Aepa Gemae 7:7 - The Keyagana NT and 25 OT books

⁷ Noaʼagi aʼagi ve mafaʼne anagaʼagi aʼne anagaʼapigi huʼa aniʼmo heʼniya kavapatiʼmo ofalisayafeʼmo sipifiʼmo uʼa haiʼnae.

Aepa Gemae 7:7 ပူးပေါင်းရင်းမြစ်များ

Aepa Gemae 6:18

Faligayaʼmonanafa nagaemo kagaeʼeʼmo magokepi kotalakemo hu malegauve. Kagaegi akagi ve mafaʼne anagakagi mafaʼne anagakamogi aʼne anagaʼapigi hutapa sipifiʼmo uta haiyo.

Aepa Gemae 7:1

Inagi Ala kava neʼmoʼa Noafeʼmo ina ge huno ha paiʼniye. Nagaemo kageʼnovana muki ma mopafi vayapatiʼmo naulagale fatago vekamo maiʼnane. Maiʼnanaʼmofeʼmo kagaeʼe muki afamo anagakaʼeʼmo sipifiʼmo utapa haiyo.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Matiyu 24:38

Alopa aniʼmo oseʼnigeʼapaeʼmo neʼyaʼmo nege aniʼmo nege aʼmo alige aʼmafaʼnemo lagauliʼa uge nehagenoʼaeʼmo Novaʼa sipifiʼmo uno haiʼniye.

Luki 17:27

Neʼyaʼmo nege aniʼmo nege aʼmo alige aʼmafaʼnemo lagauliʼa uge hume hume neʼagenoʼaeʼmo Novaʼa sipifiʼmo uno haino maiʼnigenoʼaeʼmo aniʼmo heteno muki vayaʼmo ago aeno apati kaeʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

1 Pita 3:20

Noaʼa hogoteno alopa sipimo alo nehigenoʼaeʼmo Gotiʼa vase vase huno apakava maime maime eʼniyaʼmonanafa geʼamo oʼafiʼnae. Gotiʼa hapa oʼmaenifa eitiʼa vayaʼatoʼmo anipiʼmo haneʼniya sipifiʼmo maiʼnaya vayaʼai apakufamo alino katino apateʼniye.

2 Pita 2:5

Ani kava huno akeyaʼvilaga vayaʼmogi Gotifeʼmo mono osuʼnaya vayaʼaina Gotiʼa apakeno oʼapataleʼnifa aniʼmo ho, huno huʼnigeno aniʼmo heteno muki vayaʼamo ago aeno apati kaeʼniyaʼmonanafa Novaʼa fatago kavafeʼmo aeno hakalo huno hapa paiʼniya vekaʼe seveniʼa vayaʼeʼmo anipatiʼmo apakufamo alino katino apateʼniye.