Aepa Gemae 49:6 - The Keyagana NT and 25 OT books

⁶ Anakaemo anaipa leʼnigeʼana kamitimo apamagiʼnaʼaʼmofeʼmo anakae anaipa anakesaeʼmo nagaemo kanalene, huʼna osuguve. Huguʼae, hisaʼa kavaʼmo pulumakamogi apaiyamo heʼana nehatagaʼaʼmofeʼmo nagaemo anakaeʼeʼmo alagi magokepi lokaeʼna oʼmaiguve.

Aepa Gemae 49:6 ပူးပေါင်းရင်းမြစ်များ

Aepa Gemae 34:30

Inagi Yekopuʼa Simiyoniʼe Livaiʼefeʼmo hana painoʼaeʼmo, lanakaemo lusi kana yaʼmo alitana namiʼnaʼanageʼna muki mani kote vayaʼai apaulagaleʼmo hosu atumo neʼaiya yakana huʼna maiguve. Lagaemo aise vayaʼmo maiʼnonaʼmofeʼmo Kenani vayaʼe Pelesi vayaʼeʼmo aliʼa anupa huteʼa nagaeʼe afamo anagaʼniʼeʼmo kamemo lahaegae, huno huʼnigeʼanaeʼmo

Samu 1:1

Gotifeʼmo mono nosaya vayaʼmogimo apakesamo afiʼapaeʼmo, ina kateʼmo viyo, huʼa nehaya kateʼmo umenitata osuge hosu kavaʼmo nehaya vayaʼmo neʼvaya kateʼmo uʼa he tiʼa oʼmaige mono katefeʼmo, afa kane, huʼa huteʼa huʼa faipa huʼa neʼataya vayaʼeʼmo magokepi lokaeʼa itopaleʼmo fai oʼmaige nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 103:1

Nagupi mafaʼneo, huʼna, Ala kava neʼmo alika auleka ato. Muki nagufamoʼe naipa nagesamoʼeʼmo aote vekamo agiʼaleʼmo alino asaga hino.

Samu 139:19

O Gotiyo, huʼna, hosu vayaʼmo apamagisanafeʼmo neʼnahaiye. Kaveta nehapaya vayaʼmo nataleʼa visayafeʼmo neʼnahaiye.

Samu 16:9

Neʼmaiyaʼmofeʼmo naipafiʼmo namogaga neʼauve. Navayafatiʼmo namogaga neʼauve. Navayagunagu huʼna agava neʼmauvanageno nagufaʼnimo alagepa huno hanesigeʼna maiʼna haga legauve.

Samu 26:9

Kagaemo hosu kavaʼmo nehaya vayaʼeʼmo alika hosu huka oʼnato. Kagaemo kamitimo apamagiʼnaya vayaʼmogimo alisaya kayoʼmo nagaemo oʼnamiyo.

Samu 28:3

Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.

Samu 30:12

Ani kavaʼmo huʼnanaʼmofeʼmo nagaemo afaʼa oʼmaiʼna yokemo huʼna kagikaleʼmo aliʼna asaga huguve. O Ala kava neʼmo Gotiʼnimogae, huʼna, Muki afinaʼmo kahaoke hegauve, huno huʼniye.

Samu 42:11

Nagaemo na kava higeʼnaeʼmo naipamoʼmo kana nehiye. Na kava higeʼnaeʼmo nagesa alaʼamo neʼafuve. Nagupi mafaʼneyo, huʼna, Gotiʼa naha maesiyafeʼmo agava maiʼneka kavayagunagu nehugeʼnao halate naha neʼmaeya vekaʼnimo Gotiʼnimo agiʼaleʼmo aliʼna asaga huguve.

Samu 42:5

Nagupi mafaʼneyo, huʼna, na kava higenoʼaeʼmo kaipamoʼmo kana nehiye. Na kava higekaeʼmo kagesa alaʼamo neʼafine. Nagupi mafaʼneyo, huʼna, Gotiʼa naha maesiyafeʼmo agava maiʼneka kavayagunagu nehugeʼnao halate naha neʼmaeya vekaʼnimo Gotiʼnimo agiʼaleʼmo aliʼna asaga huguve.

Samu 5:10

O Gotiyo, huʼna, Vaiʼmo apamiyo. Alika apatalegeʼapao ani kavaʼmo hugune, huʼa apakesamo neʼafiya kavategatiʼmo ataleʼa asagauʼa aiyo. Kagaetegamo hosu kavaʼmo huteʼa gekamo ago amagiʼa ataleʼnayaʼmofeʼmo asole hosu kavaʼapifiʼmo maiʼnagi alika yaga auka apatalo.

Samu 57:8

Nagaemo yegemo auʼmo kaleʼniyapatiʼmo aliʼna he tiʼna ateteʼna gita amagige kuleleʼmo amagige huguve.

Samu 64:2

Hosu vayaʼmogimo aliʼa anupa huʼa maiʼneʼapaeʼmo aliʼa hosu huʼa natesaya kafeʼmo kahauya nehayanagi naha mao.

Mai'naya kavane 1:11

Apakaemo huʼapaeʼmo, Lagaeʼeʼmo egetao. Lagaemo mago vayaʼmo apamagisunafeʼmo uta ka agiʼnaleʼmo fala kita maiʼneta apamagigune. Mago hosu kavaʼapimo ohaneʼnegaiyaʼmonanafa afaʼa lahauʼniya kavaʼmo akame huta kamitimo apamagigune.

Mai'naya kavane 12:5

Fatago vayaʼmogimo apakesamo neʼafiya kavaʼmo alagepa huno haneʼniyaʼmonanafa hosu vayaʼmogi vege nehaya gemo humi apatesayafeʼmo nehae.

Luki 12:19

Maleteʼnaeʼmo, nagupi mafaʼneyo, huʼna, muki kafugaʼaeʼmo alagepa huka maisanafeʼmo muki kagemi yakamo maleʼnane. Neʼyakamo nege anikamo nege nehuka kamogaga aika maika haga leka maiyo, huʼna huguve, huno agesamo afiʼniye.

2 Kolitiyani 6:14

Alu anagufaʼe alu anagufaʼe afulaʼmo magokepi lokaeʼana aliʼyaʼmo alisaʼafeʼmo yosaletiʼmo kiʼa anatafauʼana noʼanatae. Noʼanataya kava hutapa apakesamo afiʼa fatago osuʼnaya vayaʼeʼmo magokepi lokaeta aliʼyaʼmo oʼaliyo. Haiya kava huʼana alagepa kavaʼe hosu kavaʼeʼmo afalu afalugana huʼana magokepi lokaeʼana hanegaʼae. Haiya kava huʼana ha le yaʼe hani yaʼeʼmo afalu afalu huʼana magokepi lokaeʼana hanegaʼae.

Yasuva 11:9

Yasuvaʼa Ala kava neʼmoʼa hapaiʼniya agufa kavaʼmo huno hosi anagaʼapimogi apaiyamo apakanunaʼmo hatagauteno talalaʼapimo ata kaeno ataleʼniye.