Aepa Gemae 6:2 - The Keyagana NT and 25 OT books

² Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Aepa Gemae 6:2 ပူးပေါင်းရင်းမြစ်များ

Aepa Gemae 12:11

Isipi kotegamo uʼa hogo nehuʼapaeʼmo Emalemiʼa aʼamo Selaifeʼmo ina ge huno huʼniye. Afiyo, huno, nagaemo hemenimo kageʼnovana kagaemo kanale aʼmo maiʼnane.

Aepa Gemae 24:3

Maleʼneka Ala kava neʼmo kokuʼnateʼe ma mopafiʼeʼmo neʼyagaiya Goti agiʼaletiʼmo kagoʼyamo ataleteka naha paigane. Kenani nofi vayaʼai folagapiʼmo maiʼnova vayaʼmogi a mafaʼne anagapatiʼmo mafaʼnekamo aʼmo avaleliʼna oʼmegauve, huka naha paiyo.

Aepa Gemae 26:35

Aisakiʼe Lipekaʼeʼmo ani lole atalaʼani kavaʼanimo anaketeʼanaeʼmo anaipamoʼmo kana huʼniye.

Aepa Gemae 27:46

Henagaʼamo Lipekaʼa Aisakifeʼmo ha painoʼaeʼmo, Hiti nofi vayaʼmogi a mafaʼnemogi nehaya kavaʼapieʼmo alagaʼmo neʼnahae. Yekopuʼa ani a mafaʼne anagapatiʼmo alisigeʼnaeʼmo nagaemo alagepa huʼna oʼmaiguvanageʼna faliguve, huno ha paiʼniye.

Aepa Gemae 3:6

A kanomoʼmo ani yosa alagamo ageʼniyana alagepa yosa alagamo aeʼnigeno ageno haʼye huʼniye. A kanomoʼmo ina kava huno agesamo afiʼniye, kanalenageʼna mani yosa alagamo neteʼnaeʼmo alagepa huʼna afiteʼna agegauve, huno huteno ani yosa alagamo lagino neʼniye. Neteno anauʼamoʼmo agaeʼeʼmo lokaeno maiʼniya vekamo amiʼnigeno neʼniye.

Aepa Gemae 4:26

Henagaʼamo Setiʼa mago ve mafaʼnemo alino atetenoʼaeʼmo agiʼamo Inosiʼae huno ateʼniye. Ani afinatetiʼmo aepa faiʼa Ala kava neʼmo agiʼamo aeteʼa agaetefeʼmo mono huʼnae.

Aepa Gemae 6:1

Henagaʼamo ma mopafiʼmo asole ve aʼnemo afole aiteʼapaeʼmo asole a mafaʼnemo aliʼa apateʼnae.

Aepa Gemae 6:3

Inagi Ala kava neʼmoʼa hunoʼaeʼmo, Nauneʼnameʼnimoʼmo apaipamo aliʼa afe lesayafeʼmo ayamufa ge huge hugetesigeʼa oʼafisayana magoʼe huno ayamufa gemo osuno afaʼa apatalegaiye. Atafa apaipamo aliʼnayaʼmofeʼmo nagaemo ma mopafi maisaya afinaʼapimo vani hataleti tuvetiʼa kafugamo apatesugeʼa maigae, huno huʼniye.

2 Samiyo 11:2

Mago uneʼmo Neviniʼa hipaʼaleʼmo havaeno maigeno he tino nokatomuʼmo otuleʼmo uno haino uneno huʼniye. Agaemo aulu heno mugalegamo ageyategamo mago a kanomoʼmo aniʼmo nefalegeno ageʼniye. Ani a kanomo alagi alagepa apaulagamo neʼagaya a kanoe.

Esala 9:12

Nehayaʼmofeʼmo aʼmafaʼnetapimo ani nofi vayaʼaina oʼapamige mafaʼnetapimogimo aʼmafaʼneʼapimo oʼalige hiyo. Lapakaemo muki afinaʼmo apakaeʼeʼmo kame osisageʼa alagepa huʼa maisayafeʼmo hapa oʼmaeyo. Lapakaemo lokiya vaitapa maiʼnetapa ani mopaleʼmo alita vaisaya hoyafatiʼmo alagepa neʼyaʼmo neme neme utapa falisageʼapaeʼmo mafaʼnetapimogimo ani mopamo alisageno apakaiʼapi mopaʼapimo muki afinaʼmo hanege hanege huno hanesiyafeʼmo ani kavaʼmo hiyo.

Hatu maeno apate'niya gemae 34:16

Fiku yanageʼa neya mafaʼne anagatapimogimo ani vayaʼmogi aʼmafaʼnemo alisageʼa ani aʼmafaʼne anagaʼapimogimo anauʼapimogimo apataleʼa kumai heʼa ugekana huʼa aigofe gotigitefeʼmo monoʼmo huteʼa neya mafaʼnetapimo apavaleliʼa ugae.

Aiyeya 63:16

Huʼnanaʼmonanafa kagaemo afotimogamo alagi maiʼnane. Emalehamuʼmo hemenimo olageʼnigeno Isaleliʼmo gemo laha nopaiyaʼmonanafa kagaemo O Ala kava neʼmogae, huta, afotimogamo maiʼnane. Alagi akeyaʼvilagamo miya faika hatu maeka nelatana Gotigae, huta kagi neʼaone.

Malakai 2:11

Yuta vayaʼmogimo Gotifeʼmo aigofe kavaʼmo huteʼa apametala huʼnae. Apakaemo muki Isaleli kotegaʼe Yulusalemu taonifiʼeʼmo alagi lusi hosu kavaʼmo huʼnae. Yuta vayaʼmogimo Ala kava neʼmo aote kavaʼamo veyalavemogi kavaʼmo aliʼa hosu huʼa ataleteʼa malaga vayaʼmo aigofe gotigitefeʼmo mono nehaya vayaʼmogi aʼmafaʼnemo aliʼnae.

Malakai 2:15

Gotiʼa magoke nofi vayaʼageʼmo mukiʼamo alo osuʼnifiye. Gotiʼa Aunemeʼaletiʼmo magoʼe nofi vayaʼmo agaiʼa nofi vayaʼmo maisayafeʼmo afaʼa alo hugiyaʼmonanafa lagaemo alo huʼniye. Na kava higenoʼaene. Lagaemo mafaʼnemo alita apatesunageʼa agaiʼa aote nofi vayaʼamo maisayafeʼmae. Gotiʼa ani kavaʼmo huʼniyaʼmofeʼmo lapaunelapameteʼmo alagepa hutapa yagaiʼnetapa neyatapileʼmo aliʼnaya aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.

1 Kolitiyani 7:39

Inagi mago a kanomoʼmo anauʼamoʼmo ofalino afaʼa maiʼniya afinaʼmo atafauno alagi huno maiʼniye. Anauʼamoʼmo falisigenoʼaeʼmo hatu maeno atesigeno uno hauʼnisiya veleʼmo afaʼa maigiyaʼmonanafa Kalisitini vekalekeʼmo maino.

2 Kolitiyani 6:18

Afotapimoʼnamo maisugetapa mafaʼne aʼmafaʼneʼnimo maigae, huno Ala kava neʼmo ayamufaʼage vekamoʼmo ani gemo hu maleʼniye, huno huʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.

1 Yoni 2:16

Muki ma mopafi kavaʼmo haneʼniyana apakufamoʼmo haʼye nehiya kavaʼmo hanege ageteʼapaeʼmo hapaʼye nehiya kavaʼmo hanege aliteʼa ala apakimo neʼaliya kavaʼmo hanege huʼniye. Ani kavaʼmo Goti kavaʼamo ohaneʼnifa ma mopafi kavaʼmo haneʼniye.