Aiyeya 26:1 - The Keyagana NT and 25 OT books

¹ Alopa alagepa afinaʼmo afole aisigeʼapaeʼmo Yuta mopaleʼmo maiʼnaya vayaʼmogimo mani yokemo hugae. Hugayana lagae taonimo lokiya taonimae. Gotiʼa alagepa huno laha maesigeno Gotikeʼmo lagae lokiya yafa kegiʼyatimo maigiye.

Aiyeya 26:1 ပူးပေါင်းရင်းမြစ်များ

Esala 3:11

Ala kava neʼmo mono noʼmo faiʼa atesaya yafaʼmo maleʼnayaʼmofeʼmo apakaemo Ala kava neʼmo ala agiʼamo amige haoke hege huʼa yokemo huʼnae. Mago vayaʼmogimo yokemo huteʼa neʼatalageʼapaeʼmo alu vayaʼmogi yokemo huteʼa huʼnae. Ina gemo huʼa yokemo Ala kava nefeʼmo haoke heʼa huʼnae. Yokemo huʼapaeʼmo, Agaemo alagepa Gotiʼa maiʼniyaʼmofeʼmae. Muki afinaʼmo Isaleli vayaʼmogitapaeʼmo hau huno lapatege lapatege huno hau huno maigiyaʼmofeʼmae, huʼa yokemo huʼnae. Yokemo hutageʼapaeʼmo muki vayaʼmogi alopa gefatiʼmo keya aeʼa ge huʼa Ala kava neʼmo ala agiʼamo amiʼnae. Ala kava neʼmo mono noʼamo faiʼa atesaya yafaʼmo maleʼnayaʼmofeʼmo ala agiʼamo amiʼnae.

Samu 31:21

Ala kava neʼmo aita auletapa ateyo. Kame vayaʼnimogimo faiʼa vego huʼa nateʼnaya afinaʼmo agaemo lusi kava huno nagaefeʼmo hau ayamopafiʼmo hauʼniya kavaʼmo alino naveliʼniye.

Samu 48:12

Saiyoni avefiʼmo umenitata nehutapa taonile yafa lafi kegiʼyaleʼmo faita vego huʼnetapa kegiʼyaleʼmo haneʼniya yatala nofeʼmo lekana paiyo.

Samu 48:4

Afiyo, huʼna, kini vayaʼmogimo Saiyoni taonifiʼmo kame hisayafeʼmo aliʼa anupa huʼa maiʼneʼa taoni haopaleʼmo eʼnae.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 2:20

Ani afinaʼmo vayaʼmogimo aigofe gotigi apauneʼalefeʼmo mono nehaya yaʼmo siluvaletiʼe goliletiʼeʼmo alo huʼnaya yaʼmo aliniʼuʼa kafaʼe lapaʼeʼmo neʼmaiya yategamo yaga auʼa atalegae.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 33:5

Ala kava neʼmo anaga koʼaleʼmo maiʼniyaʼmofeʼmo ala agiʼamo amigae. Agaemo lusi kava huno alagepa fatago kavaʼmo huʼnigeʼa Saiyoni taonifi maiʼnaya vayaʼmogi alagepa huʼa aliʼa fako huge fatago kavaʼmo huge nehayaʼmofeʼmo ani agufa kavaʼmo taonifiʼmo havaitegaiye.

Aiyeya 33:6

Ala kava neʼmoʼa afiteno agege muki kavafeʼmo afige nehiya kavatetiʼmo vayaʼmogi apakufamo alino katino apatesigeʼa lokiya vaiʼa alagepa huʼa maigae. Vayaʼmogimo Ala kava nefeʼmo koli hisaya kavatetiʼmo muki ani agufa hogote alagepa kavaʼmo afole aigiye.

Aiyeya 4:2

Ani afinaʼmo Ala kava neʼmo ve mafaʼneʼamoʼmo saufa ausasaʼmo haineno afole aisigeʼa vayaʼamogimo ala apakimo alige ha le konali yaʼapimo alige hisayafeʼmo maigiye. Isaleli vayaʼmo kalavusifatiʼmo ataleʼa uʼnaya vayaʼmogi ani yosamo aepafatiʼmo alagepa neʼyaʼmo afole aisigeʼa ageteʼa hapaʼye hisigeʼapaeʼmo, Alagepa neʼyane, huʼa hugae.

Aiyeya 5:1

Hemenimo nateʼnegeʼnao lusi kava huno nahau nayamopafiʼmo nahauʼniya vekaeʼmo yokemo huguve. Lusi kava huno nahau nayamopafiʼmo nahauʼniya vekamo nofi hoyaʼaeʼmo yokemo huguve. Nahau nayamopafiʼmo nahauʼniya vekamoʼmo aise aveleʼmo alagepa lanitani mopafiʼmo nofi hoyamo vai maleʼniye.

Aiyeya 60:18

Kagae koteʼmo kaveta osuge kame ohapaege mago yaʼmo aliʼa hosu huʼa oʼatege hisagetapa alagepa huta maigae. Lapakaeteʼmo yafa kegiʼyatapimoʼmo faino vego huno lapateʼnisigetapa yuʼilaga afaʼa maiʼnetapaeʼmo kegiʼyamo alopa kipatapilefeʼmo ala agiʼamo amigae.

Aiyeya 62:10

Aiyeyaʼa Goti geʼamo hapa painoʼaeʼmo, Kegiʼyamo kipatetiʼmo uta lamiyo, uta lamiyo. Vayaʼmo taonifi eʼa haisaya kaʼmo kafiyo. Kaʼmo valita apateyo. Kapiʼmo haneʼniya yafaʼmo alita ataleyo. Lapakaemo kalahuʼmeʼmo alita asai malegeʼapao vayaʼmo eʼa aliʼa anupa huʼa maiyo.

Aiyeya 62:11

Inagi Ala kava neʼmoʼa muki ma mopafiʼmo maiʼnaya vayaʼaifeʼmo ina gemo huno hapa paiʼniye. Lapakaemo Saiyoni taonifiʼmo maiʼnaya vayaʼaifeʼmo, Lama gemo nehune, hutapa lapakufamo alino katino lapatesiya vekamo egaiye. Afiyo, hutapa, Agaemo aliʼyaʼalefeʼmo miyaʼmo alinino egaiye. Alisiya aliʼyaʼamo aulagaleʼmo haneʼniye, hutapa ha paiyo.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.