Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aepa Gemae 9:23 - The Keyagana NT and 25 OT books

23 Inagi Semiʼe Yefetiʼeʼmo mago kenamo aliʼana anakiʼnaleʼmo male aliteʼana anakamelegatiʼmo vase vase huʼana haiʼana afoʼanimoʼmo kofiʼana ateʼnaʼae. Afoʼanimo avagage yaʼaleʼmo oʼagesaʼafeʼmo aulu ohaeʼana aluyatega anaugosa huʼana maiʼnaʼae.

အခန်းကိုကြည့်ပါ။ ကော်ပီ




Aepa Gemae 9:23
11 ပူးပေါင်းရင်းမြစ်များ  

Hamuʼa Kenani afoʼamoʼmo afoʼamo Noaʼmo ageyana agufalagaʼageʼmo havaeno maiʼnigeno agegeno kumatega uno lamino nepuʼamoʼe aganaʼamoʼeʼmo hana paiʼniye.


Noaʼa negi nagi huteno havaeno maiʼniyapatiʼmo he tinoʼaeʼmo henaga mafaʼneʼamokeʼmo agaetegamo ani kavaʼmo huʼniye, huno ageʼniye.


Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.


Muki vayaʼmo afaʼa apataletapa apamisaya yaʼmo apamiyo. Anonatapilefeʼmo takesi monimo lapakitapileʼmo apamige alu takesi monimo apamige hiyo. Apaiyafiʼmo maiʼnisaya vayaʼai apaiyafiʼmo maiyo. Apakiʼapileʼmo aliʼa asaga hisaya vayaʼai apakiʼapileʼmo alita asaga hiyo.


Konagaʼnimogitapae, huʼna, mago hosu kavaʼmoʼa malage huno mago konagatapimoʼmo atafausigeno hosu kavaʼmo huʼnisigetapaeʼmo lapakaepatiʼmo Goti Aunemeʼamo alagepa huʼa akame nehisaya vayaʼmogimo yagu yaga gemo huʼa aliʼa alagepa huʼa ateyo. Lapakaeʼeʼmo lapamalageka hisagetapaeʼmo hosu kavaʼmo osisayafeʼmo lapakaitapileʼmo alagepa hutapa yagaiʼnetapaekeʼmo alita api aita ateyo.


Kagaemo alopa vayaʼaifeʼmo lokiya gemo osuka afokamofeʼmo ha nepaina agufa gemo huka hapa paiteka alika api aika apato. Konagakamogifeʼmo hapa nepaina agufa gemo huka neya vayaʼaifeʼmo hapa paiteka alika api aika apato.


Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.


Magoke vekamoʼmo yagaino neʼapateya vayatama vekaeʼmo, hosu kavaʼmo nehiye, huno hisiya gemo oʼafiyo. Lole vekalaʼmoganimofi loleʼe magoʼe vayaʼmogimofi huʼa eʼa hisaya gegeʼmo afiyo.


Muki vayaʼai apakiʼapileʼmo alita asaga hiyo. Konagatapieʼmo lapaino. Gotifeʼmo koli hiyo. Ala kini vekamo hogote vekatapimo ala agiʼamo amiyo.


Hogote kavaʼmo hutapa konagatapieʼmo lusi kava huno lapau lapayamopafiʼmo lapaino. Konagatapieʼmo lapau lapayamopafiʼmo nelapaiya kavaʼmoʼa hosu kavaʼapimo aeno ati kaeno atalegaiyaʼmofeʼmae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ