Aiyeya 2:19 - The Keyagana NT and 25 OT books

¹⁹ Ala kava neʼmoʼa ha le konali yaʼaletiʼe lokiyaʼaletiʼeʼmo emineno he tino maiʼnenoʼaeʼmo mopaleʼmo lusi kava huno alino kanage kanage hisigeʼapaeʼmo aipamo leno apatesiya kavategatiʼmo apaune hetaleʼa uʼa ha le konali yaʼamo ageteʼapaeʼmo yafa kapiʼmo uʼa fala kige mopafiʼmo kelimo kafi maleʼneʼa uʼa haiʼa fala kige hugae.

Aiyeya 2:19 ပူးပေါင်းရင်းမြစ်များ

Samu 7:6

O Ala kava nene, huʼna, kaipamo leʼninageka he tiyo. Kame vayaʼnimogi apaipa leʼnigeʼa namagisayafeʼmo apayamukiki nehayanagi he tika naha mao. Fatago kavafeʼmo kahauʼniyanagi alika fako huka apato.

Aiyeya 2:10

Vayaʼmogitapae, huʼna, Ala kava neʼmoʼa ha le konali yaʼaʼe lokiyaʼaʼeʼmo afole aisigeta agetetapaeʼmo lusi kava huta koli hugayanagi lapaune hetaletapa uta yafa kapiʼmo fala kige mopafiʼmo kelimo kafi maleʼnetapa uta haitapa fala kige hiyo.

Aiyeya 2:21

Ala kava neʼmoʼa ha le konali yaʼaletiʼe lokiyaʼaletiʼeʼmo emineno he tino maiʼnenoʼaeʼmo mopaleʼmo lusi kava huno alino kanage kanage hisigeʼapaeʼmo aipamo leno apatesiya kavategatiʼmo apaune hetaleʼa uʼa ha le konali yaʼamo ageteʼapaeʼmo yafa kapiʼmo uʼa fala kige mopafiʼmo kelimo kafi maleʼneʼa uʼa haiʼa fala kige hugae.

Aiyeya 33:10

Ala kava neʼmoʼa hunoʼaeʼmo, Hemenimo he tiguve. Hemenimo ala nagiʼnimo aliguve. Hemenimo nagiʼnileʼmo aliʼna asaga huguve.

Maika 7:17

Apakaemo mopafiʼmo asagauʼa aiteʼa apaipagutegatiʼmo nagaloʼyavegana huʼa havaeʼa maigae. Apakaemo atete huʼa Ala kava neʼmo Gotitapimofeʼmo koli huteʼa fala kiʼa maiʼnayategatiʼmo ataleʼa egae.

Neyomi 3:11

Niniva vayane, huʼna, Lapakaeʼeʼmo naipamo leʼna lapateʼnova kavaʼmo kapufatiʼmo aniʼmo neteʼa negi nagi nehaya agufa vayaʼmo hamalegae. Lapaipa lapakesamoʼmo hosisigetapa kame vayatapilegatiʼmo ataletapa lapaune hegayaʼmonanafa afaʼa fala kita oʼmaigae.

Hagai 2:6

Ala kava neʼmo asole vayaʼaiteʼmo neʼyagaiya Gotitapimoʼmo hunoʼaeʼmo, Aise afinaʼmo utesigeʼna halate kokuʼnanagi ma mopagi solovala aninagi muki alu nofi vaya alu nofi vayanagi huʼna aiʼna hali hali hisugeʼa muki nofi vayaʼmogimo hapaʼye nehiya vekamo eno ani nopiʼmo maisigeno ani mono noʼnifiʼmo ha le konali yaʼnimo havaitegaiye, huʼna Gotiʼnamo asole vayaʼaiteʼmo neʼyagauva vekamoʼnamo ani gemo ago hu maleʼnove.

Luki 23:30

Ani afinaʼmo alopa aveeʼmo, aika nagupaeka emikeka lagufaleʼmo asagauka aigeta falino. Aise aveeʼmo, eka aeka lati kao, huʼa ha paigae.

2 Tesaloniyani 1:9

Apakaemo Ala kava neʼmo aulagaleʼmo oʼmaigayaʼmonanafa ha le konali himamuʼaʼe yategatiʼmo alino hapa faino apataletenoʼaeʼmo muki afinaʼmo alino apagoʼya lagauno apatalete apatalete hugiye.

Himulu 11:38

Ma mopafi vayaʼmogimo apakaeʼeʼmo magokepi alagi lokaeʼa maisaya agufa kava osuʼnae. Nata vayaʼmo maiʼneʼa kaʼme kotega umenitata huʼa maige avelegamo umenitata huʼa maige yafa kapiʼmo uʼa maige kelifiʼmo uʼa lamiʼa maige huʼnae.

Himulu 12:26

Gotiʼa akeyaʼvilagamo ge huʼnigenoʼaeʼmo imima aliʼnigeno ma mopamoʼmo kanage kanage huʼniyaʼmonanafa hemeni afinafeʼmo lapa maegauve, huno hu maleʼniya gemoʼmo hunoʼaeʼmo, halate mopaʼageʼmo aliʼna kanage kanage osugufa kokuʼnaʼeʼmo aliʼna kanage kanage huguve, huno hu maleʼniye.

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.

Leveleseni 11:19

Goti aote mono noʼamo kokuʼnapiʼmo haneʼniya noʼmo yakiʼnigeʼa ageʼnayana ani mono nopiʼmo kotalakemo yafateʼmo avoʼmo kae maleʼniya keʼaepa gemo kesifiʼmo haneʼnigeʼa ageʼnae. Hafosa lamiʼnigeno alino alave alave huteno hakalu hakalu huʼnigeno imimaʼmo aliʼnigeno lusi ko mopa koʼmo aiʼniye.

Leveleseni 16:18

Huno hutegeno hafosamoʼmo alino alave alave huʼnigeno alopa agemo aiteno hakalu hakalu huʼnigenoʼaeʼmo lusi imimaʼmo aliʼniye. Ani lusi imimaʼmo vayaʼmo ma mopafiʼmo maiʼnagenoʼaeʼmo neʼaliya agufa imimaʼmo oʼaliʼnifa aeno agaseʼniya agufa imimaʼmo aliʼniye.

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.

Leveleseni 9:6

Ani afinaʼmo vayaʼmogi apakaiʼapimo falisaya kaʼmo afaʼa kahauya huʼa oʼagegae. Falisayafeʼmo hapaugiyaʼmonanafa afaʼa ofaligae.

1 Samiyo 13:6

Isaleli vayaʼmogimo ageteʼapaeʼmo falisuna kavaʼmo afole aiʼniye, huʼa apakesamo afiʼnagenoʼaeʼmo apaipamoʼmo kana huʼniye. Inagi Isaleli vayaʼmo apaune heʼa uʼa kelifiʼmo fala kige kahaufilagamo uʼa fala kige yafakapiʼmo uʼa fala kige alopa yafaʼmo folagapiʼmo uʼa fala kige huʼnae.

1 Samiyo 14:11

Inagi anakaemo uʼana afole yateʼmo he tiʼana maiʼnaʼageʼapaeʼmo Filisatini ati vayaʼmogi huʼapaeʼmo, Anakeyo, huʼa, Himulu vayaʼmo yafa kapiʼmo fala kiʼa maiʼnayatetiʼmo emiʼae, huʼa huʼnae.