Aepa Gemae 6:13 - The Keyagana NT and 25 OT books

¹³ Gotiʼa Noafeʼmo ha painoʼaeʼmo, Nagaemo muki vayaʼmo aliʼna hano huʼna apatalegauve. Kamemo huge vayaʼmo hapaege kaveta huge nehaya kavaʼmokeʼmo ma mopafiʼmo havai teʼniyaʼmofeʼmo apakaeʼe ma mopaʼeʼmo aliʼna hano huʼna apatalegauve.

Aepa Gemae 6:13 ပူးပေါင်းရင်းမြစ်များ

Aepa Gemae 49:5

Lole konagalaʼmo Simiyoniʼe Livaiʼeʼmo vayaʼaifeʼmo hanau huʼana oʼapateʼana kamitimo hapaeʼnaʼa yaʼmo noʼanifiʼmo haneʼniye.

Aepa Gemae 6:14

Kagaemo alagepa lokiya yosamo alika mago sipimo alo huvo. Kagaemo ina kava huka aeka anagiteka sipimo yuʼilagaʼaʼe malagaʼaʼeʼmo kameletiʼmo falegane.

Aepa Gemae 6:4

Ani afinanagi henagaʼamo afole aiʼniya afinanagi huʼa Gotiʼa ve mafaʼne anagaʼmogimo ma mopafi a mafaʼneʼapiʼeʼmo magokepi lokaeʼa havaeteʼa alopa apakufaʼe vayaʼmo aliʼa apateʼnae. Apakaemo lokiya apayamufa vayaʼmo maiʼneʼa asole aeto aeto agufa kavakoʼmo huteʼa ala apaki vayaʼmo maiʼnae.

Aepa Gemae 7:21

Muki afaʼa neʼmaiya yaʼamo ago alagi faliʼnae. Namagi afela afugi yuna afugi yagagafagi muki aise aise kafagi vayanagi huʼa muki mopafi neʼmaiya yaʼamo ago faliʼnae.

Aepa Gemae 7:23

Gotiʼa afaʼa neʼmaiya yaʼamo muki vayanagi yuna afugi yagagafagi namagi huno alino hano huno apataleʼniye. Magoke vekamo Noaʼe afamo anagaʼaʼenagi sipifiʼmo maiʼnaya afugi yagagafagi huʼa afaʼa maiʼnae.

Aepa Gemae 7:4

Hemeni afinatetiʼmo seveniʼa afinaʼmo utesigeʼna koʼmo aliʼna atesugeno fotiʼa felugaʼe haniʼilagaʼeʼmo ko aige aige huno maigiye. Ma mopafatiʼmo muki afaʼa neʼmaiya yaʼmo alo huʼna apateʼnova yaʼmo aliʼna hano huʼna apatalegauve, huno ha paiʼnigeno

Aepa Gemae 8:21

Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.