Aiyeya 26:9 - The Keyagana NT and 25 OT books

⁹ Haniʼilagamo nagupi mafaʼnemoʼmo kagaefeʼmo lusi kava huno hauʼniye. He, gotilamiyapiʼmo kagesuvafeʼmo kahauya huʼna kagegauve. Kagaemo alika fako huka apatesanageʼapaeʼmo ma mopafi vayaʼmogi fatago kavafeʼmo afiteʼa agegae.

Aiyeya 26:9 ပူးပေါင်းရင်းမြစ်များ

Samu 105:7

Agaemo Ala kava netimo Gotitimoʼmae. Agaemo muki ma mopafi vayaʼmo alino fako huno apateteno ani kavaʼmo hiyo, huno nehiye.

Samu 119:55

O Ala kava nene, huʼna, haniʼilagamo kagikaeʼmo nagesamo afiʼna ho nehuʼnaeʼmo keʼaepa gekamo akame nehuve.

Samu 119:62

Kagaemo fatago kavaʼmo huka alika fako nehanaʼmofeʼmo haniʼilaga folaguʼmo he tiʼna kahao ke hegauve.

Samu 130:6

Neʼyagaiya vayaʼmogi hani huʼniya yaʼmo hano hisigeno ha le yaʼmo afole aisiyafeʼmo nehapaigeʼa agava neʼmaiya kava huʼna Ala kava nefeʼmo magoʼe huʼna agava neʼmauve. He, agava neʼmaiya kava huʼna aeʼna apakaseʼna Ala kava nefeʼmo magoʼe huʼna agava neʼmauve.

Samu 58:11

Vayaʼmogimo ina ge huʼapaeʼmo, Fatago vayaʼmogimo alagepa miyaʼapimo alagikeʼmo aligae. Gotiʼa ma mopafi vayaʼmo alagikeʼmo alino fako nehiye, huʼa hugae.

Samu 63:1

O Gotiyo, huʼna, Gotiʼnimogamo maiʼnane. Kagesuvafeʼmo kotilamisiyapiʼmo kahauya huguve. Nauneʼnameʼmoʼa kagaefeʼmo nehaiye. Aniʼmo ohaneʼniya koteʼmo maiʼneʼnaeʼmo vayaʼmogimo anifeʼmo nehapaiya kava huno kagaefeʼmo neʼnahaiye.

Samu 63:5

Afumo afayaʼaʼe atuʼaʼeʼmo neʼa apamu nehaya kava huno nagupi mafaʼnemoʼmo neno amu hugiye. Nagaemo namogaga aiteʼna navayafatiʼmo yokemo huʼna kagikaleʼmo aliʼna asaga huʼna kategauve.

Samu 64:9

Muki vayaʼmogimo ageteʼapaeʼmo koli hugae. Apakaemo Gotiʼa huʼniya kavafeʼmo apakesamo afime afime uʼa afiʼa alagepa huteʼa ageteʼapaeʼmo Gotiʼa aliʼyaʼamo neʼaliya kavafeʼmo ava gemo aeʼa hakalo hugae.

Samu 78:34

Apamagiʼnigeʼa faliʼnageʼapaeʼmo mago vayaʼamogimo apaipamo aliʼa afe leteʼa Gotiʼmo agesayafeʼmo lokiya vaiʼa kahauya huʼnae.

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Aiyeya 55:6

Lapakaemo Ala kava neʼmo kahauya hutapa agegefe hisaya afinaʼmo kahauya hutapa ageyo. Lapaopaleʼmo eno maisiya afinaʼmo keya aeta nunumuʼmo hiyo.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Maki 1:35

Egamo gotigefeʼmo huʼnigenoʼaeʼmo Yesuʼa he tino taonifatiʼmo atalenuno vaya oʼmaiʼnaya haopalegamo nunumuʼmo huʼniye.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.