Aiyeya 12:4 - The Keyagana NT and 25 OT books

⁴ Kagaemo ani afinaʼmo ina gemo hugane. Ala kava neʼmo agiʼaleʼmo alita asaga hiyo. Agaefeʼmo agimo aeta keya aeyo. Muki nofi vayaʼaifeʼmo alopa aliʼyaʼmo neʼaliya kavafeʼmo aeta hakalo hiyo. Ala agiʼamo aliʼniye, hutapa hiyo.

Aiyeya 12:4 ပူးပေါင်းရင်းမြစ်များ

Samu 105:1

Ala kava nefekeʼmo hao ke heyo. Agaefekeʼmo ge hiyo. Huʼniya kavafeʼmo ava gemo afisayafeʼmo muki alu nofi vaya alu nofi vayaʼaifeʼmo aeta hakalo huta hapa paiyo.

Samu 107:22

Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.

Samu 113:5

Ina laʼmo Ala kava neʼmo Gotitimogana huno maiʼniye. Agaemo alagi muga anagamo neʼmaiye.

Samu 18:46

Ala kava neʼmo afaʼageʼmo maiʼniye. Nagufamo alino katino neʼnateya Goti agiʼaleʼmo alita asaga higetao.

Samu 21:13

O Ala kava nene, huʼna, Kagaemo lokiyakaletiʼmo ala kagi aliyo. Lagaemo yokemo nehutaeʼmo kagikaleʼmo alita asaga hugune.

Samu 34:3

Nagaegiʼeʼmo magokepi hutaeʼmo, Ala kava neʼmo ala agi vekamo maiʼniye, huta higetao. Agiʼaleʼmo magokepi alita asaga higetao.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 57:5

O Gotiyo, huʼna, vayaʼmogimo kagikaleʼmo aliʼa asaga hisageno alagi anagagemo uno haino. Ma mopafi muki haopalegamo ha le konali yakamoʼa aino atagu faino.

Samu 68:5

Gotiʼa agaiʼa aote mono nopiʼmo maiʼnenoʼaeʼmo megusa mafaʼnemo Gotiʼapimo maige kogu aʼneʼaiteʼmo yagaino apatege huno maiʼniye.

Samu 73:28

kahaopaleʼmo uʼna maisuva kavaʼmo kanale kavane. Nagaemo muki nehana kavafeʼmo ava gemo aeʼna hakalo huʼna hapa paisuvafeʼmo Ala kava neʼmo Gotiʼnimofeʼmo aliʼna amufa amiʼnove.

Samu 9:11

Ala kava neʼmoʼa Saiyoni taonifiʼmo maiʼniya vekaeʼmo yokemo hutapa agiʼaleʼmo alita asaga hiyo. Muki nofi vayaʼaifeʼmo huʼniya kavafeʼmo ava gemo huta hapa paiyo.

Samu 96:3

Ala agiʼamo amitetapaeʼmo aliʼyaʼmo aliʼniya kavaʼaenagi lokiya kavaʼmo huʼniya kavaʼaenagi huta muki vayaʼaifeʼmo ava gemo huta hapa paiyo.

Samu 97:9

O Ala kava nene, huʼna, kagaemo muki lokiyakamo haneʼniya Gotigamo muki haopalega ma mopafiʼmo neʼyagaine. Kagaemo muki gotigimo aeka apaka seʼnane.

Hatu maeno apate'niya gemae 15:2

Himamuʼnimo Ala kava neʼmae. Agaefekeʼmo yokemo huguve. Agaemo nagufamo alino katino nateʼniye. Agaemo Gotiʼnimoʼmo maiʼniyanageʼna ala agimo amiguve. Agaemo afoʼnimogi Gotiʼapimoʼmo maiʼniyanageʼna agiʼaleʼmo aliʼna asaga huguve.

Hatu maeno apate'niya gemae 33:19

Ala kava neʼmoʼa Mosesefeʼmo ha painoʼaeʼmo, Nagaemo nahau nayamopafiʼmo neʼnahaiya alagepa kavaʼnimo aliʼna atesugeno visigeka agegane. Nagaemo nagiʼnimo Ala kava neʼmo maiʼnove, huʼna kaha paisugeka afigane. Ina lagifeʼmo fikumo hapa maeʼna apamiguve, huʼna huʼnisufigeʼna fikumo hapa maeʼna apamiguve. Ina lagifeʼmo nahau nayamopafiʼmo nahauʼnisifi apakaefeʼmo afaʼa nahau nayamopafiʼmo nahaugiye.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 2:17

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 25:1

O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.

Aiyeya 33:5

Ala kava neʼmo anaga koʼaleʼmo maiʼniyaʼmofeʼmo ala agiʼamo amigae. Agaemo lusi kava huno alagepa fatago kavaʼmo huʼnigeʼa Saiyoni taonifi maiʼnaya vayaʼmogi alagepa huʼa aliʼa fako huge fatago kavaʼmo huge nehayaʼmofeʼmo ani agufa kavaʼmo taonifiʼmo havaitegaiye.

Aiyeya 42:12

Apategeʼapao afagi kotega maiʼnaya vayaʼmogimo hale konali agiʼamo amige ala agiʼaleʼmo aliʼa asaga huʼa atege hiyo.

Aiyeya 66:19

Nagaemo lokiyaʼnimo agesayafeʼmo apakae folagapiʼmo mago alagena kavakana huno maiʼniya vekamo aliʼna afole aiʼna ategauve. Ani vayapatiʼmo mago vayaʼmo aliʼna hano huʼna oʼapataleʼna afagi kotega maiʼnaya vayategamo faiʼa kasalo paeʼnaya vayaʼmo aliʼna apatesugeʼa uʼa ala nagiʼnimo oʼafige ha le konali yaʼnimo oʼagege huʼnaya vayaʼaitegamo ugae. Nagaemo Sapeni kotegagi Lipiya kotegagi Litiya kotegagi atimo nehaya kavaʼmo ageʼnaya vayaʼaitegagi Tuma vayaʼaitegagi Galiki vayaʼaitegagi mago afagi kotegagi huʼna aliʼna apatesugeʼa uʼa malaga vayaʼaifeʼmo ha le konali kavaʼnieʼmo ava gemo aeʼa hakalo hugae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.