaʼaeʼmo maige maige huʼa maigae.

Mai'naya kavane 1:10

Mafaʼneʼnimogae, huʼna, hosu vayaʼmogi hosu kavaʼmo hisanafeʼmo kagesamo faiteʼa kayateʼmo alisayafeʼmo nehisagekaeʼmo geʼapimo afiteka akame osuvo.

Mai'naya kavane 1:15

Mafaʼneʼnimogae, huʼna, Neʼvaya kateʼmo oʼuvo. Kaiyaleʼmo ageka maiteka apakame huka oʼuvo.

Mai'naya kavane 10:9

Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Mai'naya kavane 15:27

Magoʼe yaʼmo alisiyafeʼmo haʼye nehiya vekamoʼmo afamo anagaʼamo hanageke yaʼmo alinineno neʼapamiyaʼmonanafa hosu kavaʼmo hisiyafeʼmo monimo hageʼa amisaya kavafeʼmo ohauʼniya vekamoʼmo ofalino alagepa huno afaʼa maigiye.

Aiyeya 58:6

Nagaemo ani agufa kavafeʼmo oʼnahauʼniye. Neʼyaʼmo mo sisaya afinaʼmo hosu kavatetiʼmo nofi kitapa apateʼnaya vayaʼmo hatu maeta apatege kana yaʼmo alita apamiʼnageʼa aliniʼa neʼvaya vayaʼmo hapa maege aliʼyatapimo neʼaliya vayaʼmo kalavusi huta apateʼnaya vayaʼaifeʼmo, afaʼa ugae, hutapa huge muki ani agufa hosu kavatapimo atalege hisaya kavafeʼmo nahauʼniye.

Aiyeya 58:8

Lapakaemo ani kavaʼmo hisagenoʼaeʼmo netepiʼmo yegemoʼmo malage huno neleya kava huno ha le yatapimo malage huno afole aisigetapa alagepa huta maigae. Hagesigetapa malage hutapa he tita maigae. Ani afinaʼmo fatago kavatapimoʼmo hogotesigetapa akame hugae. Ala kava neʼmo hale konali yaʼamoʼmo lapakame huno eno yagaino lapategaiye.

Malakai 2:6

Agaemo lamage keʼaepa geʼnimo alino apaya maleʼniye. Alagepa huno alino fako huno apateʼniye. Agaemo nagaeʼeʼmo magokepi lokaeno umenitata huʼnigetaʼaeʼmo magoke laʼaipamo aliʼnoʼaʼmofeʼmo fatago kavaʼmo huʼniye. Agaemo asole vayaʼmo hosu kavategatiʼmo alino alagepa kateʼmo apaugosa huno apateʼnigeʼa uʼnae.

Napa 16:15

Moseseʼa ani gemo afitenoʼaeʼmo lusi kava huno aipamo leʼnigeno Ala kava nefeʼmo ha painoʼaeʼmo, Mani vayaʼmogimo ofalini yaʼmo kamisagekaeʼmo oʼaliyo. Nagaemo magoke nokiʼapimo oʼavalege magoke vekamo aliʼna hosu huʼna oʼatege huʼnove.

Matiyu 26:15

avaleʼna lapamisuvafeʼmo na agufa yaʼmo namigae, huno ge huno apafi geʼnigeʼapaeʼmo tetiʼa siluva monimo lekana paiʼa amiʼnae.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Luki 19:8

Sakiyasiʼa muki vayaʼai apaulagaleʼmo he tino maiʼnenoʼaeʼmo, Ala kava nene, huno, ago, huno, kagemi yaʼnimo folagapatiʼmo aliʼna fako huʼna kagemi yaʼapimo ohaneʼnisiya vayaʼaina apamiteʼna mago vayaʼaifeʼmo aigofe gemo huteʼna kumayaʼmo aliʼnisuvana foʼa afinaʼmo aliʼna fako huʼna anonaʼapilefeʼmo apamite apamite huʼna neʼapamuve, huno ha paiʼnigeno

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.

1 Yoni 3:7

Aise mafaʼneʼnimogitapae, huʼna, fiku yanagetapa apateʼnisageʼa humi lapategae. Kalaisiʼa fatago vekamo maiʼniya kava huʼa alagepa kavaʼmo nehaya vayaʼmo fatago vayaʼmo maiʼnae.

1 Samiyo 12:3

Hemenimo manileʼmo maiʼnove. Nagaemo mago hosu kavaʼmo lapakaetegamo huʼnisuvaʼmoʼmo Ala kava neʼmo aulagaleʼe lekana paino ateʼniya kini vekamo aulagaleʼeʼmo agoti hutapa nateyo. Nagaemo ina la ve pulumakaʼamofi nokiʼamofi huʼna avaleʼnove. Ina lafeʼmo aigofe gemo huteʼna kumaya aliʼnove. Nagaemo ina laʼmo kana yaʼmo amiteʼna aliʼna hosu huʼna ateʼnove. Ina laʼmo nagaemo hosu kavaʼmo hisuvafeʼmo mago yaʼmo fikumo namiʼniye. Nagaemo mago ani agufa kavaʼmo lapakaetegamo huʼnisuvaʼmoʼmo ani kava huʼnisuva anonatapilefeʼmo aliʼna alagepa huʼna lapamiguve.