Aiyeya 1:23 - The Keyagana NT and 25 OT books

²³ Neʼyagaiya vayakamogimo gemo noʼafiya vayane. Apakaemo kumayaʼmo neʼaliya vayaʼeʼmo magokepi lokaeʼa neʼmaiye. Muki neʼyagaiya vayaʼmogimo kutulu yaʼmo hisaya monieʼmo hapauʼniye. Monimo fiku alisayafeʼmo vegala neʼae. Apakaemo megusa mafaʼne anagaʼmo hapa noʼmae. Kogu aʼne anagaʼmogi geʼapimo alagepa huʼa oʼafiʼa aliʼa kanale huʼa noʼapatae.

Aiyeya 1:23 ပူးပေါင်းရင်းမြစ်များ

2 Sitoli 36:14

Magoʼe huno hosu kavaʼamo afole aiʼniyana muki mono huʼa neʼapataya vayanagi muki vayatama vayanagi ve aʼnemogiʼenagi huʼa magoʼe magoʼe huʼa gemo amagiʼa ataleʼnae. Apakaemo muki malaga alu nofi alu nofi vayaʼmogimo alagi hosu atu aiʼniya kavaʼmo huʼa maiʼnaya agufa kava huʼa maiʼnae. Apakaemo Ala kava neʼmoʼa Yulusalemu taonifi mono noʼmo agaiʼalefeʼmo aote hu maleʼniya noʼamo aliʼa hosu huʼa ateʼnae.

Mai'naya kavane 17:23

Hosu vekamoʼmo hosu kavaʼmo hisiyafeʼmo fala kino fikumo amiʼniya monimo neʼaliye.

Mai'naya kavane 29:24

Kumayaʼmo neʼaliya vekamo afaluʼamoʼmo agaiʼamo alagepa huno maisiyafeʼmo ohauʼniye. Agotileʼmo agoʼyamo ataleteno alagi lama gemo nehuve, huno huʼniyana afaluʼamoʼeʼmo huʼnaʼa kavafeʼmo aeno hakalo nosiye.

Aiyeya 1:17

Alagepa kavaʼmo hisayafeʼmo aliʼna lapaya malesuva gemo afiyo. Alagepa hutapa agoti hisayafeʼmo he tita lokiya vaitapa maiyo. Aliʼa afepiʼmo neʼapataya vayaʼaifeʼmo ge hapaiyo. Megusa mafaʼnemo hapa maeyo. Lapakaemo hutapaeʼmo, Lahapao ke hone, Kogu aʼnemo alagepa huʼa maisayafeʼmo hapa maeyo, hutapa hapa paiyo.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 1:22

Akeyaʼvilagamo alagepa siluva yafakamo haneʼniyaʼmonanafa hemenimo aliʼa yaga auʼa neʼatalaya yafakana huka hamaleʼnane. Nofi alagafati anikamo anilafaʼeʼmo haneʼniye.

Aiyeya 33:15

Haiya vayaʼmogi anaga avefiʼmo lokiya yafapiʼmo alagepa huʼa maigae. Vaiʼmo oʼaliʼa fatago kavaʼmo huge fatago gemo huge hosu kavatetiʼmo afole neʼaiya monimo alisayafeʼmo ohapauge kutulu monieʼmo alagi ohapauge vayaʼmo apamagisaya gemo oʼafige hosu kavaʼmo oʼagesayafeʼmo apaulagamo ali huge hunigeʼa neʼmaiya vayane.

Aiyeya 5:23

Apakaemo agoti gemo afiteʼapaeʼmo kutulu monimo alisayafeʼmo hosu kavaʼmo huʼnaya vayaʼaifeʼmo, fatago vayane, huʼa nehae. Apakaemo fatago vayaʼmogimo hosu kavaʼmo huʼa agoti nehae.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Maika 3:9

Yekopu vayaʼaiteʼmo yagaiʼnaya vayaʼe Isaleli vayaʼaiteʼmo yagaiʼnaya vayaʼeʼmo ani gemo afiyo. Lapakaemo alagepa huʼa ageteʼa aliʼa fako nehaya kavafeʼmo alagi olapauʼniye. Lapakaemo hosu kavaʼmo fatago kavakana hutapa alita afe leʼnae.

Maika 6:12

Apakaemo taonifiʼmo asole kagemi yaʼapiʼe vayaʼmogimo kaveta huge agoti huʼa apatege nehae. Taonifi vayaʼmogimo aigofe gemo huge apavayaletiʼmo humi apatege nehae.

Maika 7:3

Lole apayatalatetiʼmo hosu kavaʼmo nehayaʼmonanafa alagepa kavaʼmo hisayafeʼmo apakesamo noʼafiye. Yagaiʼa apateʼnaya vayaʼmogimo fikumo lamiyo, huʼa hapa nepaiye. Agoti gemo neʼafiya vayaʼmogimo kutulu monimo alisayafeʼmo nehae. Ala apakimo haneʼniya vayaʼmogimo apakaiʼapimo hapauʼniya yaʼmo alisayafeʼmo alu hosu vayaʼaifeʼmo hapa paiʼnageʼapaeʼmo magokepiʼmo maiʼneʼa vegemo nehae.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Napa 22:7

Inagi Movapu koteʼmo neʼyagaiya vayaʼe Mitiyani koteʼmo neʼyagaiya vayaʼeʼmo lifana hisigeʼapaeʼmo miyaʼamo amisayafeʼmo Melamitegamo aliniʼa uʼnae. Apakaemo uʼa avaʼyi huteʼapaeʼmo Melakiʼmo huʼniya gemo ha paiʼnae.

Matiyu 21:13

Agaemo hapa painoʼaeʼmo, avoʼmo kae maleʼniya gemoʼa hunoʼaeʼmo, vayaʼmogi noʼnieʼmo, nunumuʼmo nehaya none, huʼa hugae, huno avoʼmo kae maleʼniyaʼmonanafa lapakaemo kumaya neʼaliya vayaʼmo eʼa fala kiʼa neʼmaiya none, hutapa alita hamaleta ateʼnae, huno hapa paiʼniye.

Maki 11:17

Alino apaya malenoʼaeʼmo, vayaʼmogimo noʼnieʼmo huʼapaeʼmo, nunumuʼmo nehaya none, huʼa hugae, huno avoʼmo kaeno oʼmaleʼnifiye. Lapakaemo kumaya neʼaliya vayaʼmo eʼa fala kiʼa neʼmaiya nokana hutapa alita ha maletapa ateʼnae, huno hapa paiʼniye.

Luki 19:46

Agaemo hunoʼaeʼmo, avoʼmo kae maleʼniya gemoʼmo hunoʼaeʼmo, noʼnieʼmo, nunumuʼmo nehaya none, huʼa hugae, huno avoʼmo kae maleʼniyaʼmonanafa lapakaemo kumaya vayaʼmo eʼa fala kiʼa neʼmaiya none, hutapa alita hamaleta ateʼnae, huno hapa paiʼniye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.

1 Samiyo 8:3

Afiʼnaʼaʼmonanafa anakaemo afoʼanimoʼmo huʼniya kavaʼmo akame osuʼnaʼae. Anakaemo moni alisaʼafeʼmo hosu kavaʼmo huge hosu kavaʼmo hisaʼafeʼmo monimo alige agoti gemo afiʼana hosu huteʼanaeʼmo gemo alagepa huʼana aliʼana api oʼaige huʼnaʼae.