Aepa Gemae 9:21 - The Keyagana NT and 25 OT books

²¹ Mago afinaʼmo ani nofi alagafati aniʼmo neteno negi nagi huteno seli noʼafiʼmo agufalagaʼageʼmo maiʼniye.

Aepa Gemae 9:21 ပူးပေါင်းရင်းမြစ်များ

Aepa Gemae 6:9

Noa aginago vayaʼai apakimo haneʼniye. Agaemo loleʼe magoʼe ve mafaʼne anagaʼamo Semiʼagi Hamuʼagi Yafetiʼagi huʼa maiʼnae. Noaʼa fatago vekamo Goti aulagaleʼmo maiʼniyaʼmofeʼmo vaiʼmo oʼaliʼniye. Noaʼa Goti ao vekamo maiʼnigeʼana magokepi lokaeli uʼeʼa huʼana maiʼnaʼae.

Aepa Gemae 9:20

Noaʼa hoyamo alino neʼvaiya vekamo aepa faino maiteno mago nofi hoyamo alino vaiʼniye.

Mai'naya kavane 20:1

Nofi alagafati aniʼmoʼa humi neʼapate. Lokiya aniʼmoʼa humi neʼapate. Lokiya aniʼmoʼa kaveta hisaya kavaʼmo alino he tino neʼapate. Ani aniʼmoʼa humi apateʼnigeʼa alagepa kaʼmo ataleʼnaya vayaʼmo negi vayaʼmo maiʼnae.

Lomu 13:13

Ha le yateʼmo neʼmaiya vayaʼmogimo nehaya agufa fatago kavaʼmo higetao. Lusi neʼyaʼmo netapa alita anupa hutapa maiʼnetapaeʼmo hosu kavaʼmo osuge aniʼmo netetapa negi nagi gemo osuge kumai kavaʼmo osuge alu kava alu kavatetiʼmo muki kumai kavaʼmo osuge ge oʼvaige lapaipa kafa ohapaege hutapa maiyo.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

Galesiya 5:21

Hosu apaipa kalige kamitimo apamagige lusi aniʼmo neteʼa negi nagi gemo huge lusi kava huʼa ogefage huʼa apavamusa valeʼa negi nagi huge magoʼe huʼa ani agufa hosu kavaʼmo huge nehae. Hogoteʼna lapa paiʼnovanageʼna hemenimo halate magoʼe gemo huʼnaeʼmo, ehetapiye, huʼna lapa nepauve. Afole oʼaiʼniya afinaʼmo hogoteʼna lapa paiʼnaeʼmo mani agufa hosu kavaʼmo nehaya vayaʼmogimo Gotiʼa yagaino neʼapateya kopiʼmo uʼa haiʼa mafaʼneʼapimogimo afoʼapimogi yaʼmo neʼaliya kava huʼa Gotitegatiʼmo hetamaʼapimo afaʼa oʼaligae.

Taitasi 2:2

Kosuna vayaʼaifeʼmo hapa paigeʼapao hapauʼniya kavateʼmo alagepa huʼa yagaiʼa atege alagepa huʼa yagaiʼa neʼapataya yahauve vayakana huʼa maige apaipa apakesaleʼmo alagepa huʼa yagaiʼa atege aigofeʼmo osuʼa lokiya vaiʼa apakesamo afiʼa fatago huge hapau apayamopafiʼmo hapauge atafauʼa alagi huʼa maige hiyo.

Leveleseni 3:18

Ani kavaʼmo hutapa maiʼnayaʼmofeʼmo kagemi yatapimo hanesiya vayaʼmo maisayafeʼmo goli yafaʼmo atafiʼmo kaeʼna aliʼna alagepa hu maleʼnova goli yafaʼmo nagaetetiʼmo miya faiyo. Lapakufaʼalagaʼageʼmo maiʼnayanageno lapavagage osisiyafeʼmo nagaetetiʼmo yaveyave kukena yaʼmo miya faita vaiyo. Lapaulagaletiʼmo ageta alagepa hutapa agesayafeʼmo lapaulagaleʼmo falesaya malasinimo nagaetetiʼmo miya faiyo.