Aiyeya 12:6 - The Keyagana NT and 25 OT books

⁶ Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 12:6 ပူးပေါင်းရင်းမြစ်များ

Samu 135:21

Saiyonitegamo maiʼnetapa Ala kava nefeʼmo alitapa auleta ateyo. Agaemo Yulusalemo taonifiʼmo maiʼniye. Ala kava neʼmo agiʼaleʼmo alitapa asaga hiyo.

Samu 46:5

Gotiʼa ani taonifiʼmo maiʼniyanageno ani taonimo afaʼa hanegaiye. Gotiʼa kotilamisiyapiʼmo eno taonifiʼmo maiʼnisaya vayaʼmo hapa maegaiye.

Samu 68:16

O alopa avemogae, huʼna, Na kava higekaeʼmo Gotiʼa maisiyafeʼmo lekana pai maleʼniya avemo agetekaeʼmo kaipa kafamo haeʼnane. Ala kava neʼmoʼa Saiyoni aveleʼmo maisiyafeʼmo hauʼniye. Ani aveleʼmo muki afinaʼaeʼmo maige maige huno maigiye.

Samu 89:18

Ala kava neʼmo halegutigana huno maiʼniye. Isaleliʼa aote vekamo kini vekatimo maiʼniye.

Samu 9:11

Ala kava neʼmoʼa Saiyoni taonifiʼmo maiʼniya vekaeʼmo yokemo hutapa agiʼaleʼmo alita asaga hiyo. Muki nofi vayaʼaifeʼmo huʼniya kavafeʼmo ava gemo huta hapa paiyo.

Samu 99:2

Ala kava neʼmoʼa Saiyoni taonifiʼmo alagi ala vekamo maiʼniye. Agaemo muki nofi vayaʼmo aeno apakaseno maiʼniye.

Aiyeya 1:24

Nehayaʼmofeʼmo Yulusalemu vayane, huno, Ala kava neʼmoʼa muki vayaʼaiteʼmo yagaino neʼapateya vekamo Isaleli vayaʼmogi lokiyaʼaʼe Gotiʼapimoʼmo ina ge huno huʼniye. Nagaetegamo kame hisaya vayaʼmo hapa faiʼna apatalegauve. Kame vayaʼnimo anonaʼapilefeʼmo kayoʼmo apamiguve.

Aiyeya 33:21

Ani taonifiʼmo Ala kava neʼmoʼa laha maesiyafeʼmo lokiya kavaʼmo hugiye. Lagaemo asole alopa aniʼe aise aniʼeʼmo haneʼniya koteʼmo maigunaʼmonanafa kame nehaya sipiʼe alopa sipiʼeʼmo afaʼa oʼmegae.

Aiyeya 33:24

Saiyoni taonifi maiʼnaya vayaʼmogimo huʼapaeʼmo, kaitaʼmo nahauʼniye, huʼa osugae. Ala kava neʼmoʼa taonifiʼmo maiʼnaya vayaʼai hosu kavaʼapimo alino atalegaiye.

Aiyeya 40:9

O Saiyoniyo, huʼna, Alagepa faigoko gemo alinika neʼana vekae, huʼna, yatala avefiʼmo uka haiyo. O Yulusalemuo, huʼna, Alagepa faigoko gemo alinika eʼnana vekae, huʼna, Kagaemo alopa gefatiʼmo alagepa faigoko gemo aeka hakalo huvo. Koli osuka Yuta kote taoniʼafi taoniʼafiʼmo maiʼnaya vayaʼaifeʼmo ina gemo hukaeʼmo, Ageyo, Lapakaemo Gotitapiʼmoʼmo ageyo, huka huvo.

Aiyeya 49:26

Nagaemo kana yaʼmo nelapamiya vayaʼmo vayaʼapimogimo apakufamo nesayafeʼmo apavaleʼna apamiguve. Apakaemo apakaiʼapi vayaʼapiʼeʼmo kamemo huteʼa apakaiʼapi kolaʼmo neteʼa negi nagi huʼa maigae. Muki ma mopafi vayaʼmogimo ani nagaemo hisuva kavaʼmo ageteʼapaeʼmo Ala kava neʼmoʼa apakufamo alino katino neʼapateya vekamoʼmo miya faino hatu maeno apateʼniya vekamo maiʼniye. Agaemo Yekopu alagi lokiya vekaʼamo maiʼniye, huʼa hugae.

Aiyeya 54:1

Ala kava neʼmoʼa ina ge huno huʼniye. Anamo a kanomo kagafu kiʼnigeka mafaʼnemo alika oʼateʼnana a kanomogamo yokemo huvo. Anauʼamoʼmo ataleʼniya akana huka maiʼnanaʼmonanafa veleʼmo maiʼniya a kanomo ago aeka agaseka asole mafaʼnemo alika apateʼnanaʼmofeʼmo alopa gefatiʼmo yokemo huvo.

Aiyeya 60:16

Itaʼapimogimo nute mafaʼneʼapimo nuʼmo neʼapamiya kava huʼa alu nofi vaya alu nofi vayaʼe kini vayaʼmogiʼeʼmo alagepa huʼa yagaiʼa lapategae. Lapakaemo Ala kava neʼmo nagegayana lagufamo alino katino nelateya vekamo maiʼniye. Isaleli nofi vayaʼmogita lokiya vekatimoʼmo miya faino hatu maeno lateʼniya vekamo maiʼniye.

Sefanaiya 2:5

Vaehae, huʼna, Lapakaemo Filisitiya vayaʼmo lapakitapimo Keleti vayaʼmo solovala anitegamo maiʼnaya vayane, huʼna, ehetapiye, hosu yaʼmo aligae. Ala kava neʼmoʼa lapakaefeʼmo gemo ago hu maleʼniye. Agaemo ina ge huno lapa nepaiye. Filisitiya vayaʼmo Kenani koteʼmo maiʼnaya vayaʼenagi, huʼna, aliʼna hosu huʼna lapatalesugeno magoke vekamo alagi oʼmaigiye.

Napa 23:21

Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.