Aiyeya 25:9 - The Keyagana NT and 25 OT books

⁹ Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 25:9 ပူးပေါင်းရင်းမြစ်များ

Aepa Gemae 49:18

O Ala kava nene, huʼna, nagaemo nagufamo alika katika natesanafeʼmo kagava maiʼnove.

Samu 100:1

Ma mopafi muki haopalega maiʼnaya vayaʼmogitapamo lapamogaga aitetapa Ala kava nefekeʼmo alopa gefatiʼmo hiyo.

Samu 20:5

Lagaemo agaemo kagufamo alino katino katesiya kavafeʼmo lamogaga aigune. Lagaemo Goti agiʼalefekeʼmo kalahauʼmeʼmo asai malegaune.

Samu 21:1

O Ala kava nene, huʼna, Kini vekamoʼmo lokiyakalefeʼmo amogaga aigiye. Agaemo agufamo alika katika ateʼnana kavafeʼmo lusi kava huno amogaga aigiye.

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Samu 40:17

Inagi nagaemo afa vekamo maiʼneʼna kafu huʼna maiʼnovaʼmonanafa Ala kava neʼmoʼa nagaefeʼmo agesamo neʼafiye. O Gotiyo, huʼna, naha maeka nagufamo alika katika neʼnatana vekaʼnimogae, huʼna, afaʼa oʼmaika malage huka naha mao.

Samu 9:14

Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Samu 95:1

Egetao Ala kava neʼmo agiʼaleʼmo alita asaga huta agaefeʼmo mono yokemo hugune. Lokiya vekatimo yafakana huno maiʼneno lagufamo alino katino nelateya vekaekeʼmo alopa gefatiʼmo huteta lamogagamo aigune.

Aiyeya 33:2

O Ala kava nene, huʼa, Fiku lahamaeka lamiyo. Lagaemo lahamaesanafeʼmo kagava maiʼnone. Muki neteʼaʼe neteʼaʼeʼmo lokiyatimo maiyo. Lagaemo hanageke yaʼmo alisuna afinaʼmo lagufamo alika katika lato.

Aiyeya 33:22

Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Aiyeya 35:1

Kaʼme koʼmoʼa amogaga aigiye. Hau huʼniya koʼmoʼa amogaga aisigeno kahaumoʼmo ausemo hegaiye.

Aiyeya 35:10

Ala kava neʼmoʼa miya faino hatu maeno apateʼniya vayaʼmogimo yokemo nehuʼapaeʼmo aiʼa atagi neʼa Saiyoni taonifiʼmo egae. Muki afinaʼaeʼmo apamogaga aiʼa maigae. Apakaemo magoʼe huʼa kana yaʼmo oʼalige magoʼe huʼa yulagefamo oʼaige huteʼa alagepa huʼa maige maige huʼa maigae.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

Aiyeya 35:4

Lapakaemo apaipafiʼmo koli nehaya vayaʼaifeʼmo hutapaeʼmo, Koli osuta lokiya vaitapa maiyo. Afiyo, hutapa, Gotitapimoʼmo emineno hosu kavaʼmo anonaʼapilefeʼmo apamigiyaʼmonanafa lapakufamo alino katino lapategaiye.

Aiyeya 40:9

O Saiyoniyo, huʼna, Alagepa faigoko gemo alinika neʼana vekae, huʼna, yatala avefiʼmo uka haiyo. O Yulusalemuo, huʼna, Alagepa faigoko gemo alinika eʼnana vekae, huʼna, Kagaemo alopa gefatiʼmo alagepa faigoko gemo aeka hakalo huvo. Koli osuka Yuta kote taoniʼafi taoniʼafiʼmo maiʼnaya vayaʼaifeʼmo ina gemo hukaeʼmo, Ageyo, Lapakaemo Gotitapiʼmoʼmo ageyo, huka huvo.

Aiyeya 49:23

Kini vayaʼmogiʼe kuvini aʼnemogiʼeʼmo itaʼapi afoʼapimogigana huʼa maiʼneʼa kagae mafaʼne anagaʼaiteʼmo yagaiʼa apategae. Apakaemo kagaetegamo eʼa kaiyafiʼmo mopafiʼmo ape huʼa apaleʼyamo faiʼneʼa ala kagikamo kamigae. Nagaemo hapa maesuvafeʼmo nagava neʼmaiya vayaʼmo afaʼa nagava maige apavagage huge huʼa oʼmaigayaʼmofeʼmo kagaemo nagaefekeʼmo Ala kava neʼmo maiʼniye, huka nagegane.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Aiyeya 60:16

Itaʼapimogimo nute mafaʼneʼapimo nuʼmo neʼapamiya kava huʼa alu nofi vaya alu nofi vayaʼe kini vayaʼmogiʼeʼmo alagepa huʼa yagaiʼa lapategae. Lapakaemo Ala kava neʼmo nagegayana lagufamo alino katino nelateya vekamo maiʼniye. Isaleli nofi vayaʼmogita lokiya vekatimoʼmo miya faino hatu maeno lateʼniya vekamo maiʼniye.

Aiyeya 61:10

Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.

Aiyeya 64:4

Ma mopamo afole aiʼniya afinatetiʼmo mago vayaʼmogimo kagaekana agufa gotiʼa oʼagege kagaekana agufa gotifeʼmo ava gemo oʼafige huʼa maiʼnae. Kagaikaekeʼmo kagava neʼmaiya vayaʼmo hapa maesanafeʼmo aliʼyaʼmo neʼaline. Magoʼe huno ani agufa Gotiʼa alagi oʼmaiʼniye.

Aiyeya 65:18

Apakesamo oʼafigayaʼmonanafa lapakaemo alo hisuva kavafeʼmo muki afinaʼmo lapamogaga aime aime uta maiyo. Nagaemo saufa Yulusalemumo alo hisugeʼapaeʼmo vayaʼmogimo apamogaga aisaya taonimo afole aisigeʼapaeʼmo apamogaga neʼaiya vayaʼmo maigae.

Maika 7:7

Hugayaʼmofeʼmo nagaemo Ala kava neʼmoʼa naha maesiyafeʼmo aulu heʼna agegauve. Nagufamo alino katino neʼnateya Gotiʼa naha maesiyafeʼmo agava maiguve. Nagaemo Gotiʼnimofeʼmo keya aeʼna ge hisugeno afigiye.

Hamakaki 3:18

nagaemo Ala kava netefeʼmo namogaga aiguve. Nagufamo alino katino neʼnateya Gotifeʼmo namogaga aiguve.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Filipai 3:1

Konagaʼnimogitapae, huʼna, geʼnimo huʼna hano hugefeʼmo huvanagi henaga geʼnimo afiyo. Ala kava nefeʼmo lapamogaga aiyo. Lapa paiʼnova gemo halate lapa paisuvafeʼmo alagaʼmo oʼnahaeʼniyanageʼna lapa maesugetapa alagepa hutapa maisayafeʼmo lapa nepauve.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

1 Pita 1:6

Ani kavafeʼmo lapamogaga neʼaiyaʼmonanafa lapa maesiya hanageke yaʼmo hemenimo aise afinaʼmo aliʼnageno lapaipamoʼmo kana huʼniye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

2 Pita 3:12

Muki yaʼamo ata lege kokuʼnaʼmo ata lege huno leno sagalino hano hugiyanagi Ala kava neʼmo afinafeʼmo agava maiʼnetapa malage huno afole aisiyafeʼmo alagepa kavaʼmo hiyo.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.

Leveleseni 22:20

Ani kavafeʼmo ava gemo huʼna hapa nepauva vekamoʼnamo, He, huʼna, aise afinaʼmo utesigeʼna emiʼnegauve, huʼna hapa paiʼnove, huno hapa paiʼnigeʼa, He, lama ge. Ala kava neʼmo Yesugamo emikeno, huʼa ha paiʼnae.