Aiyeya 1:14 - The Keyagana NT and 25 OT books

¹⁴ Nagupi mafaʼnemoʼmo saufa kaile mono kavafenagi aote afinaʼmo lekana pai maleʼnaya mono kavafenagi huno alagi oʼnahauʼniye. Nagaemo ani mono kavaʼamoʼmo kana yaʼmo alino namiʼnigeno alagaʼmo neʼnahaeye.

Aiyeya 1:14 ပူးပေါင်းရင်းမြစ်များ

Aiyeya 43:24

Lapakaemo yofemo miya faitapa ofalinimo oʼnamiʼnae. Afayaʼe ofalinimo oʼnamiʼnayaʼmonanafa hosu kavatapimoʼmo naipa kana yaʼmo namiʼniye. Keʼaepa gemo amagitapa neʼatalaya kavatapimoʼmo alagaʼmo neʼnahaeya kavaʼmo alino neʼnamiye.

Aiyeya 61:8

Na kava higeʼnaene. Nagaemo Ala kava neʼmoʼnamo alagepa huʼa aliʼa fako nehaya kavafeʼmo nahauʼniyaʼmofeʼmae. Kana yaʼmo apamige kumaya alige nehaya kavafeʼmo naini nehuve. Nagaemo aliʼyaʼapimo alisayafeʼmo lama geletiʼmo yagaiʼna apategauve. Nagaemo apakaeʼeʼmo alagi hanege hanege huno hanesiya kotalakemo hu malegauve.

Aiyeya 66:23

Muki alopa hopa afinanagi saufa kailenagi muki Sapati afinanagi huʼa muki ma mopafi vayaʼmo eʼa naulagaleʼmo mono hisayafeʼmo maigae.

Aiyeya 7:13

Inagi Aiyeyaʼmo hunoʼaeʼmo, Nevini vayane, huʼna, afiyo. Lapakaemo hosu kavaʼmo hisageʼa ma mopafi vayaʼmogi alaga hapaesiya kavaʼmo afole aisiyaʼmoʼmo aise kavaʼmo haneʼniyaʼmonanafa Gotiʼnimoʼeʼmo alagaʼmo haesiyafeʼmo hosu kavaʼmo hisafiye, huno ge huno apafi geʼniye.

Malakai 2:17

Lapakaemo hosu gemo huʼnagenoʼaeʼmo Ala kava neʼmoʼa alagaʼmo haeʼniye. Alagaʼmo haeʼniyaʼmonanafa lapakaemo hutapaeʼmo, Lagaemo haiya agufa gemo huʼnonagenoʼaeʼmo alagaʼmo haeʼniye, hutapa nehae. Lapakaemo hutapaeʼmo, Ala kava neʼmo aulagaleʼmo muki hosu kavaʼmo nehaya vayaʼmo alagepa vayaʼmo maiʼnae, hutapa huge hosu vayaʼaifeʼmo amuse huno neʼapate, hutapa huge alagepa huno alino fako huno neʼapateya Gotiʼmo haiyaʼalega maiʼniye, hutapa huge nehayaʼmofeʼmo alagaʼmo haeʼniye.