Aiyeya 32:19 - The Keyagana NT and 25 OT books

¹⁹ Koʼmopa koʼmo aiteno yahaomo amagino alino hosu huno ataleteno taonifiʼmo maiʼnaya vayaʼmo alino afepiʼmo apategaiyana vayaʼnimo afaʼa maigae.

Aiyeya 32:19 ပူးပေါင်းရင်းမြစ်များ

Aiyeya 25:2

Kagaemo mago taonimo heka halagape vaika ataleʼnane. Kagaemo lokiya taonimo yafatetiʼmo ki maleʼnaya taonimo alika noʼatufaʼageʼmo haʼmaleka ateʼnane. Alu nofi vayaʼmogi alopa taonimo alagi alika hano huka ataleʼnananageʼa halate okigae.

Aiyeya 25:4

Kagaemo kagemi yaʼapimo ohaneʼniya vayaʼmo alika lokiya vaika apateʼnane. Kagaemo kafu nehaya vayaʼmo alika lokiya vaika apateʼnane. Kagaemo fala kiʼa maiʼnaya koʼapigana huka maiʼnane. Kana yaʼmo afole aiʼniya afinaʼmo apakaiʼapimo hapa maesiya yaʼmo oʼaliʼnisaya vayaʼmo fala kiʼa maiʼnaya koʼapigana huka maiʼnane. Koli yaʼmo aliʼa neʼapamiya vayaʼmogimo apaipamo neleya kavaʼmoʼa lokiya yasimoʼmo kegiʼyamo alino agoʼya faino neʼataleya yasigana huno haneʼniyaʼmofeʼmo yasi alige ko aige amuko huge huʼniya afinaʼmo aika ati kaeka apateʼnane.

Aiyeya 26:5

Agaemo anagamo haneʼniya taonifiʼmo maiʼnaya vayaʼmo alino afepiʼmo neʼapate. Agaemo anaga lokiya taonimo heno halagape vaiʼnigeno mopafiʼmo alagi asagauno neʼaiye.

Neyomi 1:1

Neyamiʼmo Elikosi taonifiʼmo maiʼniya vekamoʼmo mago alagamuna agegekana agufa kavaʼmo huno Gotiʼa ani kana huʼniya gemo alopa Niniva taonieʼmo ha paiʼniye.

Neyomi 1:8

Agaemo vayaʼamo apakeʼniyaʼmonanafa alopa aniʼmo hegekana huno Niniva taonimo alino hosu huno atalegaiye. Agaemo kame vayaʼamo apavegala aesigeʼa hani huʼniya kopiʼmo uʼa lamiʼa hosu kava huʼa maigae.

Matiyu 7:25

Koʼmo aiteno aniʼmo hege yasimo alige hulineno noʼamo alino agoʼya faisiyafeʼmo huʼniyana alopa yafateʼmo noʼamo faino ateteno ki maleʼniyaʼmofeʼmo asagauno oʼaiʼniye.

Leveleseni 18:21

Hapa paitegeno lokiya enisole vekamoʼmo alopa yafaʼmo monu yafakana agufa yafatetiʼmo vitimo lata nepaiya agufa yafakana huno alino solovala anipiʼmo yaga auno ataletenoʼaeʼmo, ani kava huno ayamukiki huno alopa Mamiloni taonimo alino yaga auno atalesigeʼapaeʼmo halate magoʼe huʼa oʼagegae.

Leveleseni 8:7

Hogote enisole vekamoʼmo pikuli huʼnigenoʼaeʼmo ko aigekana huno ko mopagi atagi kolanagi huno aiʼniye. Ma mopamo loleʼe magoʼe atupaletiʼmo magokayaga atupa mopamo ago atamoʼmo leno sagaliʼniye. Ani kava huno loleʼe magoʼe yosafatiʼmo magoke yosamo leno sagaliʼniye. Muki kahauʼamo ago leno sagaliʼniye.