Aiyeya 32:13 - The Keyagana NT and 25 OT books

¹³ Aufe nofiʼmoʼe hosu kahaumoʼeʼmo vayaʼnimogi mopaleʼmo ago aeno ati kaege apamogaga neʼaiya noʼapimo mopamoʼmo aeno ati kaege hugiye.

Aiyeya 32:13 ပူးပေါင်းရင်းမြစ်များ

Samu 107:34

Vayaʼmogimo hosu kavaʼmo huʼnayaʼmofeʼmo asole neʼyaʼmo neʼaeya mopaʼapimo alino hosu mopamo hamaleno neʼate.

Aiyeya 5:10

Apakaemo alopa nofi hoyamo aliʼa vai malegayana asole nofi alagamo oʼaesigeʼa aise nofi alagafati aniʼatomo alo hugae. Apakaemo teniʼa viti avina kuʼmo fai malegayana neʼyaʼamo magoke kuʼatomo aliʼa aigae.

Aiyeya 5:6

Nagaemo hoyamo aliʼna hosu huʼna ataleteʼna afaʼa ategauve. Nagaemo nofiʼmo hatagauʼna aliʼna alagepa osuge aiʼyumo oʼaige huguve. Atesugeno kahaumo aesigeno aufe kahaumoʼmo ani hoyamo aeno ati kaegaiye. Nagaemo ani hoyafiʼmo koʼmo oʼaisiyafeʼmo haʼao, huʼna huguve.

Aiyeya 55:13

Paeni yosamo hosu yosamo aimuʼyaleʼmo lagigiye. Aise kanale yosamo aufe nofiʼmo haneʼniya yapiʼmo lagigiye. Muki afinaʼaeʼmo ani kanale yosamo lagisigeno ani kavaʼmo ina kava huno nagaemo Ala kava neʼmoʼnamo lokiya alagena kavaʼmo nehuva kavakana huno haneʼnisigeʼa vayaʼmogimo ageteʼapaeʼmo ala nagiʼnimo namigae.

Aiyeya 6:11

Inagi nagaemo ge huʼna afiʼnaeʼmo, Ala kava nene, huʼna, Nagaemo ani aliʼyaʼmo alime uʼna hainu afinaʼmo atalegauve, huʼna ge huʼna afi geʼnogenoʼaeʼmo geʼnileʼmo ina ge huno aeno atagaina hunoʼaeʼmo, Kagaemo aliʼyakamo alime alime neʼugeʼao muki taoniʼamo heʼa halagape vaisageno noʼageʼmo afaʼa hanesigeʼa vayaʼmo oʼmaige muki mopaʼamo hosuge huno hanegaiye.