Aepa Gemae 7:1 - The Keyagana NT and 25 OT books

¹ Inagi Ala kava neʼmoʼa Noafeʼmo ina ge huno ha paiʼniye. Nagaemo kageʼnovana muki ma mopafi vayapatiʼmo naulagale fatago vekamo maiʼnane. Maiʼnanaʼmofeʼmo kagaeʼe muki afamo anagakaʼeʼmo sipifiʼmo utapa haiyo.

Aepa Gemae 7:1 ပူးပေါင်းရင်းမြစ်များ

Aepa Gemae 6:18

Faligayaʼmonanafa nagaemo kagaeʼeʼmo magokepi kotalakemo hu malegauve. Kagaegi akagi ve mafaʼne anagakagi mafaʼne anagakamogi aʼne anagaʼapigi hutapa sipifiʼmo uta haiyo.

Aepa Gemae 6:9

Noa aginago vayaʼai apakimo haneʼniye. Agaemo loleʼe magoʼe ve mafaʼne anagaʼamo Semiʼagi Hamuʼagi Yafetiʼagi huʼa maiʼnae. Noaʼa fatago vekamo Goti aulagaleʼmo maiʼniyaʼmofeʼmo vaiʼmo oʼaliʼniye. Noaʼa Goti ao vekamo maiʼnigeʼana magokepi lokaeli uʼeʼa huʼana maiʼnaʼae.

Aepa Gemae 7:13

Ani afinakeʼmo koʼmo aepa faino aiʼnigeʼa Noaʼagi aʼagi loleʼe magoʼe ve mafaʼne anagaʼamo Semiʼagi Hamuʼagi Yafetiʼagi aʼne anagaʼapigi huʼa sipifiʼmo uʼa haiʼnae.

Aepa Gemae 7:7

Noaʼagi aʼagi ve mafaʼne anagaʼagi aʼne anagaʼapigi huʼa aniʼmo heʼniya kavapatiʼmo ofalisayafeʼmo sipifiʼmo uʼa haiʼnae.

Mai'naya kavane 10:9

Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Mai'naya kavane 14:26

Ala kava nefeʼmo koli nehiya vekamoʼmo alagi naha maegaiye, huno magoke agesamo afigiye. Mafaʼne anagaʼaʼeʼmo alagepa huʼa fala kiʼa maisaya yaʼapimo hanegaiye.

Mai'naya kavane 18:10

Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Luki 17:26

Novaʼa maiʼniya afinaʼmo haiya agufa kavaʼmo huʼa maiʼnafi Vemo Mafaʼnemo afinaʼeʼmo ani agufa kavakeʼmo huʼa maigae.

Apa 2:39

Gotiʼa hunoʼaeʼmo, Nauneʼnameʼmo lapamiguve, huno huʼniya polomasi geʼamo lapakaefenagi mafaʼne anagatapiʼenagi afagitegamo maiʼnaya vayafenagi huno hapa paiʼniye. Ala kava netimo Gotiʼa eyo, huno muki keya aeno ge hisiya vayaʼaifeʼmo ani gemo hapa paiʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

1 Pita 3:20

Noaʼa hogoteno alopa sipimo alo nehigenoʼaeʼmo Gotiʼa vase vase huno apakava maime maime eʼniyaʼmonanafa geʼamo oʼafiʼnae. Gotiʼa hapa oʼmaenifa eitiʼa vayaʼatoʼmo anipiʼmo haneʼniya sipifiʼmo maiʼnaya vayaʼai apakufamo alino katino apateʼniye.