Aiyeya 25:8 - The Keyagana NT and 25 OT books

⁸ Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 25:8 ပူးပေါင်းရင်းမြစ်များ

Samu 116:8

Ala kava neʼnimogae, huʼna, falisuva kavategatiʼmo nagupi mafaʼnemo ago alika katika ateteka naunumo aeka kalo paeka nateteka naiyafiʼmo oʼnahaesiyafeʼmo yagaika nateʼnane.

Samu 69:9

Kagaemo nokamo alagepa huno hanesiyafeʼmo nayamukiki nehuvaʼmofeʼmo noʼnagae. Huʼa faipa huʼa nekataya gemoʼmo nagaeteʼmo asagauno aiʼniye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Aiyeya 35:10

Ala kava neʼmoʼa miya faino hatu maeno apateʼniya vayaʼmogimo yokemo nehuʼapaeʼmo aiʼa atagi neʼa Saiyoni taonifiʼmo egae. Muki afinaʼaeʼmo apamogaga aiʼa maigae. Apakaemo magoʼe huʼa kana yaʼmo oʼalige magoʼe huʼa yulagefamo oʼaige huteʼa alagepa huʼa maige maige huʼa maigae.

Aiyeya 51:11

Ina kava huʼa Ala kava neʼmoʼa miya faino hatu maeno apateʼniya vayaʼmogimo aiʼa atagi neʼa yokemo nehuʼapaeʼmo Saiyoni taonifiʼmo egae. Muki afinaʼmo apamogaga aige aige huʼa maigae. Apakaemo magoʼe huʼa kana yaʼmo oʼalige yulagefa oʼaige hugayaʼmonanafa alagepa huʼa maige maige huʼa maigae.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Aiyeya 54:4

Kagaemo magoʼe huno kavagage osugiyaʼmofeʼmo koli osuvo. Apakaemo vayaʼmogimo kagaefeʼmo magoʼe huʼa huʼa faipa osuge kavagage yaʼmo okamige hugae. Haʼao, kagaemo a mafaʼnemo maiʼnekaeʼmo Isipi kotegamo kalavusi aliʼyaʼmo aliʼnana kavagage kavafeʼmo alagi kagekanika ataleteka maigane. Ina kava huka a kanomo anauʼamoʼmo ataleno uʼniya akanogana huka maige kogu akanogana huka kagaikageʼmo maige huʼnana afinafeʼmo kagekanisigeno magoʼe huno kavagage osugiye.

Aiyeya 60:15

Yulusalemuo, huʼna, kagaefeʼmo apaini huteʼa kataleʼa uʼnayaʼmofeʼmo vayaʼmo kakaleʼmo uʼeʼa osuʼnae. Osuʼnayaʼmonanafa nagaemo hanege hanege huno hanesiya kanale hogote taonimo aliʼna hamaleʼna katesugeʼa muki kafugaʼae kafugaʼaeʼmo vayaʼmogimo kagaefeʼmo apamogaga aigae.

Aiyeya 61:7

Magoʼe huno lapavagage osisigetapa lole yaʼmo alitapa lokaeta aligae. Vayaʼmogimo magoʼe huʼa lapakitapileʼmo aliʼa afepiʼmo oʼatesagetapa alisaya yatapilefekeʼmo lapamogaga aigae. Mopatapileʼmo maiʼnetapaeʼmo lole yaʼmo alita lokaetapa alitetapa muki afinaʼmo lapamogaga aime aime ugae.

Aiyeya 65:19

Nagaemo Yulusalemu taonieʼmo namogaga aiteʼna vayaʼnieʼmo namogaga aiguve. Vayaʼmogimo saufa Yulusalemu taonifiʼmo magoʼe huʼa aviʼyaʼmo hisageʼa oʼafige aviʼyaʼmo osuge hugae.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Luki 1:25

Ala kava neʼmoʼa nageme nageme eno hemenimo naha maeno vayaʼai apaulagaleʼmo navagage nehiya kavaʼnimo aeno kalo paeno ataleʼniye, huno huʼniye.

1 Kolitiyani 15:26

Kame vayaʼamo alino hano huno apataleteno henaga kame kavaʼmo nefaluna kavaʼmo alino hano huno atalegaiye.

1 Kolitiyani 15:54

Kasalisiya lagufamo ataleta okasalisiya lagufamo alisuna afinaʼmo Goti mukufiʼmo hu maleʼniya gemo afole aigiye. Ani gemoʼa hunoʼaeʼmo, Ala kava neʼmoʼa kamemo huno aeno agasetenoʼaeʼmo vayaʼmo nefaliya kavaʼmo ago alino hano huno ataleʼniye.

2 Timoti 1:10

Akeyaʼvilagamo lamiʼniyaʼmonanafa Yesu Kalaisiʼa lagufamo alino katino lateteno lahau neʼvaiya vekamo afole aiʼnigenoʼaeʼmo hemenimo ani kavaʼmo laulagaleʼmo ago afole aiʼnigeta ageʼnone. Agaemo nefaluna kavaʼmo lokiyaʼamo alino hano huno ataleteno agaiʼaeʼmo alagepa faigoko geʼaletiʼmo maige maige huʼa maisaya yaʼmo alino afole aino ateʼniye.

1 Pita 4:14

Lapakaemo Kalaisiʼmo akame nehayaʼmofeʼmo ge nelapausayana Goti aulagaleʼmo alagepa hutapa maiʼnayaʼmofeʼmo afaʼa lapamogaga aigae. Goti Aunemeʼamo ha le konali Aunemeʼamoʼmo lapakaeteʼmo alagi maiʼniyaʼmofeʼmae. Apakaemo Gotifeʼmo huʼa faipa huʼa neʼatagetapaeʼmo lapakaemo ala agiʼamo neʼamiye.

Leveleseni 20:14

Gotiʼa nefaliya kavaʼe vayaʼmo faliʼnageno apakupi mafaʼneʼamo uno neʼmaiya kotegaʼeʼmo alino hano huno ataleʼniye. Ata kotupiʼmo maiʼnaya kavaʼmo agiʼamo napa tu afinaʼmo nefaliya kavaʼmae.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.

Leveleseni 7:17

Na kava hinageʼapaene. Aikeli sipisipimoʼa yagaino neʼapateya vekamo siyaʼamo folagapiʼmo maiʼniya sipisipi vekamoʼmo sipisipileʼmo yagaiʼa neʼapataya kava huno yagaino apateteno meti aniʼamoʼa afaʼa maisaya yaʼmo neʼapamiya anitegamo apavalelino ugiyaʼmofeʼmae. Gotiʼa apaulagafatiʼmo apaunumo alino laneno atalegaiye, huno huʼniye.