Aepa Gemae 9:2 - The Keyagana NT and 25 OT books

² Muki afumogi yagagafamogi namamogi noyamemogiʼenagi huʼa lapakaefeʼmo kolitapi nehisagetapa yagaitapa apategae. Aliʼna lapayapiʼmo malove.

Aepa Gemae 9:2 ပူးပေါင်းရင်းမြစ်များ

Aepa Gemae 1:21

Ina kava huno Gotiʼa solovala anipiʼmo alopa noyamegi alu ya alu yaʼmo afaʼa maisaya yanagi alu nama alu namagi huno alo hu maleteno agetenoʼaeʼmo, kanale huʼniye, huno huʼniye.

Aepa Gemae 1:26

Huteno Gotiʼa hunoʼaeʼmo, lagaemo vayaʼmo lagaitigana huta alo higetao. Apakaemo solovala anipi noyameleʼmo yagaige kokuʼnate namaleʼmo yagaige yuna afugi yagagafagi afela afugi muki ma mopafi yatenagi huʼa yagaige hugae, huno huʼniye.

Aepa Gemae 1:28

Gotiʼa alino auleno anatetenoʼaeʼmo, Lanakaemo asole vayaʼmo aitana atagu faesaʼageʼapaeʼmo muki haopalegamo uʼeʼa huʼa maiʼneʼa muki ma mopafi yateʼmo yagaiyo. Solovala anipi noyameleʼmo yagaige kokuʼnapi namaleʼmo yagaige muki mopafiʼmo afaʼa maisaya yateʼmo yagaige hiyo, huno hana paiʼniye.

Aepa Gemae 2:19

Huno huteno Gotiʼa mopamo aliteno yagagafagi muki alu afu alu afugi namagi huno alo huʼniye. Gotiʼa ani vekamoʼmo apakiʼapimo apatesiyafeʼmo muki yaʼamo apavalelino eʼniye. Inagi ani vekamoʼmo muki yaʼaeʼmo magoke magoke huno apaki apateteno nama anagaʼeʼmo apaki apateʼniye. Agaemo muki yuna yafeʼmo apaki apatege muki afela yafeʼmo apaki apatege muki nama anagafeʼmo apakimo apatege huʼniye. Ani vekamoʼmo haiya agufa apakimo apateʼnifi ani apakiʼapigeʼmo alagi haneʼniye. Haneʼniyaʼmonanafa ani yaʼafatiʼmo Atamuʼeʼmo mago afaluʼamo yaʼmo huno maiʼneno ha maesiya vekamo oʼmaiʼniye.

Aepa Gemae 35:5

Apakaemo uʼnagenoʼaeʼmo Gotiʼa muki taoniʼafi taoniʼafiʼmo maiʼnaya vayaʼmo koli yaʼmo alino apamigeʼa Yekopu mafaʼne anagaʼmo apavegala oʼaeʼnae.

Aepa Gemae 9:1

Gotiʼa ina kava huno Noaʼagi ve mafaʼne anagaʼagi huno alagepa huʼa maisayafeʼmo alino auleno apatenoʼaeʼmo, asole mafaʼnemo alitapa apatesageʼa ma mopafiʼmo maiʼa kili paeyo.

Aepa Gemae 9:3

Lapakaemo muki uʼeʼa huʼa maisaya yaʼamo neʼyatapimo hanegaiye. Nagaemo muki yaʼamo lapamiteʼna hegafa talili yaʼeʼmo lapamuvagi afaʼa negae.

Yemisi 3:7

Vayaʼmogimo muki aunemeʼe yaʼmo namagi nagaloʼyavegi noyamemogi huʼa afaʼa aliʼa yuna heʼa apateteʼa yagaiʼa apateʼnayanageʼa afaʼa yagaiʼa apategae.