Aiyeya 1:8 - The Keyagana NT and 25 OT books

⁸ Nofi hoyafiʼmo hiyato noʼmo haneʼniya kava huʼa Yulusalemu taonifi vayaʼmo maiʼnae. Kono hoyafiʼmo aigofe noʼmo nekiya noʼmo haneʼniya kava huʼa Yulusalemu taonifi vayaʼmo maiʼnae. Apakaemo kame vayaʼmogimo eʼa faiʼa vego huʼnaya taonigana huʼa maiʼnae.

Aiyeya 1:8 ပူးပေါင်းရင်းမြစ်များ

Samu 9:14

Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Aiyeya 1:7

Kame vayatapimogimo eʼa kotapimo aliʼa hosu huʼa ataleteʼa taonitapimo ata kaegae. Lapakaemo apaketapa maiʼnisageʼapaeʼmo muki hoyatapifatiʼmo neʼyaʼmo aligae. Alu kotega vayaʼmogimo eʼa kotapileʼmo haneʼniya yaʼmo aliʼa hosu huʼa ataleʼnageno mopatapimo afaʼa haneʼniye.

Aiyeya 1:9

Aiyeyaʼa hunoʼaeʼmo, Ala kava neʼmoʼa asole vayaʼaiteʼmo yagaino apateʼniya Gotiʼa aise aise huno logufaʼa vayaʼmo olateʼniyesinana Satomi taonifi maiʼnaya vayakana huta maige Gomola taonifi maiʼnaya vayakana huta maige huʼnonesine, huno huʼniye.

Aiyeya 4:4

Ala kava neʼmoʼa Saiyoni aʼne anagaʼmogi oʼaniʼya faiʼniya hosu kavaʼapimo sese huno ataleteno Aunemeʼaletiʼmo Yulusalemu vayaʼmogi vayaʼmo kamitimo apamagiʼnageno kolaʼmo aino lakiʼniya hosu kavaʼapilefeʼmo agoti huno apateteno hosu kavaʼapimo atafiʼmo kaeno atalegaiye.

Aiyeya 49:21

Ani gemo hisagekaeʼmo kaipafiʼmo hukaeʼmo, Mafaʼne anagaʼnimo afela heʼnayanageʼna magoʼe huʼna afaʼa aliʼna oʼapategauve. Kame vayaʼmogimo kalavusi huʼa nateteʼa navaleliʼa uʼnae. Ina laʼmo nagaetefeʼmo ani mafaʼne anagaʼmo alino apateʼniye. Nagaiʼnimo magokeʼageʼmo maiʼnovaʼmonanafa ani mafaʼne anagaʼmo haiya haopalegatiʼmo eʼnae, huka hugane.

Aiyeya 62:11

Inagi Ala kava neʼmoʼa muki ma mopafiʼmo maiʼnaya vayaʼaifeʼmo ina gemo huno hapa paiʼniye. Lapakaemo Saiyoni taonifiʼmo maiʼnaya vayaʼaifeʼmo, Lama gemo nehune, hutapa lapakufamo alino katino lapatesiya vekamo egaiye. Afiyo, hutapa, Agaemo aliʼyaʼalefeʼmo miyaʼmo alinino egaiye. Alisiya aliʼyaʼamo aulagaleʼmo haneʼniye, hutapa ha paiyo.

Yoni 12:15

Saiyoni taonifiʼmo maiʼnaya vayaʼmogitapamo koli osiyo. Ageyo, ala vekatapimo yagaino nelapateya kini vekatapimo aikeli noki afuleʼmo fai maiteno neʼe, huno huʼniye.