Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 1:7 - The Keyagana NT and 25 OT books

7 Kame vayatapimogimo eʼa kotapimo aliʼa hosu huʼa ataleteʼa taonitapimo ata kaegae. Lapakaemo apaketapa maiʼnisageʼapaeʼmo muki hoyatapifatiʼmo neʼyaʼmo aligae. Alu kotega vayaʼmogimo eʼa kotapileʼmo haneʼniya yaʼmo aliʼa hosu huʼa ataleʼnageno mopatapimo afaʼa haneʼniye.

အခန်းကိုကြည့်ပါ။ ကော်ပီ




Aiyeya 1:7
37 ပူးပေါင်းရင်းမြစ်များ  

Vayaʼmogimo hosu kavaʼmo huʼnayaʼmofeʼmo asole neʼyaʼmo neʼaeya mopaʼapimo alino hosu mopamo hamaleno neʼate.


Kame vayaʼapimogi kana aliʼa apamige hanageke yaʼmo apamige hisagenoʼaeʼmo apaipamoʼmo kana hisigeʼa alagepa huʼa oʼmaisaya afinaʼmo Ala kava neʼmoʼa hapa maegaiye.


Nofi hoyafiʼmo hiyato noʼmo haneʼniya kava huʼa Yulusalemu taonifi vayaʼmo maiʼnae. Kono hoyafiʼmo aigofe noʼmo nekiya noʼmo haneʼniya kava huʼa Yulusalemu taonifi vayaʼmo maiʼnae. Apakaemo kame vayaʼmogimo eʼa faiʼa vego huʼnaya taonigana huʼa maiʼnae.


Mafaʼne anagakamo eʼa kilipaesageno noʼatufa kaʼme koteʼmo aliʼa hosu huʼa ateʼnaya mopakamoʼmo kanale huno oʼapategaiye. Mopamo aliʼa hosu huʼa ateʼnaya vayaʼmogi mopakaleʼmo afaʼa oʼmaiʼa afagitegamo maigae.


Ani afinaʼmo aikeli sipisipi anagaʼmogi koʼaletiʼmo kahaumo negae. Alu kotega vayaʼmo eʼa kagemiyaʼapiʼe vayaʼmogi mopamo aliʼa hosu huʼa atalegae.


Nagaemo afiʼnogeno Ala kava neʼmoʼa asole vayaʼaiteʼmo yagaino neʼapateya vekamoʼmo ina ge huno huʼniye, Lama gemo huʼnaeʼmo, Asole noʼmo afaʼa hanesigeʼa vayaʼmo oʼmaigae. Alopa nonagi kanale nonagi huno afaʼa hanegaiye.


Inagi nagaemo ge huʼna afiʼnaeʼmo, Ala kava nene, huʼna, Nagaemo ani aliʼyaʼmo alime uʼna hainu afinaʼmo atalegauve, huʼna ge huʼna afi geʼnogenoʼaeʼmo geʼnileʼmo ina ge huno aeno atagaina hunoʼaeʼmo, Kagaemo aliʼyakamo alime alime neʼugeʼao muki taoniʼamo heʼa halagape vaisageno noʼageʼmo afaʼa hanesigeʼa vayaʼmo oʼmaige muki mopaʼamo hosuge huno hanegaiye.


Yulusalemuo, huʼna, kagaefeʼmo apaini huteʼa kataleʼa uʼnayaʼmofeʼmo vayaʼmo kakaleʼmo uʼeʼa osuʼnae. Osuʼnayaʼmonanafa nagaemo hanege hanege huno hanesiya kanale hogote taonimo aliʼna hamaleʼna katesugeʼa muki kafugaʼae kafugaʼaeʼmo vayaʼmogimo kagaefeʼmo apamogaga aigae.


Ala kava neʼmoʼa agoʼyamo ataleno lokiya lamaga ayatetiʼmo polomasi gemo hunoʼaeʼmo, Nagaemo magoʼe huʼna neʼyatapimo aliʼna kame vayatapimo oʼapamiguve. Nagaemo magoʼe huʼna alu kotega vayaʼmo afaʼa apatesugeʼa eʼa aliʼyatapimo aliteʼa alo hu maleʼnaya nofi alagafati aniʼmo aliʼa oʼnegae.


Muki kaote taonimoʼmo yahao kokana huno haneʼnigeno Saiyoni taonimoʼmo kaʼme kokana huno haneʼnigeno Yulusalemu taonimo alagi hosuʼnigeʼa vayaʼmo oʼmaiʼnae.


Nagaemo muki taoniʼatapimo aliʼna hosu huʼna ataleteʼna lokiya kegiʼyaʼe lokiya notapiʼeʼmo heʼna halagape vaiʼna atalegauve.


Nehayaʼmofeʼmo hemenimo nagaemo hosu kavatapieʼmo nagesamo afiteʼnaeʼmo aepa faiʼna kayoʼmo lapamisugeno kagemiyatapimo alagi ohanesigetapa afaʼa maigae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ