Aiyeya 25:1 - The Keyagana NT and 25 OT books

¹ O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.

Aiyeya 25:1 ပူးပေါင်းရင်းမြစ်များ

Samu 111:4

Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

Samu 118:28

Gotiʼnimogamo maiʼnananageʼna kahao ke hegauve. Gotiʼnimogamo maiʼnananageʼna ala kagikamo kamiguve.

Samu 145:1

Gotiʼnimogamo kini vekaʼnimogae, huʼna, kagaefekeʼmo ala vekamo maiʼnane, huʼna huguve. Muki afinaʼmo kagikaleʼmo aliʼna auleʼna kategauve.

Samu 146:2

Nagaemo ma mopafiʼmo muki maisuva afinaʼmo agiʼaleʼmo aliʼna asaga huguve. Nagaemo muki afinaʼmo afaʼa maiʼneʼnaeʼmo Gotiʼnimo agiʼaleʼmo aliʼna asaga huguve.

Samu 31:15

Muki afinaʼmo nagaeteʼmo afole neʼaiya kavaʼmo kaiyafiʼmo haneʼniye. Kame vayaʼnimogi apayapatiʼmo navalelika uvo. Nagaefeʼmo apaini huʼa neʼnataya vayaʼai apayapatiʼmo nagufamo alika katika nato.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 40:6

Afumo amagiʼa nekamiya kavaʼe ofalinimo nekamiya kavaʼefeʼmo okahauʼniye. Kagaemo, hosu kavatapilefeʼmo afumo amagitapa hiʼyalamuteʼmo atafiʼmo kaeta namiyo, huka osuʼnanaʼmonanafa gekamo afisuva agufa nagesageʼmo namiʼnane.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 75:2

Gotiʼa hunoʼaeʼmo, Nagaemo lekana pai maleʼnova afinaʼmo fatago kavatetiʼmo agoti huʼna apategauve.

Samu 78:4

Lagaemo aeta ati okaeta Ala kava neʼmoʼa huʼniya lokiya kavaʼe hapau aiʼnaya kavaʼefeʼmo ava gemo huta mafaʼnetieʼmo hapa paiteta henagaʼamo afole aisaya mafaʼnetieʼmo hapa paigune.

Samu 89:1

O, Ala kava nene, huʼna, nagaemo muki kahau huka neʼapatana kavaʼakalefeʼmo muki afinaʼmo yokegeʼmo huge huge huʼna maiguve. Kagaemo gekamo alagi akame nehana kavakaeʼmo hemenimo maiʼnaya vayaʼe aliʼa apateme apateme visaya vayaʼefeʼmo navayafatiʼmo hapa paiguve.

Samu 98:1

Lapakaemo Ala kava nefeʼmo saufa yokemo hiyo. Agaemo alopa alagepa kavaʼmo oʼageʼnona kavaʼmo huʼnigeta ageteta lahau aiʼnone. Agaemo lamaga lokiya ayatetiʼe aote himamuʼaletiʼeʼmo kamemo huno aeno apaka seʼniye.

Samu 99:5

Lapakaemo Ala kava neʼmo Gotitimo agiʼaleʼmo alita asaga hutapa ateyo. Aiyafiʼmo maiʼnetapa agaefeʼmo mono hiyo. Agaemo alagi aote Gotiʼmae.

Hatu maeno apate'niya gemae 15:2

Himamuʼnimo Ala kava neʼmae. Agaefekeʼmo yokemo huguve. Agaemo nagufamo alino katino nateʼniye. Agaemo Gotiʼnimoʼmo maiʼniyanageʼna ala agimo amiguve. Agaemo afoʼnimogi Gotiʼapimoʼmo maiʼniyanageʼna agiʼaleʼmo aliʼna asaga huguve.

Aiyeya 11:5

Fatago kavaʼmo mapalugana huno afafaleʼmo aegaiye. Ina kava huno aliʼyaʼamo oʼataleno alagepa huno alime alime visiya kavaʼamoʼmo mapalugana huno aegaiye.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 26:13

O Ala kava neʼmo Gotitimogae, huʼna, kagaeʼe alu vayaʼmo yagaiʼnaya vayaʼmogiʼeʼmo yagaiʼa lateʼnayaʼmonanafa kagaikageʼmo ala kagikamo nekamune.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.

Aiyeya 40:27

O Yekopu vayane, huʼna, Isaleli vayane, huʼna, Na kava higetapaeʼmo ina gemo hutapaeʼmo, Ala kava neʼmoʼa lagae kana yaʼmo noʼage. Fatago kavaʼmo nehunaʼmonanafa laha noʼmae, hutapa nehae.

Aiyeya 49:4

Huno naha paiʼnigeʼnaeʼmo ina gemo huʼnaeʼmo, Aliyaʼmo aliʼnovaʼmonanafa nahaise vose huʼna aliʼnova kavaʼnimo afaʼa lageso huʼnigenoʼaeʼmo neʼyaʼamo afole oʼaiʼniye. Oʼaiʼniyaʼmonanafa Ala kava neʼmoʼa aliʼnova aliʼyaʼnimo ageʼniyanageno ani aliʼyatetiʼmo alagepa miyaʼnimo namigiye, huʼna huʼnove.

Aiyeya 49:5

Ala kava neʼmoʼa aliʼyaʼamo aliteʼna Isaleli vayaʼmo apavaleliʼna esugeʼa agaetegamo aiʼa atagi neʼa esayafeʼmo itaʼnimo aipafiʼmo maiʼnova afinaʼmo alo huno nateʼniye. Nagaemo Ala kava neʼmo aulagaleʼmo ha le konali vekamo maisugeno agaiʼageʼmo lokiyaʼnimae.

Aiyeya 61:10

Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.

Aiyeya 7:13

Inagi Aiyeyaʼmo hunoʼaeʼmo, Nevini vayane, huʼna, afiyo. Lapakaemo hosu kavaʼmo hisageʼa ma mopafi vayaʼmogi alaga hapaesiya kavaʼmo afole aisiyaʼmoʼmo aise kavaʼmo haneʼniyaʼmonanafa Gotiʼnimoʼeʼmo alagaʼmo haesiyafeʼmo hosu kavaʼmo hisafiye, huno ge huno apafi geʼniye.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 7:12

Apakaemo huʼapaeʼmo, He lama ge. Gotitimofeʼmo amuse huʼa ateteʼa agiʼaleʼmo aliʼa asaga huʼa ateyo. Alagepa huno ageteno afiʼniya vekamae, huʼa huteʼa hao ke heʼa ala agiʼamo amiyo. Muki yaʼagi lokiyaʼagi himamuʼagi huno haneʼniya vekamae, huʼa, muki afinaʼmo hume hume viyo. He lama ge, huʼa huʼnae.