Aiyeya 1:4 - The Keyagana NT and 25 OT books

⁴ Apakaemo hosu kavaʼmo nehaya nofi vayane. Apakaemo hosu kavaʼapilefeʼmo alopa vaiʼmo aliʼnae. Hosu kavaʼmo nehaya mafaʼne anagaʼmo maiʼnae. Aliʼa hosu huʼa neʼapataya mafaʼne anagaʼmo maiʼnae. Apakaemo Ala kava neʼmo ataleʼa uʼnae. Apakaemo Isaleli vayaʼai Aote Vekamoʼmo aipamo leno apatesiya agufa kavaʼmo huʼnae. Geʼamo amagiʼa ataleteʼa aiʼa atagineʼa hosu kavategamo uʼnae.

Aiyeya 1:4 ပူးပေါင်းရင်းမြစ်များ

Aepa Gemae 13:13

Sotomi taonifiʼmo maiʼnaya vayaʼmo alagi hosu vayaʼmogeʼa Ala kava netegamo lusi hosu kavaʼmo huʼnae.

Samu 58:3

Hosu vayaʼmogimo itaʼapimogi aliʼa apateʼnaya afinatetiʼmo alagepa kaʼmo ago ataleʼa hosu katekeʼmo neʼvae. Apakaemo itaʼapimogi aliʼa apateʼnaya afinatetiʼmo hosu kavakeʼmo huteʼa aigofe gemo nehae.

Samu 78:40

Muki afinaʼmo kaʼme kotegamo maiʼneʼapaeʼmo geʼamo ago amagiʼa ataleʼnagenoʼaeʼmo lusu kava huno aipamoʼmo kana huʼniye.

Samu 78:41

Apakaemo muki afinaʼmo Gotiʼmo amalageka huge Isaleli vayaʼai aote Gotiʼapimo kaʼaleʼmo ka akanige huʼa maiʼnae.

Samu 78:57

Afoʼapimogi himuʼnamu kavaʼmo huteʼa ataleʼnaya kava huʼa maiʼneʼa kayagiʼniya kevemo hetalageno kahaufilagamo neʼviya kava huʼa ataleʼa hosu kateʼmo uʼnae.

Samu 78:8

Apakinago vayaʼmogimo himuʼnamu kavaʼmo huteʼa geʼamo oʼafige Gotifeʼmo apakesamo afiʼa fatago osuge huteʼa ataleʼa uʼnae. Fiku yanageʼa apakaeʼeʼmo ani agufa kavaʼmo hugae.

Samu 89:18

Ala kava neʼmo halegutigana huno maiʼniye. Isaleliʼa aote vekamo kini vekatimo maiʼniye.

Hatu maeno apate'niya gemae 32:7

Ala kava neʼmoʼa Mosesefeʼmo ha painoʼaeʼmo, Malage huka uka lamiyo. Kagaemo Isipi kotegatiʼmo apavalelika eʼnana vayakamogimo apakaiʼapimo aliʼa hosu huʼa neʼapatae.

Aiyeya 1:23

Neʼyagaiya vayakamogimo gemo noʼafiya vayane. Apakaemo kumayaʼmo neʼaliya vayaʼeʼmo magokepi lokaeʼa neʼmaiye. Muki neʼyagaiya vayaʼmogimo kutulu yaʼmo hisaya monieʼmo hapauʼniye. Monimo fiku alisayafeʼmo vegala neʼae. Apakaemo megusa mafaʼne anagaʼmo hapa noʼmae. Kogu aʼne anagaʼmogi geʼapimo alagepa huʼa oʼafiʼa aliʼa kanale huʼa noʼapatae.

Aiyeya 1:28

Ani afinaʼmo Goti geʼamo amagiʼa neʼatalaya vayaʼe hosu kavaʼmo nehaya vayaʼeʼmo alagi alino hano huno apatalegaiye.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 5:19

Apakaemo ina gemo huʼapaeʼmo, Ategenoʼao aliʼyaʼamo agesunafeʼmo agaemo malage huno aliʼyaʼamo alino. Afaʼa agesunafeʼmo Isaleli vayaʼmogi aote Gotiʼapimoʼmo ategenoʼao hisiya kavafeʼmo aipa agesamo laulagaleʼmo afole aino.

Aiyeya 5:24

Hosu kavaʼmo nehayaʼmofeʼmo atamoʼmo vaiʼniya kahaufiʼmo malage huno leno hano huno neʼataleya kava huno hosu kavaʼmo apakaeteʼmo afole aigiye. Asole vayaʼaiteʼmo yagaino neʼapateya Ala kava neʼmo keʼaepa geʼamo oʼafiʼa apakameʼyamo amiteʼa Isaleli vayaʼmogi aote Gotiʼapimo geʼaeʼmo, afa gemo haneʼniye, huʼa huʼnayaʼmofeʼmo hapafuʼyaʼapimo ago kasalisigenoʼaeʼmo haitaʼapimo hali huno asagauno aigiye.

Aiyeya 57:17

Agaemo hosu kavaʼmo huno haʼye huʼniya kavatefeʼmo naipamo leʼniye. Naipamo leʼnigeʼnaeʼmo nagaemo kayoʼmo amiteʼna ataleʼna uʼna fala kiʼna maiʼneʼna naipamo leʼniyaʼmonanafa aipafiʼmo hauʼniya kavaʼmo oʼataleno magoʼe huno hosu kavaʼmo huʼniye.

Aiyeya 58:2

Lama ge vayaʼmo oʼmaiʼnayaʼmonanafa muki afinaʼae afinaʼaeʼmo kahauya huʼa nagesayafeʼmo nehae. Apakaemo keʼaepa geʼnimo oʼataleʼa fatago kavaʼmo huʼa akame nehaya vayakana huʼa maiʼneʼapaeʼmo nahauʼniya kavaʼmo huʼa afisayafeʼmo apamogaga neʼaiyaʼmonanafa aigofe vayaʼmo maiʼnae. Apakaemo fatago kavafeʼmo ge huʼa nafi nekae. Nahaopaleʼmo eʼa maisayafeʼmo apamogaga neʼaiye.

Aiyeya 65:11

Alagepa huʼa maigayaʼmonanafa lapakaemo nataleta utapa nagaefeʼmo mono nehaya Saiyoni aote avelefeʼmo lapake kanige aigofe gotigitefeʼmo monoʼmo hutetapaeʼmo ofalinimo apamige huta maiʼnaya vayaʼmogitapae, huʼna,

Aiyeya 65:3

Apakaemo nagae naulagaleʼmo apakaefeʼmo naipamo leʼna apateteʼna gemo hapaisuva agufa kavakeʼmo nehae. Apakaemo hoyalegamo ofalinimo huteʼa aigofe gotigimo mopaletiʼmo alo huʼnaya yafatetiʼmo alo huʼnaya yafa hiʼyalamuteʼmo alagepa atumo neʼaiya laʼnefamo atafiʼmo nekae.

Neniyo 9:11

He, muki Isaleli vayaʼmogitamo keʼaepa gekamo ago amagita ataleteta gekamo oʼafisunafeʼmo kataleta uʼnonaʼmofeʼmo Moseseʼmo aliʼyakamo neʼaliya vekamoʼmo keʼaepa gemo lamiʼniya gemo kagoʼyamo ataleteka huʼnana lifana gemoʼmo lagaeteʼmo asagauno aiʼniyana kagaetegamo hosu kavaʼmo huʼnonaʼmofeʼmae.

Sefanaiya 1:6

Ala kava neʼmo magoʼe huʼa akame osuʼa ataleʼnaya vayaʼe Ala kava neʼmo agesayafeʼmo kahauya huʼa ge huʼa afi okeʼnaya vayaʼeʼmo aliʼna hano huʼna apatalegauve.

Matiyu 11:28

Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.

Matiyu 23:33

Nagaloʼyave vayanagi nagaloʼyave afamo anaga vayane, huʼna, Gotiʼa agoti huno lapatetenoʼaeʼmo, hosu vayaʼmo maiʼnae, huno hisigetapa ata kopiʼmo uta lamigae. Haiya kava hutapa faita kasalo paegae.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Lomu 8:7

Atafa apaipamoʼmo hauʼniya kavapiʼmo maiʼnisaya vayaʼmogi Goti aiyafiʼmo oʼmaige Goti keʼaepa geʼamo oʼafige nehayanageʼa afaʼa oʼafigayaʼmofeʼmo Goti kame vayaʼamo maiʼnae.

1 Kolitiyani 10:22

Lagaefeʼmo Ala kava neʼmoʼa aipa kana huno lateteno kaino faisiyafeʼmo alita he tita atesunafeʼmo nehupiye. Lagaemo lokiyatimoʼa Ala kava neʼmo lokiyaʼamo aeno agasesifiye.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

Leveleseni 18:5

Agaemo hosu kavaʼmo huno maleme maleme uno haiʼnigeno kokuʼnapiʼmo uno haiʼnigeno Gotiʼa hosu kavaʼaeʼmo age okanino agesa afifi nehiye.