Aiyeya 3:10 - The Keyagana NT and 25 OT books

^10-11 Alagepa fatago kavaʼmo nehaya vayaʼaifeʼmo, lapakaemo alagepa hutapa maigae, huka hapa paiyo. Alagepa kavaʼapimoʼmo neʼyaʼamo negayaʼmofeʼmae. Negayaʼmonanafa hosu vayaʼmo hanageke yaʼmo aligae. Hosu kavaʼapimo miyaʼamo aligayaʼmofeʼmae.

Aiyeya 3:10 ပူးပေါင်းရင်းမြစ်များ

Aepa Gemae 18:25

Kagaemo fatago vayaʼe hosu vayaʼeʼmo magokepiʼmo alika lokaeka kamitimo apamagisanafeʼmo nehana kavaʼmo kagaemo alagi nosana agufa kavaʼmo hugane. Kagaemo fatago vayaʼaitegaʼe hosu vayaʼaitegaʼeʼmo magoke aiyaya kavaʼmo nosane. Kagaemo ma mopafi vayaʼmo alika fako nehana yasi vekamogamo fatago kavaʼmo alagi osugapiye, huno huʼniye.

Samu 58:11

Vayaʼmogimo ina ge huʼapaeʼmo, Fatago vayaʼmogimo alagepa miyaʼapimo alagikeʼmo aligae. Gotiʼa ma mopafi vayaʼmo alagikeʼmo alino fako nehiye, huʼa hugae.

Hatu maeno apate'niya gemae 1:20

Ani kavaʼmo huʼnaʼaʼmofeʼmo Gotiʼa ani lole atalaʼmo alagepa huno hana maeʼnigeʼana alagepa huʼana maiʼnaʼae. Inagi Isaleli vayaʼmo magoʼe huʼa asole vayaʼmo afole aiteʼa lokiya nofi vayaʼmo hamaleʼnae.

Mai'naya kavane 10:6

Gotiʼa fatago vayaʼmo fikumo hapa maeno neʼapamiyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 12:14

Mago vekamoʼmo alagepa gemo hisiyaʼmoʼmo alagepa yaʼmoʼmo aipafiʼmo havaitesigeno alagi haiʼmo aliʼnove, huno hugiye. Ayatetiʼmo alagepa kavaʼmo hisiyaʼmoʼmo alagepa miyaʼmo aligiye.

Mai'naya kavane 13:21

Hosu vayaʼmo hanageke kavaʼapimoʼmo apavegala neʼaeyaʼmonanafa fatago vayaʼmo anonaʼapilefeʼmo alagepa huʼa maigae.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Aiyeya 54:17

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.

Maika 7:13

Asole vayaʼmo kagaetegamo egayaʼmonanafa Isaleli kotegamo vayaʼmo oʼmaiʼnayanageno kahaepa koʼmo hanegaiye. Ani koteʼmo maiʼnaya vayaʼmogimo hosu kavaʼmo nehayaʼmofeʼmo aise vayaʼmo maiʼnaya koʼmo hanegaiye.

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.

Luki 19:19

faefuʼa taonileʼmo yagaisanafeʼmo lekana paiʼna kateʼnove, huno ha paitegenoʼaeʼmo

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.