Aiyeya 32:1 - The Keyagana NT and 25 OT books

¹ Afiyo, huno, Mago kini vekamoʼmo fatago kavaʼaletiʼmo yagaino apatesigeʼa ala vayaʼmogiʼeʼmo alagepa huʼa aliʼa fako huʼa yagaiʼa apategae.

Aiyeya 32:1 ပူးပေါင်းရင်းမြစ်များ

Samu 45:1

Alagepa gemoʼmo naipafiʼmo havai teteno aino vali nelamigeʼnaeʼmo kini vekaekeʼmo ava gemo nehuve. Alagepa huno avoʼmo nekaeya vekamoʼmo avoʼmo kaesiyafeʼmo avo kayoʼmo aliteno alo huno neʼmaiya kava huʼna navayafatiʼmo gemo hisuvafeʼmo alo huʼna maiʼnove.

Samu 99:4

Lokiya kini vekamogae, huʼna, fatago kavafekeʼmo kahauʼniye. Kagaemo Yekopu vayaʼai folagapiʼmo fatago kavaʼmo alika afole aika ateʼnane. Kagaemo fatago kavaʼmo huge alagepa huka alika fako huge huka maiʼnane.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Aiyeya 11:5

Fatago kavaʼmo mapalugana huno afafaleʼmo aegaiye. Ina kava huno aliʼyaʼamo oʼataleno alagepa huno alime alime visiya kavaʼamoʼmo mapalugana huno aegaiye.

Aiyeya 33:5

Ala kava neʼmo anaga koʼaleʼmo maiʼniyaʼmofeʼmo ala agiʼamo amigae. Agaemo lusi kava huno alagepa fatago kavaʼmo huʼnigeʼa Saiyoni taonifi maiʼnaya vayaʼmogi alagepa huʼa aliʼa fako huge fatago kavaʼmo huge nehayaʼmofeʼmo ani agufa kavaʼmo taonifiʼmo havaitegaiye.

Aiyeya 4:6

Yasi nokana huno hanesigeno kofino apatege lokiya yegemoʼmo apakenopaleʼmo oʼapalesiyafeʼmo aino ati kaeno apatege huʼnisigeʼapaeʼmo alopa koʼmo aige yasimo alige hisiya afinaʼeʼmo alagepa huʼa maigae.

Lomu 5:21

Hosu kavaʼmoʼa nefaliya kavaʼmo alino afole aino ateteno ani kavatetiʼmo yagaino neʼapateya kava huno fikumo hapa maeno neʼapamiya kavaʼmoʼa fatago kavaʼaletiʼmo yagaino neʼapatesigeʼa Ala kava netimo Yesu Kalaisitetiʼmo alagepa huʼa maige maige huʼa maisaya yaʼmo apamisiyafeʼmae.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.