Aepa Gemae 9:22 - The Keyagana NT and 25 OT books

²² Hamuʼa Kenani afoʼamoʼmo afoʼamo Noaʼmo ageyana agufalagaʼageʼmo havaeno maiʼnigeno agegeno kumatega uno lamino nepuʼamoʼe aganaʼamoʼeʼmo hana paiʼniye.

Aepa Gemae 9:22 ပူးပေါင်းရင်းမြစ်များ

Aepa Gemae 10:6

Hamu ve mafaʼne anagaʼamogi apakiʼapimo Kusiʼagi Isipiʼagi Putiʼagi Kenaniʼagi huʼa maiʼnae.

Aepa Gemae 9:23

Inagi Semiʼe Yefetiʼeʼmo mago kenamo aliʼana anakiʼnaleʼmo male aliteʼana anakamelegatiʼmo vase vase huʼana haiʼana afoʼanimoʼmo kofiʼana ateʼnaʼae. Afoʼanimo avagage yaʼaleʼmo oʼagesaʼafeʼmo aulu ohaeʼana aluyatega anaugosa huʼana maiʼnaʼae.

Aepa Gemae 9:25

Inagi agaemo hunoʼaeʼmo, Gotiʼa Kenaniʼmo lifana huno ategaiye. Kenaniʼa konagaʼamogiteʼmo aliʼyaʼapimo alisiya vekamo maigiye.

Samu 40:15

Kigi huʼa nateteʼa nagaefeʼmo, vaehae, vaehae, huʼa nehaya vayaʼmo apavagage yaʼmo alika apamigeʼa hapau aiyo.

Samu 70:3

Kagaemo kigi yokalo gemo huʼa neʼnataya vayaʼaina apavagage yaʼmo apamiyo. Apavagage hugiyaʼmofeʼmo nataleʼa ugae.

Mai'naya kavane 25:9

Kahaopaleʼmo maiʼniya vekalegamo uka lanakaitanigeʼmo ge huge afige hutetana alitana fako hiʼao. Ani gemo muki vayaʼaifeʼmo hapa opaiyo.

Mai'naya kavane 30:17

Mago vekamoʼmo afoʼamofeʼmo huno faipa huno atege kigi yokalo gemo huge itaʼamo geʼamo akame hisiya kavafeʼmo akameʼyamo amige nehisiyaʼmoʼmo falisigeʼapaeʼmo hakikimogimo aulagamo haniʼa katiʼa negae.

Hamakaki 2:15

Vayaʼmogimo hapaopaleʼmo neʼmaiya vayaʼmo aniʼmo neteʼa negi nagi huteʼa apagufaʼalagaʼageʼmo maisageʼa apakesayafeʼmo asole aniʼmo neʼapamiya vayaʼmo lusi hanageke yaʼmo aligae. Lapakaemo ani aniʼmo nesayafeʼmo lapauʼnigetapa lapaya mukiki nehae.

Matiyu 18:15

Konagakamoʼmo kagaetegamo hosu kavaʼmo huʼnisiyaʼmoʼmo agaetega uka lanakaitanigeʼmo maiʼnetanaeʼmo ha maeka hosu kavaʼamo alika aveliyo. Gekamo afisiyana agufamo alika katika ategane.

1 Kolitiyani 13:6

Apakaemo vayaʼai hosu kavaʼapieʼmo apamogaga noʼaifa lama gemo akame nehaya vayaʼai kavafekeʼmo apamogaga neʼaiye.

Galesiya 6:1

Konagaʼnimogitapae, huʼna, mago hosu kavaʼmoʼa malage huno mago konagatapimoʼmo atafausigeno hosu kavaʼmo huʼnisigetapaeʼmo lapakaepatiʼmo Goti Aunemeʼamo alagepa huʼa akame nehisaya vayaʼmogimo yagu yaga gemo huʼa aliʼa alagepa huʼa ateyo. Lapakaeʼeʼmo lapamalageka hisagetapaeʼmo hosu kavaʼmo osisayafeʼmo lapakaitapileʼmo alagepa hutapa yagaiʼnetapaekeʼmo alita api aita ateyo.