Aepa Gemae 6:6 - The Keyagana NT and 25 OT books

⁶ Ala kava neʼmoʼa vayaʼmo alo huʼna oʼapatesuva yafena alo huʼna apateʼnove, huno agesamo afiteno aipafatiʼmo agafu kiʼniye.

Aepa Gemae 6:6 ပူးပေါင်းရင်းမြစ်များ

Aepa Gemae 6:7

Agesamo afinoʼaeʼmo alo huʼna apateʼnova vayaʼmo ma mopafatiʼmo aliʼna hano huʼna apatalegauve. Inagi nagaemo vayanagi yagagafagi afugi kalagi kokuʼnate namagi huʼna aliʼna hano huʼna apatalegauve. Alo huʼna oʼapateʼnovesinana kanale huʼniyesine.

2 Samiyo 24:16

Mago enisole vekamo Yulusalemu taonifiʼmo eno avaʼyi huteno taonifiʼmo maiʼnaya vayaʼmo kamitimo apamagisiyafeʼmo alo huno maiʼnigenoʼaeʼmo Ala kava neʼmoʼa apamagisiya kavafeʼmo ohauʼnigeno hau huno apateteno alu aipa agesamo afiteno apamagisiyafeʼmo huʼniya enisole vekaeʼmo ina ge huno ha paiʼniye. Alaginagi afaʼa ato, huno ha paiʼniye. Ani afinaʼmo enisole vekamo mago vitimo haitaʼamo aliʼa neʼatalaya yateʼmo haopaleʼmo he tino maiʼniye.

Samu 106:45

Kotalakemo huguve, huno hu maleʼniya geʼaeʼmo agesamo afiʼniye. Apakaefeʼmo hau huno apateteno halate agesamo afiʼniye.

Samu 110:4

Ala kava neʼmoʼa alu aipa agesamo oʼafino agoʼyamo ataleteno ge hunoʼaeʼmo, Melikisetekiʼa mono huno neʼapateya vekamo maiʼniya kava huka agae akamelegatiʼmo agae nofi vekamo mono huka neʼapatana vekamo maiʼneka muki afinaʼaeʼmo maige maige huka maigane, huno kaha paiʼniye.

Samu 119:158

Hosu kavaʼapimo aeʼa ati kaeʼnaya vayaʼmogi gekamo akame nosayaʼmofeʼmo apakeʼnogenoʼaeʼmo naipamoʼmo kana huʼniye.

Samu 78:40

Muki afinaʼmo kaʼme kotegamo maiʼneʼapaeʼmo geʼamo ago amagiʼa ataleʼnagenoʼaeʼmo lusu kava huno aipamoʼmo kana huʼniye.

Samu 81:13

Nagaemo lapakaemo vayaʼnimogi geʼnimo afiteʼa kaʼnileʼmo visayafeʼmo lusi kava huno nahauʼniye.

Samu 95:10

Huʼnayaʼmofeʼmo ani afinaʼmo muki maiʼnaya vayaʼaifeʼmo naipamoʼmo kana huʼnigeʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Hatu maeno apate'niya gemae 32:14

Ala kava neʼmoʼa alu aipa agesamo afiteno vayaʼaeʼmo, apamagiguve huno huʼniya kavaʼmo osuʼniye.

Aiyeya 63:10

Hapa maeʼniyaʼmonanafa aiyafiʼmo oʼmaigune, huʼa huteʼa Aote Aunemeʼamo aipa kana yaʼmo amiʼnayaʼmofeʼmo Gotiʼa aino afe leno kame vekaʼapigana huno maiʼneno kame huno apateʼniye.

Yona 3:10

Ani kava huʼa hosu kavaʼapimo ataleʼnageno Gotiʼa apaketenoʼaeʼmo halate alu aipa agesamo afiteno ani kavaʼmo huguve, huno hapa paiʼniya kavaʼmo osuno ataleʼniye.

Malakai 3:6

Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Yekopu nofi vayaʼmogitapae, huʼna, Nagaemo Ala kava neʼmoʼnamo kavaʼnimo ataleʼna aliʼna alu kavaʼmo afaʼa nosuvaʼmofeʼmo alagi aliʼna hano huʼna olapataleʼnovanageʼna afaʼa aliʼna hano huʼna olapatalegauve.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Lomu 11:29

Gotiʼa apamiʼniya yaʼmo halate hapa ofalegaiye. Keya aeno ge huʼniya kavatefeʼmo halate alu aipa agesamo oʼafigiye.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

Himulu 3:10

Huʼnayaʼmofeʼmo ani afinaʼmo muki maiʼnaya vayaʼaifeʼmo naipamo leʼna apateteʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Himulu 3:17

Gotiʼa haiya vayaʼaifeʼmo fotiʼa kafugamo aipamo leno apatege apatege huno maiʼniye. Hosu kavaʼmo huteʼa kaʼme kotegamo faliʼnaya vayaʼaifeʼmae.

Yemisi 1:17

Gotiʼa muki alagepa yaʼe haino hapaiʼniya yaʼeʼmo fikumo neʼapamigenoʼaeʼmo kokuʼnapatiʼmo emineʼniye. Muki kokuʼnate aeno ha neleya yaʼmoʼa alu kava alu kavaʼmo huno aeno ha neleyaʼmonanafa ani aeno ha neleya yaʼmo Afoʼamoʼmo alu kava alu kavaʼmo osuno magoke agufa kavaʼmo huno fikumo neʼapamiye.

1 Samiyo 15:11

Afiyo, huno, Soloʼmo magoʼe huno nakame osuʼnifa nataleno atagi neno uʼniye. Agaemo huvo, huʼna ha paiʼnova gemo osuʼnifa geʼnimo amagino ataleʼniyaʼmofeʼmo kini vekamo aliʼna hamaleʼna ateʼnova kavafeʼmo lusi kava huʼna nahau huve, huno ha paiʼniye. Samiyoʼmo ani gemo afitenoʼaeʼmo aipamo kana huʼnigeno muki ani haniʼilagamo nunumuʼmo hume hume uʼniye.

1 Samiyo 15:29

Gotiʼa Isaleli vayaʼai lokiyaʼapimo maiʼnenoʼaeʼmo aigofe gemo osuno alu aipa agesamo oʼafigiye. Ma mopafi vekamo oʼmaiʼniyaʼmofeʼmae, huno ha paiʼniye.

1 Samiyo 15:35

Henagaʼamo Samiyoʼmo Soloʼmo uno oʼageniye. Afaʼa maime maime neʼvigenoʼaeʼmo Soloʼmo faliʼniye. Agesiyafeʼmo oʼuʼniyaʼmonanafa Solofeʼmo yulagefa aiʼniye. Ina kava huno Ala kava neʼmoʼa Soloʼmo Isaleli vayaiteʼmo yagaino apatesiyafeʼmo kini vekamo lekana paino ateʼniya kavafeʼmo aipamoʼmo kana huʼniye.