Aiyeya 2:12 - The Keyagana NT and 25 OT books

¹² Muki vayaʼaiteʼmo yagaino neʼapateya Ala kava neʼmo afinaʼmo afole aisigeʼapaeʼmo muki vayaʼmogimo apakaiʼapi apakiʼapileʼmo aliʼa asaga nehaya vayanagi ala agi kavanagi ala apaki vayanagi ala agimo haneʼniya yanagi huno alino afepiʼmo apategaiye.

Aiyeya 2:12 ပူးပေါင်းရင်းမြစ်များ

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 18:28

Kagaemo lamuʼnifiʼmo kani aeka kaeka natesanageʼna ageʼna alagepa huʼna agegauve. Hanipiʼmo maiʼnogenoʼaeʼmo Ala kava neʼmo Gotiʼnimoʼmo aeno ha leno nateʼniye.

Samu 37:13

Ala kava neʼmoʼa alino apagoʼya lagauno apatalesiya afinafeʼmo afaʼa apakeno maiʼniyaʼmofeʼmo apakaefeʼmo kigi huno neʼapate.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Aiyeya 40:23

Agaemo yagaiʼnaya vayaʼmo alino afepiʼmo apateʼnigeʼa afa vayaʼmo maiʼnae. Agaemo agoti gemo neʼafiya vayaʼmo alino afa vayaʼmo hamaleno neʼapate.

Aiyeya 42:15

Nagaemo avemo aliʼna hosu huʼna ataleteʼna kahauʼe yosaʼeʼmo aliʼna falu teʼna ategauve. Nagaemo alopa aniʼe ani kotuʼeʼmo alagi aliʼna laneʼna atalegauve.

Aiyeya 5:15

Mukiʼamogi afepilagamo uʼa lamigae. Ala kava neʼmoʼa muki vayaʼmo alino afepiʼmo apategaiye. Apakaiʼapimo aliʼa asaga huʼa neʼapataya vayaʼmo alino afepiʼmo apategaiye.

Aiyeya 61:2

Ala kava neʼmoʼa fiku hapa maeno apamisiya afinaʼmo afole aiʼniye, huʼna hapa paige Gotiʼa hosu kavaʼapimo anonaʼapilefeʼmo kayoʼmo apamisiya afinaʼmo afole aiʼniye, huʼna hapa paige yulagefa neʼaiya vayaʼmo apaipamo aliʼna falu huʼna apatege hisuvafeʼmo alino nateʼnigeʼna eʼnove.

Neniyo 4:37

Hemenimo nagaemo Nepukanesaʼnamo kokuʼnapi kini vekaeʼmo aliʼna auleʼna atege agiʼaleʼmo aliʼna asaga huge ala agiʼamo amige nehuve. Muki afinaʼmo agaemo lama ge kavaʼmo huge fatago kavaʼmo huno alino fako huge nehiye. Vayaʼmogimo apakaiʼapi apakiʼapileʼmo aliʼa asaga hugefeʼmo hisaya vayaʼmo afaʼa alino afepi apategaiye, huno huʼniye.

Maika 2:3

Ani agufa kavaʼmo nehayaʼmofeʼmo Ala kava neʼmoʼa hunoʼaeʼmo, Afiyo, huno, nagaemo alopa hanageke yaʼmo lapamisuvafeʼmo nagesamo neʼafuvanagetapa lapakaemo afaʼa lapaune heta uta alagepa hutapa oʼmaigae. Inagi alagi lusi hosu afinaʼmo lapakaeteʼmo afole aisigetapa himuʼnamu hutapa umenitata osugae.

Maika 5:11

Nagaemo muki taoniʼatapimo aliʼna hosu huʼna ataleteʼna lokiya kegiʼyaʼe lokiya notapiʼeʼmo heʼna halagape vaiʼna atalegauve.

Sefanaiya 1:16

Ani afinaʼmo pikulimoʼmo age neʼaisigeʼapaeʼmo taonifiʼmo maiʼnaya ati vayaʼmogimo koli huteʼa alopa gefatiʼmo ge hugae. Lokiya yafa kegiʼyamo haneʼniya taonifiʼmo kame huge kame nehaya yatala noʼmo heʼa halagape vaisayafeʼmo kame huge hugae.

Sefanaiya 3:11

Ani afinaʼmo nagaemo lapakaepatiʼmo apakaiʼapieʼmo apamogaga aiteʼa himuʼnamu nehaya vayaʼmo aliʼna hapa faiʼna apatalesugetapaeʼmo geʼnimo amagitapa ataleʼnaya kavatapieʼmo magoʼe huno lapavagage osugiye. Lapakaemo naote avefiʼmo magoʼe hutapa himuʼnamu kavaʼmo osugayaʼmofeʼmae.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Malakai 4:5

Afiyo, huʼna, Ala kava neʼmoʼna afinaʼnimo afole aisigeʼapaeʼmo lusi kava huʼa koli hugae. Nagaemo hogoteʼna Ilaiyaʼmo nagaetegati gemo alinineno aeno hakalo huno hapa nepaiya vekamo aliʼna atesugeno eno hogotegaiye.

Luki 14:11

Muki vayaʼmogimo apakaiʼapi apakiʼapileʼmo aliʼa asaga nehisayaʼmoʼmo Gotiʼa apakiʼapileʼmo alino afepi apategaiye. Mago vayaʼmogimo apakaiʼapi apakiʼapileʼmo aliʼa afepi neʼatesayaʼmoʼmo Gotiʼa apakiʼapileʼmo alino asaga huno apategaiye, huno hapa paiʼniye.

1 Tesaloniyani 5:2

Ago afiʼnayana kava noʼyagaiya haniʼilagamo kumaya vayaʼmo neʼaya kava huno Ala kava neʼmo afinaʼmo afole aigiye.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.