Aiyeya 2:9 - The Keyagana NT and 25 OT books

⁹ Afa vayaʼe ala apaki vayaʼeʼmo aigofe monoʼmo hisayafeʼmo ape nehayaʼmofeʼmo kagaemo hosu kavaʼapimo alika oʼatalo.

Aiyeya 2:9 ပူးပေါင်းရင်းမြစ်များ

Samu 49:2

Ala apaki vayanagi apaki ohaneʼnisiya vayanagi kagemi yatapiʼe vayanagi kagemi yatapimo ohaneʼniya vayanagi hutapa afiyo.

Samu 59:5

O Ala kava nene, huʼna, he tika naha mao. Isaleli vayaʼmogi Gotiʼapimogae, huʼna, ani vayaʼaina apako. Kagaemo muki vayaʼai Gotiʼapimogae, huʼna, He tika muki nofi vayaʼe nofi vayaʼeʼmo kayoʼmo apamiyo. Hosu kavaʼmo nehaya vayaʼaifeʼmo kahau huka oʼapato.

Samu 62:9

Apaki ohaneʼnisiya vayaʼmo afa vayaʼmo maiʼnae. Apaki haneʼnisiya vayaʼmo aigofe vayaʼmo maiʼnae. Sigelileʼmo asaisunagenoʼaeʼmo kanaʼapimo ohanegaiye.

Aiyeya 5:15

Mukiʼamogi afepilagamo uʼa lamigae. Ala kava neʼmoʼa muki vayaʼmo alino afepiʼmo apategaiye. Apakaiʼapimo aliʼa asaga huʼa neʼapataya vayaʼmo alino afepiʼmo apategaiye.

Aiyeya 5:16

Alino afepiʼmo apategaiyaʼmonanafa asole vayaʼaiteʼmo yagaino neʼapateya Ala kava neʼmoʼa fatago kavaʼaletiʼmo ala agiʼamo aligiye. Aote Gotiʼa fatago kavaʼaletiʼmo naote Gotiʼnamo maiʼnove, huno alino apave ligiye.

Aiyeya 57:9

Lapakaemo alagepa atumo neʼaiya uvelimo alita lapakufaleʼmo faletetapa uta aigofe gotiʼmo Molekitefeʼmo mono nehae. Lapakaemo aigofe mono kavaʼmo hisayafeʼmo apa vayatapimo afagi kotegamo alita apateʼnageʼa uʼnae. Ani kavatefeʼmo lapakaemo ago faliʼnaya vayaʼmo uʼa lamiʼnaya kotegaʼeʼmo uta lamisayafeʼmo lapakufamo alita afepiʼmo ateʼnae.

Maki 3:29

Alino atalegaiyaʼmonanafa aote Aunemeʼaeʼmo huʼa faipa huʼa neʼatesaya vayaʼai hosu kavaʼapimo alagi alino oʼatalesigeno huʼa faipa huʼa neʼataya gemo anonaʼapimo afaʼa hanege hanege huno hanegaiye, huno hapa paiʼniye.

Lomu 3:23

Na kava huʼnagenoʼaene. Muki vayaʼmogimo hosu kavaʼmo huteʼa Goti ha le konali yaʼamo uʼa haiʼa me taleʼnayaʼmofeʼmo noʼaliye.

Kolosi 2:18

Mago vayaʼmogimo amega apakufaletiʼmo apakaiʼapi apakiʼapileʼmo aliʼa afepi neʼapataya kavafeʼmo amuse huteʼa enisole vayaʼaifeʼmo mono nehae. Apakaemo kavatapimo aliʼa fako huʼa lapateteʼapaeʼmo, hosu kavaʼmo nehae, huʼa hisaya gemo oʼafiyo. Oʼageʼnaya kavaʼmo agesayafeʼmo apakaiʼapimo fikumo himuʼnamu kavaʼmo nehae. Atafa apaipafatiʼmo, ala vayaʼmo maiʼnone, huʼa fikumo apakesamo neʼafiye.

Kolosi 2:23

Mani agufa keʼaepa gemoʼa mono hisayafeʼmo alino he tino neʼapate. Aigofe gemo huteʼa apakufamo aliʼa afepi apateteʼa apakafu kisiya yaʼmo aliʼa apakufamo amisayafeʼmo alino he tino neʼapate. Neʼapateyaʼmofeʼmo afiteta ageʼnona kavaʼmo haneʼniye, huʼa apakesamo neʼafiyaʼmonanafa mani agufa keʼaepa gemoʼmo apakufamoʼmo hauʼniya kavateʼmo yagaiʼa atesayafeʼmo hapa noʼmae.

Yasuva 24:19

Ani gemo huʼa ha paiʼnayaʼmonanafa Yasuvaʼa ina gemo huno hapa paiʼniye. Ala kava neʼmo alagi aote vekamo maiʼniyaʼmofeʼmo haiya kava hutapa akame hugae. Agaemo kaino nefaiya Gotiʼa maiʼniyaʼmofeʼmo ataletapa visayana hosu kavatapiʼe geʼamo amagitapa atalesaya kavatapiʼeʼmo alino oʼatalegaiye.