Aepa Gemae 5:3 - The Keyagana NT and 25 OT books

³ Atamuʼa vani hataleti tetiʼa kafugamo maiteno ve mafaʼnemo agaiʼagana huno alino atetenoʼaeʼmo agiʼamo Setiʼae huno ateʼniye.

Aepa Gemae 5:3 ပူးပေါင်းရင်းမြစ်များ

Aepa Gemae 4:25

Henagaʼamo Atamu aʼaʼeʼmo magokepi lokaeno havaeʼnigeno ve mafaʼnemo alino atetenoʼaeʼmo agiʼamo Setiʼae huno ateʼniye. Keniʼa Evoʼmo amagiʼniya vekamo aimuʼyaleʼmo maisiyafeʼmo Gotiʼa ani mafaʼneʼnimo lekana paino ateʼniyaʼmofeʼmae huteno agiʼamo Setiʼae huno ateʼniye. Setiʼae agimo aepaʼamo haneʼniyana lekana paino ateʼniya vekamae.

Aepa Gemae 5:2

Gotiʼa vemo alo huteno aʼmo alo huʼniye. Agaemo alo huno anateteno alino auleno anatetenoʼaeʼmo muki vayaʼaifeʼmo, vayane, huno apaki aeʼniye.

Aepa Gemae 5:4

Atamuʼa Setiʼmo alino atetenoʼaeʼmo eiti hataletiʼa kafugamo neʼmainoʼaeʼmo magoʼe huno ve mafaʼnemo alino apatege a mafaʼne alino apatege huteno faliʼniye.

Samu 51:5

Vae, huʼna, itaʼnimoʼmo nagae aipaguʼeʼmo aepa faiʼniya afinaʼmo hosu kavapiʼmo maiʼnove. Itaʼnimo aipafiʼmo maiʼneʼnaeʼmo hosu mafaʼnemo maiʼnove.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 3:36

Kenani afoʼamoʼmo Afakasatiʼae. Afakasati afoʼamoʼmo Semiʼae. Semi afoʼamoʼmo Novaʼae. Nova afoʼamoʼmo Lemekiʼae.

Yoni 3:6

Atafa apaipamo haneʼniya vayaʼmogi atafa apaipaʼe vayaʼmo aliʼa neʼapatae. Goti Aunemeʼamoʼmo saufa apaipaʼe vayaʼmo alino neʼapate.

Lomu 5:12

Inagi hosu kavaʼmo magoke vekafatiʼmo muki ma mopafi vayapiʼmo afole aiʼnigeno ani hosu kavaʼaletiʼmo nefaliya kavaʼmo afole aiʼniye. Nefaliya kavaʼmo ani katetikeʼmo afole aiteno muki vayaʼaitegamo aino atagu faeno uneno huʼniye. Muki vayaʼmo magoke vekamoʼmo hosu kavaʼmo huʼniya afinaʼmo Atamupiʼmo maiʼneʼapaeʼmo hosu kavaʼmo huʼnae.

1 Kolitiyani 15:39

Muki ma mopafi maiʼnaya yaʼmogimo magoke agufa apakufamo ohaneʼniyana ma mopafi maiʼnaya vayaʼai apakufamo magoke agufa apakufamo hanege afumogi apakufamo aeto agufa apakufamo hanege namamogi apakufamo aeto agufa apakufamo hanege noyamemogi apakufamo aeto agufa apakufamo hanege huʼniye.

1 Kolitiyani 15:49

Lagaemo mopaletiʼmo alo huno ateʼniya vekagana huta maiʼnona kava huta kokuʼnapatiʼmo emineʼniya vekagana huta maigune.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.