Aiyeya 25:7 - The Keyagana NT and 25 OT books

⁷ Ala kava neʼmoʼa Saiyoni aveleʼmo muki vayaʼmogi apaugosafiʼmo aino ati kae maleʼniya agufa lavolavomo alino hano huno atalegaiye. Agaemo muki alu nofi vayaʼe alu nofi vayaʼeʼmo aino ati kaeʼniyanageʼa afaʼa oʼagesayategamo alino atalegaiye.

Aiyeya 25:7 ပူးပေါင်းရင်းမြစ်များ

Matiyu 27:51

Faliʼnigenoʼaeʼmo alopa mono nopiʼmo alapaʼage lavolavoletiʼmo aeʼa akani maleʼnaya lavolavomo anagati aeno apake ailino emineno afelaga ataleʼniye. Lusi imima aliʼnigeno alopa yafa avemo aino apalo atiʼniye.

Luki 2:32

Agaemo ha le yakana huno maiʼneno mago alu nofi vayaʼaitegamo aeno ha lesigeʼapaeʼmo ageʼa aeto hugae. Ani kava huno Isaleli vayakamo ala apakiʼapimo apamigiye, huno huʼniye.

Apa 17:30

Akeyaʼvilaga vayaʼmogimo Goti geʼamo oʼafiʼneʼapaeʼmo negi kavaʼmo huʼnagenoʼaeʼmo afaʼa apakeno apataleʼniyaʼmonanafa hemenimo muki haopalegamo neʼmaiya vayaʼaifeʼmo hunoʼaeʼmo, Lapaipamo alita afe leyo, huno hapa nepaiye.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

Himulu 9:24

Ani kavatefeʼmo Kalaisiʼa aote seli mono noʼmo vayaʼmogi ki maleʼnaya mono nopiʼmo lama ge aune mono nopiʼmo uno ohaiʼnifa laha maesiyafeʼmo kokuʼnapiʼmo Goti haopaleʼmo uno haiʼniye.

Himulu 9:8

Goti Aunemeʼamoʼmo ani kavaʼmo aepaʼaeʼmo hunoʼaeʼmo, hogote seli mono noʼmo afaʼa haneʼniya afinaʼmo anaga aote mono nopiʼmo vayaʼmo uʼa haisaya kaʼmo afole yateʼmo ohaneʼniye, huno huʼniye.