Aiyeya 2:5 - The Keyagana NT and 25 OT books

⁵ Yekopu aginago vayaʼmogitapae, huʼna, Egetao Ala kava neʼmoʼa aeno ha neleya kavategamo umenitata hugune.

Aiyeya 2:5 ပူးပေါင်းရင်းမြစ်များ

Samu 36:10

Kageʼnaya vayaʼmo oʼapataleka magoʼe huka kahau kayamopafiʼmo kahaino. Api kavaʼmo nehaya vayaʼaitegamo alagepa kavaʼmo huvo.

Samu 89:15

Afiteʼapaeʼmo apamogaga neʼaiya gemo afiʼa aeto huʼnaya vayaʼmo Goti aulagaleʼmo alagepa huʼa maiʼnayanageʼa afaʼa apamogaga aigae. Kaugosafatiʼmo aeno ha neleya yategamo umenitata hugae.

Samu 89:16

Apakaemo kagikalefeʼmo muki afinaʼmo apamogaga neʼaiye. Apakaemo fatago kavakaletiʼmo ala apakiʼapimo neʼaliye.

Aiyeya 2:3

Asole vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Luki 1:79

Lagaetegamo enoʼaeʼmo hanipiʼmo fali kavaʼmo auneʼafiʼmo fai maiʼnona vayaʼmogitalegamo ha le yaʼmo lamiteno alagepa kaʼmo Gotiʼeʼmo lokaelita visuna kaʼmo alino lave ligiye, huka hapa paigane, huno huʼniye.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

1 Yoni 1:5

Goti Mafaʼneʼamoʼmo ani ge huno laha paiʼnigeta afitetaeʼmo aeta hakalo huta lapa nepaune. Lapa paitaeʼmo Gotiʼa ha le yaʼaʼe vekamo maiʼnigeno aipafiʼmo hani yaʼamo alagi ohaneʼniye, huta lapa nepaune.

1 Yoni 1:7

Lagaemo hanipiʼmo umenitata osuta Gotiʼa aeno ha leʼniya yateʼmo neʼmaiya kava huta aeno ha leʼniya yateʼmo umenitata nehisunana agaeʼeʼmo afalu afalugana huta maiʼnonagenoʼaeʼmo agaemo lagaeʼeʼmo ani kava huno afalu afalugana huno neʼmaigeno Mafaʼneʼamo Yesu Kalaisi kolaʼamoʼmo muki hosu kavatimo aeno kalo paeno neʼatale.