Aiyeya 32:6 - The Keyagana NT and 25 OT books

⁶ Gotifeʼmo mono nosaya agufa kavaʼmo huge Ala kava netegamo aigofe gemo huge hisayafeʼmo negi vekamoʼmo negi nagi gemo huge hosu kavaʼmo hisiyafekeʼmo aipafiʼmo lusi kava huno agesa afige hugiye. Agaemo kafu nehaya vayaʼmo apaka tege aniʼapimo hano huʼniya vayaʼmo anifeʼmo hapauge hisiyafeʼmo hosu kavaʼmo hugiye.

Aiyeya 32:6 ပူးပေါင်းရင်းမြစ်များ

Samu 141:4

Nagaemo hosu kavaʼmo hisuvafeʼmo afaʼa nateʼnegenoʼa alino he tino oʼnateno. Fiku yanageʼna hosu kavaʼmo nehaya vayaʼeʼmo hosu kavaʼmo huguve. Kagaemo natalegeʼna haga neʼyaʼapimo apakaeʼeʼmo magokepiʼmo afaʼa oʼneno.

Mai'naya kavane 19:3

Vayaʼmogimo apakaiʼapimo nehaya negi kavaʼapimoʼmo aliʼyaʼapimo alino hosu huno neʼategeʼapaeʼmo Ala kava nefeʼmo apaipamo leʼa neʼatae.

Mai'naya kavane 24:7

Afiteʼa agesaya kavaʼmo muga anagamo haneʼniyaʼmofeʼmo negi vekamoʼmo afaʼa oʼaligiye, Vayaʼmo aliʼa anupa huʼa maiʼneʼapaeʼmo ge huge afige nehagenoʼaeʼmo ge osuno afaʼa neʼmaiye.

Aiyeya 26:10

Gotiʼa hosu vayaʼaina fiku hapa maeno apamisiyaʼmoʼmo fatago kavaʼmo hisaya kavaʼmo oʼagegae. Apakaemo fatago vayaʼmo maiʼnaya koteʼmo hosu kavaʼmo huteʼa Ala kava neʼmo ha le konali yaʼamo oʼagegae.

Aiyeya 59:13

Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Aiyeya 59:7

Apakaemo hosu kavaʼmo hisayafeʼmo nagu nagu huʼa neʼvae. Apakaemo mago hosu kavaʼmo osuʼnaya vayaʼmo hapaesayafeʼmo malage huʼa neʼvae. Apakaemo hosu kavakeʼmo hisaya agufa apaipa apakesageʼmo neʼafiye. U eʼa nehayategamo muki yaʼmo aliʼa hosu huʼa atege apakafu yaʼmo aliʼa apamige nehae.

Neniyo 12:10

Gotiʼa asole vayaʼmogi hosu kavaʼapimo aeno kalo paeno atalege yaveyave vayaʼmo alino hamaleno apatege alino alagepa huno apatege hugiyaʼmonanafa hosu vayaʼmogi hosu kavaʼmo hugae. Hosu vayaʼmogimo alagepa huʼa afiteʼa ageʼa ha olegayaʼmonanafa afiteʼa ageʼnaya vayaʼmogi alagepa huʼa afiteʼa ageʼa ha legae.

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.

1 Samiyo 24:13

Ani akeyaʼvilaga vayaʼmogi huʼnaya geeʼmo huʼapaeʼmo, Hosu vayaʼmogimo hosu kavaʼmo nehae, huʼa nehaya gemo haneʼniya kava huno hemenimo lama gemo haneʼniye. Haneʼniyaʼmofeʼmo nagaemo okamagiguve.