Aiyeya 3:9 - The Keyagana NT and 25 OT books

⁹ Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.

Aiyeya 3:9 ပူးပေါင်းရင်းမြစ်များ

Aepa Gemae 13:13

Sotomi taonifiʼmo maiʼnaya vayaʼmo alagi hosu vayaʼmogeʼa Ala kava netegamo lusi hosu kavaʼmo huʼnae.

Aepa Gemae 19:34

Inagi egaʼamo yege a mafaʼneʼamoʼmo aganaʼamofeʼmo ha painoʼaeʼmo, Ega haniʼilagamo afoʼnimoʼeʼmo magokepi lokaetaʼa havaeʼnoʼae. Hemeni haniʼilagamo halate nofi alagafati aniʼmo amisuʼageno neteno negi nagi nehisigeka kagaemo uka ani kava huka agaeʼeʼmo magokepi lokaeka havaegane. Kagaemo mafaʼnemo alika atesanageʼapaeʼmo agae nofi vayaʼmo hano osuʼa afaʼa maigae, huno ha paiʼniye.

Aepa Gemae 4:5

Amuse huʼniyana Keniʼe ofaliniʼaʼefeʼmo amuse osuʼniye. Keniʼa lusi kava huno aipa leʼnigeno hosu augosa kaliʼniye.

Samu 10:4

Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Mai'naya kavane 15:32

Aliʼa aya malesayafeʼmo hisaya geeʼmo ina agufa gemo nehae, huno nehisiya vekamoʼmo agaiʼa aunemeʼaeʼmo ina agufa yane, huno nehiyaʼmonanafa aliʼa api aiʼa atesayafeʼmo hisaya gemo afisiya vekamoʼmo afino aeto hugiye.

Mai'naya kavane 30:13

Mago nofi vayaʼmogimo apakaiʼapimo apakesamo afiʼapaeʼmo alagepa vayaʼmo maiʼneta alu vayaʼmo ago aeta apaka seta maiʼnone, huʼa apakesamo neʼafiye.

Mai'naya kavane 8:36

Nagaetegamo hosu kavaʼmo nehisiya vekamoʼmo agaiʼa aunemeʼamo alino hosu huno neʼate. Nagaefeʼmo nohapaiya vayaʼmo falisaya kavafeʼmo nehapaiye.

Aiyeya 1:10

Yulusalemu koteʼmo yagaiʼnaya vayaʼmogitapae, huʼna, Satomi koteʼmo yagaiʼnaya vayakana hutapa maiʼnayanagi Ala kava neʼmo geʼamo afiyo. Yulusalemu taonifiʼmo maiʼnaya vayaʼmogitapae, huʼna, Gomola taonifiʼmo maiʼnaya vayakana hutapa maiʼnayanagi Gotitimo keʼaepa geʼaeʼmo alagepa hutapa lapaketafo hiyo.

Aiyeya 57:20

Aliʼna hapageʼna apategauvaʼmonanafa hosu kavaʼmo nehaya vayaʼmo aino apalo neʼatiya solovala anikana huʼa maiʼnae. Solovala aniʼmoʼmo afaʼa ohanegaiyaʼmonanafa aino apalo atino hosu hapaʼe hosu mopaʼeʼmo alino afole aino neʼate.

Aiyeya 59:12

Gekamo amagita ataleʼnona kavatimoʼmo kaulagaleʼmo magoʼe magoʼe huno afole neʼaiye. Hosu kavatimoʼmo agoti huno nelateyaʼmofeʼmo ani kana yaʼmo aliʼnone. Gekamo amagita ataleʼnona kavatimo laulagaleʼmo haneʼnigeta ani hosu kavatimo ageʼnone.

Neniyo 7:20

Agenopafiʼmo naya loleʼa lokiyaʼamo haneʼnigeno mago lokiyaʼmo ani folagapatiʼmo afole aiʼnigeʼapaeʼmo loleʼe magoʼe lokiyaʼamo asagauʼa aiʼnae. Ani aulagaʼe avayaʼeʼmo haneʼniya lokiyaʼmoʼa himuʼnamu gemo huʼniye. Ani lokiyaʼmoʼa mago lokiyaʼamo ago aeno apaka seno afole aiʼnigeʼa ageʼnae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Leveleseni 11:8

Anakufaʼamo alopa taonimo auneʼamo agiʼamo Sotomi kotegamo haneʼnifi Isipi kotegamo haneʼnifi huʼnisiya taonifiʼmo Ala kava neʼanimo malipu yosaleʼmo nili aiʼnaya taonimo kateʼmo hanegaiye.

1 Samiyo 15:32

Henagaʼamo Samiyoʼmo hunoʼaeʼmo, Lapakaemo Egagiʼmo Emaleki vayaʼai kini vekaʼapimo avalelitapa eyo, huno hapa paiʼnigeno Egagiʼmo vase vase huno neʼenoʼaeʼmo, kamitimo namagisaya afinaʼmo hano huʼniye, huno huʼniye.