Aiyeya 26:10 - The Keyagana NT and 25 OT books

¹⁰ Gotiʼa hosu vayaʼaina fiku hapa maeno apamisiyaʼmoʼmo fatago kavaʼmo hisaya kavaʼmo oʼagegae. Apakaemo fatago vayaʼmo maiʼnaya koteʼmo hosu kavaʼmo huteʼa Ala kava neʼmo ha le konali yaʼamo oʼagegae.

Aiyeya 26:10 ပူးပေါင်းရင်းမြစ်များ

Samu 106:43

Agaemo asole afinaʼmo apakufamo alino katino apateme apateme eʼniyaʼmonanafa apakameʼyamo amiteʼa hosu kavaʼmo huteʼapaeʼmo hanageke yaʼmo aliʼnae.

Samu 143:10

Kagaemo Gotiʼnimogamo maiʼnanaʼmofeʼmo kahauʼniya kavaʼmo hisuvafeʼmo alika naya malo. Kaumekameʼmo alagepa aunemeʼmo maiʼnenoʼaeʼmo alagepa kateʼmo alino api aino nateno.

Samu 69:27

Alu hosu kava alu hosu kavaʼapilefeʼmo agoti huka apato. Apakaemo fatago kavakamo oʼalisageka naulagaleʼmo fatago vayaʼmo maiʼnae, huka hapa opaiyo.

Hatu maeno apate'niya gemae 8:15

Feloʼa agetenoʼaeʼmo hausoli huʼnigeno atete hauʼniya kavaʼamo hano huʼnigenoʼaeʼmo Ala kava neʼmoʼa hana paiʼniya kava huno agaiʼa aipa agesamo alino akani maleteno geʼanimo oʼafiʼniye.

Hatu maeno apate'niya gemae 9:30

Afiganaʼmonanafa kagaeʼe aliʼyakamo neʼaliya vayaʼeʼmo Ala kava neʼmo Gotifeʼmo koli osugae, huʼna afiʼnove, huno ha paiʼniye.

Hatu maeno apate'niya gemae 9:34

Feloʼa ageʼniyana ko oʼaige koʼmopamo emi noʼmege hakalu osuge huʼnigeno agetenoʼaeʼmo halate magoʼe huno hosu kavaʼmo huʼniye. Agaiʼagi aliʼyaʼamo neʼaliya vayanagi huʼa apaipa apakesamo aliʼa akani maleʼnae.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Aiyeya 1:21

Yulusalemu taoniyo, huno, akeyaʼvilagamo alagepa huka geʼnimo afiʼnanaʼmonanafa hemenimo mago kumai a kanomo hamaleʼnane. Kagaemo agoti gemo alagepa huʼa afiʼnaya vayaʼe fatago vayaʼeʼmo havaiteʼnayaʼmonanafa hemenimo kagaemo kamitimo hapaenageʼa faliʼnaya vayaʼmogimo kili paeʼnae.

Aiyeya 2:10

Vayaʼmogitapae, huʼna, Ala kava neʼmoʼa ha le konali yaʼaʼe lokiyaʼaʼeʼmo afole aisigeta agetetapaeʼmo lusi kava huta koli hugayanagi lapaune hetaletapa uta yafa kapiʼmo fala kige mopafiʼmo kelimo kafi maleʼnetapa uta haitapa fala kige hiyo.

Aiyeya 32:6

Gotifeʼmo mono nosaya agufa kavaʼmo huge Ala kava netegamo aigofe gemo huge hisayafeʼmo negi vekamoʼmo negi nagi gemo huge hosu kavaʼmo hisiyafekeʼmo aipafiʼmo lusi kava huno agesa afige hugiye. Agaemo kafu nehaya vayaʼmo apaka tege aniʼapimo hano huʼniya vayaʼmo anifeʼmo hapauge hisiyafeʼmo hosu kavaʼmo hugiye.

Aiyeya 32:7

Hosu kavaʼmo hisiyafeʼmo agesa afifi nehiye. Kagemiyaʼapimo ohaneʼniya vayaʼmo aigofe geletiʼmo alino hosu huno apatesiyafekeʼmo agesa afifi nehiye. Kafu huʼnaya vayaʼmogi fatago gemo nehaya afinaʼeʼmo alino hosu huno apatesiyafekeʼmo nehiye.

Aiyeya 5:12

Neʼyaʼmo yagita huʼapaeʼmo nofi alagafati aniʼmo neʼneʼapaeʼmo alu agufa gita amagige feliyopa huge yaveʼya amagige nehayaʼmonanafa Ala kava neʼmo aliʼyaʼamo neʼaliya kavafeʼmo apakesamo oʼafige nehiya kavafeʼmo apakesa afifi osuge nehae.

Maika 2:10

Ani koteʼmo maitapa hagalesaya koʼmo ohaneʼniyaʼmofeʼmo he titapa ataleta viyo. Lapakaemo hosu kavatapiletiʼmo ani koʼmo alita hosu hutapa ateʼnayanageno ani koʼmoʼa alagi alino hosu huno lapategaiye.

Matiyu 4:5

Nevoʼa aote taonifiʼmo avalelinuno alopa aote yatala mono noʼmo nokatoʼmuleʼmo avalelino uno haino alino he tino ateʼnenoʼaeʼmo,

Leveleseni 2:21

Hosu kavaʼmo nehana kavakamo atalo, huʼna huteʼna aipamo alino afe lesiya afinaʼmo amiʼnovaʼmonanafa aipamo alino afe lesiyafeʼmo ohauʼnigeno kumai kavakeʼmo nehiye.

1 Samiyo 15:17

Inagi Samiyoʼmo Solofeʼmo hunoʼaeʼmo, Hogoteka kagaemo kagesamo afikaeʼmo, ina agufa vekamo maiʼnove, huka huʼnanaʼmonanafa muki Isaleli nofi vayaʼaiteʼmo yagaika oʼapateʼnapiye. Ala kava neʼmoʼa Isaleli vayaʼai kini vekamo maisanafeʼmo uvelimo faleno okateʼnifiye.