Aepa Gemae 8:20 - The Keyagana NT and 25 OT books

²⁰ Noaʼa yafa hiʼyalamuʼmo maleteno ofalini hisiyafeʼmo muki alagepa afufatinagi namafatinagi huno amagino yafa hiʼyalamuteʼmo kaeno ofalinimo Gotina amiʼniye.

Aepa Gemae 8:20 ပူးပေါင်းရင်းမြစ်များ

Aepa Gemae 13:18

Ha paitegenoʼaeʼmo Emalemiʼa ani kotetiʼmo ataleno uno Hipaloni taonifiʼmo alopa yosamo Mamali yosamo aepafiʼmo ofalinimo nehaya hiʼyalamuʼmo Ala kava netefeʼmo huʼniye.

Aepa Gemae 13:4

Hogoteno Emalemiʼa ofalinimo nehaya agufa yafa hiʼyalamuʼmo hu maleʼniya yategamo eno halate Ala kava neʼmo agiʼaleʼmo keya aeno ge huno nunumuʼmo huʼniye.

Aepa Gemae 22:2

Huno huʼnigenoʼaeʼmo inagi Gotiʼa ha painoʼaeʼmo, magoke mafaʼnekamo lusi kava huno kahau kayamopafiʼmo kahauʼniya mafaʼnekamo Aisakiʼmo Molaiya haopalegamo avalelikugeʼna mago aveeʼmo kaha paiguve. Ani aveleʼmo kagaemo Aisakiʼmo amagika atafiʼmo kaeka ofalinimo namigane, huno ha paiʼniye.

Aepa Gemae 22:9

Inagi anakaemo Gotiʼa ha paiʼniya koteʼmo uʼana avaʼyi huteʼanaeʼmo Emalehamuʼa yafa hiʼyalamuʼmo hu maleteno agotofuleʼmo atamo alino alagepa huno maletenoʼaeʼmo mafaʼneʼamo Aisaki aiyalateʼe ayatalateʼeʼmo nofi kiteno yafa hiʼyalamute atamo agotofuleʼmo alino havaeno ateʼniye.

Aepa Gemae 26:25

Aisakiʼa ani gemo afitenoʼaeʼmo yafa hiʼyalamuʼmo hu maleʼneno Ala kava neʼmo agiʼaleʼmo keya aeno mono huʼniye. Agaemo seli noʼamo alino he tino atetegeʼa aliʼyaʼamo neʼaliya vayaʼmogimo ani keli kotuʼamo kafiʼnae.

Aepa Gemae 33:20

Miya faiteno Gotiʼmo ofalini amisiya yafa hiʼyalamuʼmo huteno agiʼamo E Eyohe Isaleliʼae huno ateʼniye.

Aepa Gemae 35:1

Gotiʼa Yekopufeʼmo ha painoʼaeʼmo kagaemo he tika uka haika Meto taonifiʼmo maiyo. Kagaemo nagaetefeʼmo mono hisanafeʼmo ofalini yafa hiʼyalamuʼmo huvo. Nagaemo Gotiʼnamo nepukamoʼmo Isotegatiʼmo ataleka kaune heʼnana afinaʼmo kagaetegamo afole aiʼnove, huno ha paiʼniye.

Aepa Gemae 35:7

Agaemo yafa hiʼyalamuʼmo hu maleteno agiʼamo Elo Meto kone huno ateʼniye. Ani agimo aepaʼamo Meto kotega Gotiʼmae. Nepuʼamotegatiʼmo ataleno aune hetaleno uʼniya afinaʼmo Gotiʼa ani koteʼmo afole aiʼniyaʼmofeʼmae.

Aepa Gemae 4:4

Inagi Evoʼmo yege aikeli sipisipi amagiteno afayaʼamo alininuno Ala kava neʼmo ofalini amiʼnigeno Evoʼe ofaliniʼaʼefeʼmo amuse huʼniye.

Aepa Gemae 7:2

Kagaemo nagae naulagaleʼmo ofalinimo namisayafeʼmo muki alu afu alu afu anagaʼafatiʼmo seveniʼa kanale ve afugi seveniʼa a afugi huka apavaleteka hosu afufatiʼeʼmo ve afuʼe a afuʼeʼmo apavalo.

Aepa Gemae 7:3

Ani kava huka muki alu nama alu namafatiʼeʼmo seveniʼa ve namagi seveniʼa a namagi huka apavalo. Olagaiʼa alu nama alu namamo halate ma mopafiʼmo aiʼa atagu faeʼa maisayafeʼmae.

Aepa Gemae 8:19

Muki alu afu alu afugi yagagafagi namagi huʼa apakaiʼapi apakaiʼapimo aliʼa lokaete lokaete huʼa emiʼeʼnae.

Hatu maeno apate'niya gemae 10:25

Moseseʼa hunoʼaeʼmo, Haʼao, huno, Latalegeta muki alu afu alu afu anagatiʼeʼmo apavalelita uta amagita Ala kava neʼmo Gotitimoʼmo ofalinimo amigune.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Himulu 13:10

Lagae ofalinimo haneʼniye. Inagi lagae ofalinimo hiʼyalamutetiʼmo alita neʼnonaʼmonanafa mono huʼa neʼapataya vayaʼmogi seli nopiʼmo aliʼyaʼmo neʼaliya vayaʼmogimo lagae hiʼyalamutetiʼmo afaʼa aliʼa oʼnegae.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.