Aiyeya 2:11 - The Keyagana NT and 25 OT books

¹¹ Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 2:11 ပူးပေါင်းရင်းမြစ်များ

Samu 18:27

Kagaemo yagu yaga vayaʼmo apakufamo alika katika apateganaʼmonanafa himuʼnamu kavaʼmo nehaya vayaʼmo alika afepiʼmo apategane.

Samu 18:28

Kagaemo lamuʼnifiʼmo kani aeka kaeka natesanageʼna ageʼna alagepa huʼna agegauve. Hanipiʼmo maiʼnogenoʼaeʼmo Ala kava neʼmo Gotiʼnimoʼmo aeno ha leno nateʼniye.

Samu 20:8

Apakaemo asagauʼa aiteʼa alagi afela heʼnayaʼmonanafa lagaemo he tita lokiya vaita maiʼnone.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 46:11

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo afaʼa uta fala kita neʼmauna kotigana huno maiʼniye.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Mai'naya kavane 30:13

Mago nofi vayaʼmogimo apakaiʼapimo apakesamo afiʼapaeʼmo alagepa vayaʼmo maiʼneta alu vayaʼmo ago aeta apaka seta maiʼnone, huʼa apakesamo neʼafiye.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 12:4

Kagaemo ani afinaʼmo ina gemo hugane. Ala kava neʼmo agiʼaleʼmo alita asaga hiyo. Agaefeʼmo agimo aeta keya aeyo. Muki nofi vayaʼaifeʼmo alopa aliʼyaʼmo neʼaliya kavafeʼmo aeta hakalo hiyo. Ala agiʼamo aliʼniye, hutapa hiyo.

Aiyeya 2:17

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 26:1

Alopa alagepa afinaʼmo afole aisigeʼapaeʼmo Yuta mopaleʼmo maiʼnaya vayaʼmogimo mani yokemo hugae. Hugayana lagae taonimo lokiya taonimae. Gotiʼa alagepa huno laha maesigeno Gotikeʼmo lagae lokiya yafa kegiʼyatimo maigiye.

Aiyeya 4:1

Ani afinaʼmo seveniʼa aʼne anagamogimo mago vekamo atafauteʼapaeʼmo ina ge huʼa ha paigae. Lagaemo neʼyatileʼe kukena yatileʼeʼmo lagaitimo afaʼa yagaita lategaunaʼmonanafa anautimogimo oʼmaiʼnageno lavagage nehiyaʼmofeʼmo anautimogagana huka maiyo, huʼa ha paigae.

Aiyeya 40:23

Agaemo yagaiʼnaya vayaʼmo alino afepiʼmo apateʼnigeʼa afa vayaʼmo maiʼnae. Agaemo agoti gemo neʼafiya vayaʼmo alino afa vayaʼmo hamaleno neʼapate.

Aiyeya 52:6

Ani kavaʼmo nehayaʼmofeʼmo vayaʼnimogimo nagiʼnimo alagepa huʼa afigae. Inagi afole aisiya afinaʼmo apakaemo nageʼa aeto hugae. Nagaemo, nageyo, huʼna, nagaiʼnigeʼmo maiʼnove, huʼna hisugeʼa huʼapaeʼmo, ge nehiya vekamo agaiʼageʼmo maiʼniye, huʼa nagegae.

Neniyo 4:34

Seveniʼa kafugamo hano huʼnigeʼnaeʼmo nagaemo Nepukanesaʼnamo kokuʼnapi aliʼna aulu heʼna neʼagogenoʼaeʼmo alagepa nagesa afi yaʼmo halate afole aiʼnigeʼna aeno apakaseno alagi anaga Goti aliʼna auleʼna ateʼnove. Nagaemo muki afinaʼmo maige maige huno neʼmaiya Goti ala agiʼamo amiʼnove. Yagaino neʼapateyanageno muki afinaʼmo yagaino hano osuno yagaino apatelino ugiye. Afole aime aime hisaya vayaʼaiteʼmo yagaino apategaiye.

Omataiya 1:8

Ala kava neʼmoʼa hunoʼaeʼmo, Ani afinaʼmo nagaemo Inomi vayapatiʼmo afiteʼa ageʼnaya vayatapimo aliʼna hano huʼna apataleteʼna muki lapakaemo afitetapa ageʼnaya kavatapimo aliʼna atalegauve.

Maika 2:3

Ani agufa kavaʼmo nehayaʼmofeʼmo Ala kava neʼmoʼa hunoʼaeʼmo, Afiyo, huno, nagaemo alopa hanageke yaʼmo lapamisuvafeʼmo nagesamo neʼafuvanagetapa lapakaemo afaʼa lapaune heta uta alagepa hutapa oʼmaigae. Inagi alagi lusi hosu afinaʼmo lapakaeteʼmo afole aisigetapa himuʼnamu hutapa umenitata osugae.

Maika 4:6

Ala kava neʼmoʼa hunoʼaeʼmo, Ani afinaʼmo nagaemo alagepa huʼa umenitata nosaya vayanagi hapafaiʼna apataleʼnova vayanagi kana yaʼmo aliʼna apamiʼnova vayanagi huʼna aliʼna anupa huʼna apategauve.

Maika 5:10

Ala kava neʼmoʼa Isaleli vayaʼaifeʼmo ina gemo huno hapa paigiye. Ani afinaʼmo nagaemo hositapimo aliʼna hano huʼna apatalege kame hisaya talalatapimo aliʼna hano huʼna atalege huguve.

Sefanaiya 3:11

Ani afinaʼmo nagaemo lapakaepatiʼmo apakaiʼapieʼmo apamogaga aiteʼa himuʼnamu nehaya vayaʼmo aliʼna hapa faiʼna apatalesugetapaeʼmo geʼnimo amagitapa ataleʼnaya kavatapieʼmo magoʼe huno lapavagage osugiye. Lapakaemo naote avefiʼmo magoʼe hutapa himuʼnamu kavaʼmo osugayaʼmofeʼmae.

Sefanaiya 3:16

Ani afinaʼmo afole aisigeʼapaeʼmo Yulusalemu vayaʼaifeʼmo huʼapaeʼmo, Saiyoni vayane, huʼa, koli osiyo. Lapayaʼmoʼmo alagaʼmo nehaesigetapaeʼmo alita lokiya vaitapa ateyo, huʼa hapa paigae.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Luki 18:14

Lapa nepauve, huno, Gotiʼa takesi moni neʼaliya vekaeʼmo hunoʼaeʼmo, naulagaleʼmo fatago vekamo maiʼnane, huno ha paiʼnigeno noʼalegamo fatago vekamo uno maiʼniyaʼmonanafa alu vekamo mago yaʼmo oʼalino afaʼa uʼniye. Gotiʼa muki vayaʼmogimo apakaiʼapi apakiʼapileʼmo aliʼa asaga huʼa neʼatesaya vayaʼai apakiʼapileʼmo alino afepi apategaiyaʼmonanafa Gotiʼa apakaiʼapi apakiʼapileʼmo aliʼa afepi neʼatesaya vayaʼai apakiʼapileʼmo alino asaga huno apategaiye, huno hapa paiʼniye.

2 Kolitiyani 10:17

Mago vekamoʼmo amogaga aisiyafeʼmo hauʼnisiyana Ala kava nefekeʼmo amogaga aino, huno huʼniye.

2 Kolitiyani 10:5

Lagaemo muki kame vayaʼmogi yatala noʼapimo heta vayu hulita emiteta afepi neʼatona agufa kavaʼmo huta vayaʼmogi himuʼnamu apakesamo neʼafiya kavaʼmo Gotifeʼmo kame huʼa ateteʼa geʼamo amagiʼa neʼatalaya kavatefeʼmo nofi kita neʼapatone. Lagaemo muki apakesamo neʼafiya kavaʼamo alita nofi kita apateteta Kalaisiʼmo akame hisaya kavategamo apavalelituta neʼapatone.

2 Tesaloniyani 1:10

Ani afinaʼmo apaote vayaʼamo alino alagepa huno apatesigeʼapaeʼmo agiʼaleʼmo aliʼa asaga huʼa ategae. Muki vayaʼmo apakesamo afiʼa fatago nehaya vayaʼmogimo agaemo ageteʼapaeʼmo hapau aiteʼa apamogaga aigae. Lapakaemo lapa paiʼnona geeʼmo lapakesamo afita fatago huʼnayaʼmofeʼmo apakaeʼeʼmo magokepi lokaeta maigae.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.