Aepa Gemae 5:24 - The Keyagana NT and 25 OT books

²⁴ Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.

Aepa Gemae 5:24 ပူးပေါင်းရင်းမြစ်များ

Aepa Gemae 24:40

Agaemo naha painoʼaeʼmo, Nagaemo Ala kava neʼmo aulagaleʼmo geʼamo akame nehuva Ala kava neʼmoʼa enisole vekaʼamo alino atesigeno kagaeʼeʼmo magokepi lokaeno uteno kaʼmo alino ho huno katesigeka mafaʼneʼnimo aʼmo afoʼnimo nofi vayapatiʼmo afaʼa avalegane.

Aepa Gemae 37:30

Agaemo konagaʼamogitegamo uno hapa painoʼaeʼmo, Mafaʼnemo kelifi oʼmaiʼniye. Nagaemo haiya kava huguve, huno huʼniye.

Aepa Gemae 42:36

Afoʼapimoʼmo Yekopuʼa hunoʼaeʼmo, Lapakae huʼnaya kavatetiʼmo lole mafaʼneʼnilaʼmo afela heʼnaʼae. Hogoteno Yosefeʼmo afela hetegeno hemenimo Simiyoniʼmo afela heʼnigetapaeʼmo halate hemenimo Menisemenimo avalelitapa visayafeʼmo huʼnae. Muki mani kavaʼamo nagaetegamo kame nehaya kavane, huno hapa paiʼniye.

Aepa Gemae 5:22

Alino atetenoʼaeʼmo Inokiʼa tali hataletiʼa kafugamo Gotiʼeʼmo afalu afalu kava huno maiteno Gotiʼeʼmo magokepi lokaeno uneno nehunoʼaeʼmo ve mafaʼnemo alino apatege a mafaʼnemo alino apatege huʼniye.

Aepa Gemae 5:23

Inokiʼa muki kafugaʼamoʼmo tali hataleti sigisiti faefuʼa kafugamo ma mopafiʼmo maitenoʼaeʼmo ataleno uʼniye.

Aepa Gemae 5:25

Metusalaʼa vani hataleti eiti seveniʼa kafugamo maiteno Lemekiʼmo alino ateʼniye.

Aepa Gemae 6:9

Noa aginago vayaʼai apakimo haneʼniye. Agaemo loleʼe magoʼe ve mafaʼne anagaʼamo Semiʼagi Hamuʼagi Yafetiʼagi huʼa maiʼnae. Noaʼa fatago vekamo Goti aulagaleʼmo maiʼniyaʼmofeʼmo vaiʼmo oʼaliʼniye. Noaʼa Goti ao vekamo maiʼnigeʼana magokepi lokaeli uʼeʼa huʼana maiʼnaʼae.

2 Kini 2:1

Ala kava neʼmoʼa Ilaiyaʼmo mago alino vego vego nehiya yasifiʼmo avalelino kokuʼnapiʼmo uno haisiya afinaʼmo ago hogo huʼnigeʼanaeʼmo Ilaiyaʼe Ilaisaʼeʼmo Giligali taonifatiʼmo ataleʼana uʼnaʼae.

2 Kini 2:10

Ilaiyaʼmo hunoʼaeʼmo, Kagaemo lokiya yaʼmo kamisuvafeʼmo nehane. Ala kava neʼmoʼa navalelino uno haisigekaeʼmo nagesanaʼmoʼmo ani lokiyaʼamo aligane. Uʼna haisuva afinaʼmo oʼnagesanaʼmoʼmo oʼaligane, huno ha paiʼniye.

2 Kini 2:11

Anakaemo ge hume hume neʼvaʼagenoʼaeʼmo malage huno lole hosilaʼmo atagana hosilaʼmo mago atagana talalamo halauliʼana eʼana aliʼana fako huʼana anateʼnaʼageno mago alino vego vego huʼniya yasimoʼmo Ilaiyaʼmo avalelino kokuʼnapiʼmo uno haiʼniye.

2 Kini 2:12

Ilaisaʼmo ageyana Ilaiyaʼmo uno haiʼnigenoʼaeʼmo keya aeno ge hunoʼaeʼmo, Afoʼnimogae, afoʼnimogae, huno, Kagaemo Isaleli vayaʼmogi talalaʼe hosileʼmo fai maiʼnaya ati vayakana huka maiʼnane, huno huteno magoʼe huno oʼageʼniye. Aipamoʼmo lusi kava huno kana huʼnigenoʼaeʼmo agaiʼa kukena yaʼamo alino apake aino lole huʼniye.

Samu 49:15

Gotiʼa kanolumo lokiyaʼafatiʼmo nagupi mafaʼnemo miya faino navalegaiye.

Samu 73:24

Hemenimo kagaemo gekaletiʼmo alika ho huka nateteka henagaʼamo ha le konali koteʼmo navalelika uka haigane.

Matiyu 2:18

Ani gemoʼmo hunoʼaeʼmo, Lama taonifatiʼmo apakemo aiʼnageʼa afiʼnae. Yulagefa aige aviʼyaʼmo huge huʼnageʼa afiʼnae. Lesoʼa mafaʼne anagaʼaeʼmo aviʼyaʼmo huno apateʼniye. Mafaʼne anagaʼamo ago faliʼnayaʼmofeʼmo aipamo aliʼa falu huʼa atesayafeʼmo huʼnayana oʼafiʼniye, huno avoʼmo kae maleʼniye.

Luki 23:43

lama gemo kaha nepauve, huno, hemenitomo Palanaisi koteʼmo uka haisanagetaʼa nagaeʼeʼmo maiguʼae, huno ha paiʼniye.

1 Yoni 1:7

Lagaemo hanipiʼmo umenitata osuta Gotiʼa aeno ha leʼniya yateʼmo neʼmaiya kava huta aeno ha leʼniya yateʼmo umenitata nehisunana agaeʼeʼmo afalu afalugana huta maiʼnonagenoʼaeʼmo agaemo lagaeʼeʼmo ani kava huno afalu afalugana huno neʼmaigeno Mafaʼneʼamo Yesu Kalaisi kolaʼamoʼmo muki hosu kavatimo aeno kalo paeno neʼatale.

Yuti 1:14

Atamu akamelegati napa seveni vekamo Inokiʼa ani vayaʼaiteʼmo afole aisiya kavafeʼmo ava gemo Gotitegati gemo alino hapa painoʼaeʼmo, Afiyo, huno, Ala kava neʼmoʼa lagaemo lekana opaisuna agufa enisole vayaʼmo tauseni tauseniʼa apaote enisole vayaʼaʼeʼmo magokepi eminegaiye.