Aepa Gemae 49:9 - The Keyagana NT and 25 OT books

⁹ Yutaʼa mago aikeli laiyonigana huno maiʼniye. Mafaʼneʼnimogae, huʼna, afela afumo uka haeteka aika atagineka eʼnane. Laiyonimoʼa ape huno neʼmaiya kava huno maigiye. Ina laʼmo ha faino atalegaiye.

Aepa Gemae 49:9 ပူးပေါင်းရင်းမြစ်များ

Maika 5:8

Ani logufaʼa vayaʼmo Yekopu vayaʼmogimo laiyonimoʼmo afela afumo hapaesiyafeʼmo nehiya kava huʼa alu nofi vayaʼai folagapiʼmo hapaegae. Aikeli laiyonimoʼmo sipisipi anagaʼmogi folagapiʼmo maiʼneno apatafauge hapaeno nege nehiya kava huʼa maigae. Mago sipisipi anagaʼmo hapa maesiya vekamo maiʼniya kava huʼa Yekopu kame vayaʼamo hapa maesaya vayaʼmo oʼmaigae.

Napa 23:24

Apakeyo, huno, Isaleli nofi vayaʼmo lokiya laiyonigana huʼa maiʼneʼa maiʼa haga olegae. Hogoteʼa hapaeteʼa apameʼamo nege kolaʼapimo nege huteʼapaeʼmo afaʼa maiʼa haga legae.

Napa 24:9

Isaleli vayaʼmo laiyonigana huʼa havaeʼa maiʼnisageʼapaeʼmo mago vayaʼmogimo afaʼa aliʼa he tiʼa oʼapategae. Isaleli vayaʼmogitapae, huʼna, alino auleno lapatesiya vekamo aulena vekamo maigiye. Lifana huno lapatesiya vekamo lifana vekamo maigiye, huno huʼniye.

1 Kolitiyani 15:24

Ani afinaʼmo hano hisiya afinaʼmo afole aigiye. Kalaisiʼa muki yagaiʼa neʼapataya vayanagi himamu vayanagi lokiya vayaʼmogi huno kamemo huno aeno apakaseteno alino hano huno apataletenoʼaeʼmo muki yaʼmo afoʼamo Gotiʼa muki vayaʼaiteʼmo yagaino apatesiyafeʼmo apavaleno amigiye.

Leveleseni 5:5

mago vayatama vekamoʼmo, Aviʼyaʼmo osuvo. Ago, huno, Yuta nofi vayapatiʼmo ani laiyonimo Nevini nofi vayapatiʼmo hafuʼyaʼagana huno maiʼniya vekamoʼmo muki kavaʼe vayaʼeʼmo aeno apakaseʼniyanageno seveniʼa kamemo afaʼa alino akauteno alino ata legaiye, huno naha paiʼniye.